Yokana 19:23 - Baibuli I Leb Kumam 2013

²³ Kakame isirikalen otieko guro kede Yesu i kom musalaba, kiko tero igoen mege di kiko popoko tien ongwon, dul acelacel pi sirikale acel. Kiko tero kiton ekanso mere da. Do ekanso mere oudo likame kororopo, oudo en etie acel abor kame kokedo ausin mege cako ki malo tuno piny.

Yokana 19:23 Iomraidhean Croise

Yai 28:32

Miero kotuc ngute bed diere pi kakame korwako iye wic, di oko toko kuno ngute nono kede ausi tetekeny kur eyeci.

Matayo 27:35

Di do kitieko gure, kiko uco alulu pi udo epone me pokopoko igoen mege.

Marako 15:24

Gin kiko gure i kom musalaba di kiko popoko igoen mege di kiuco alulu pi neno gikame ngat acelacel poore tero.

Luka 23:34

Di Yesu oko waco be, “Papa, sasiro gi, pien kikwia gikame kitie timo.” Di kiko donyo uco alulu pi popoko igoen mege.

Tice 12:4

Kakame bin etieko mako kede Petero, en eko rwake i otkol, di eko mine i cing ikodeta ongwon me isirikalen pi dare, di oudo etie kede tam me kele i nyim jo pi pide ingei Ebaga me Kalamo.