Yokana 19:28 - Baibuli I Leb Kumam 2013

²⁸ Ingei mano, Yesu oko waco (pi cobo kakare iwandik kacil) be, “Orio oneka,” pien oudo engeo be gi dedede do otiek.

Yokana 19:28 Iomraidhean Croise

Sabuli 22:15

Dwana otuo bala yat kotuo; leba omoko i dana. Ipiela i apua i kabedo me jo oto.

Sabuli 69:21

Akaka mina cam gin kimia poison, doko di orio oudo oneka, gin kimia bwini awac pi mato.

Luka 12:50

Ango atie kede batisimu kame kopoore batiso ango kede, do cunya li kede anapakin tuno kede di etieko cobere!

Luka 18:31

Yesu oko tero josiao tomon kiwie are tenge kargi ken gi, di en eko waco ne gi be, “Winyunu, wan otienu ot Yerusalem, di gi dedede kame bin inabin owandiko i kom Wot ka dano ko bino cobere.

Luka 22:37

Pi mano, awaco ne wu be, iwandik miero cobere i koma kame waco be, ‘En bin kotere bala ngat acel kikom jotur Iswil’; pien gikame bin kowandiko i koma tie cobere kakare.”

Luka 9:31

Gin bin kinyutere kede deyo, di kiyamo kede Yesu kop me to mere kame miero oudo ecobi i Yerusalem.

Yokana 13:1

Manoni en oudo ceng kame ru ceng me camo Ebaga me Kalamo. Yesu oudo ngeo be esawa mere do otieko tuno me yai ki piny kan pi ot but Papa. En oudo emaro jo mege kame tie i piny kan, doko da eko maro gi tuno i ajikini.

Yokana 17:4

Ango atieko mini deyo i piny kan, pien atieko tic kame oudo imia pi timo.

Yokana 18:4

Yesu oudo ngeo gi dedede kame bino timere i kome, omio en eko wokun anyim di eko penyo gi be, “Imounu ngai?”

Yokana 19:24

Omio kiko waco ken gi ken gi be, “Kur onyinyilunu en, do oucunu alulu pi neno ngat kame winyo bino mako di en eko tero.” Man otimere pi mino iwandik kacil cobere kakare be, “Kipopoko giangapa na, di kiko uco alulu pi ekanso na.”

Yokana 19:30

Kakame Yesu otieko jwijwio kede bwini awac nono, en eko waco be, “Otiek do.” Di do eko luro wie, eko to.

Yokana 19:36

Pien gigi otimere tetekeny iwandik kacil cobere kakare, kame waco be, “Likame kobino turo cogo mere moro.”

Yokana 4:34

Yesu oko waco ne gi be, “Cam nango en timo gikame ngat kame oora mito, kede pi cobo tic mere kakare.

Tice 13:29

Kakame gin kitieko kede timo gi dedede kame cobo kop kame kowandiko i kome, gin kiko do kwanye tenge kikom yat, di kiko ot yike i ates.