Yokana 19:20 - Baibuli I Leb Kumam 2013

²⁰ Iyudayan atot oko somo kop noni, pien kakame koguro iye Yesu oudo tie i nget bomba; doko oudo kowandiko kop noni i leb Eburania, Latin kede Gurik.

Yokana 19:20 Iomraidhean Croise

Luka 23:38

Oudo tie iwandik moro kame koguro i wi musalaba mere kame waco be, “Man en abaka me Iyudayan.”

Yokana 19:13

Kakame Pilato owinyo kede kope go, en eko kelo Yesu ooko, di eko bedo i kom mere me ngolo kop, i kabedo kame kolwongo be “Kide kame Konapo.” (I leb Eburania nying nono en Gabata.)

Yokana 19:42

Kite kame ceng no oudo obedo kede ceng kame Iyudayan iikere kede, doko da pien ates oudo tie kakame iyapiyapi, gin kiko yiko Yesu kuno.

Yokana 5:2

Oudo bin atapar tie Yerusalem i nget Erute me Romini, kame oudo tie kede ikekon kany kame kogero wi gi. Oudo kolwongo atapar nono kede leb Eburania be Betesaida.

Tice 21:37

Kakame oudo kiyapuno tuno kede i paco me isirikalen, Paulo oko penyo ngadwong me isirikalen be, “Itwero yei na waco ni kop moro?” En eko penyo Paulo be, “Benyo, ingeo leb Gurik?

Tice 21:40

Kakame koyei ne kede yamo, Paulo oko cungo kayito i ot, di eko didio jo kede cinge be ber kilingi. Kakame kiling kede, en eko yamo kede gi i leb Eburania di ewaco be:

Tice 22:2

Kakame kiwinyo kede Paulo di tie yamo kede gi i leb Eburania, kiko do temuno ling kiber. Di Paulo oko waco be:

Tice 26:14

Kakame wan dedede otieko popoto kede piny, ako winyo dwan moro di penya kede leb Eburania be, ‘Saulo, Saulo, pinyo komio in itie tidilo ango? Iudo lito kame igwere bala diang kame gweo ebela.’

Iburanian 13:12

Iepone nono da Yesu da bin oneno can i ooko me bomba me wek elony jo kede remo mere.

Gianyuta 16:16

Di tipere nogo oko coko abakai karacel i kabedo kame kolwongo i leb Eburania be Amagedon.

Gianyuta 9:11

Malaika kame lo bur atut wiriwir en kame oudo obedo abaka gi. Nyinge i leb Eburania en Abadon, do i leb Gurik kolwonge be Apoliyon.