Yokana 19:26 - Baibuli I Leb Kumam 2013

²⁶ Kakame Yesu oneno kede toto mere karacel kede ngasiao kame bin en emaro nono di kitie cungo i ngete, en eko waco ne toto mere be, “Neni, wodi ino!”

Yokana 19:26 Iomraidhean Croise

Yokana 13:23

Ngat acel kikom josiao, kame Yesu oudo bin singo maro, oudo tie gongere di iyapiyapi kede kor Yesu;

Yokana 2:4

Yesu oko waco ne be, “Dako, Itie lola pinyo? Esawa nango pwodi likame otuno.”

Yokana 20:2

Di do en eko ringo eoto but Simoni Petero gini kede ngasiao ocelu kame bin Yesu maro nono, di eko waco ne gi be, “Kikwanyo kom Rwot tenge ki ates, likame ongeo kakame kikete iye.”

Yokana 21:20

Petero oko lokere di eko neno ngasiao kame Yesu oudo maro nono di tie lubo gi, en ngat kame oudo ogongere di iyapiyapi kede kor Yesu i kacam me otieno, en ngat kame oko penyo Yesu be, “Rwot, ngai inonono kame bino rupao in?”

Yokana 21:24

Ngasiao noni en kame nan tie mino ijura i kom gi nogi, doko en kame ewandiko gi nogi. Wan ongeo be ijura kame emio tie me ateni.

Yokana 21:7

Ngasiao kame Yesu maro nono oko waco ne Petero be, “Rwot kom inonono!” Kakame Simoni Petero owinyo kede be Rwot inonono, en eko ngapo igoen mege pien oudo egonyo gi pi tic, di eko somo edonyo i yi pii.