Yokana 19:13 - Baibuli I Leb Kumam 2013

¹³ Kakame Pilato owinyo kede kope go, en eko kelo Yesu ooko, di eko bedo i kom mere me ngolo kop, i kabedo kame kolwongo be “Kide kame Konapo.” (I leb Eburania nying nono en Gabata.)

Yokana 19:13 Iomraidhean Croise

Agole 29:25

Bedo kede lworo tie ne dano bala owic, do ngat kame keto gen mere i kom Rwot bedo mulem.

Ngarab kop 5:8

Kur ibed kede ur ka ineno apugan tero jocan kirac di likame kongolo negi kop kakare, doko di otuturo twero gi me dano. Ngapug acelacel tie kede ngapug kame loe, ngat kame umo tice mege areco, bobo da jopug kame lo gi nogo da tie kede jopug kame lo gin dedede.

Isaya 57:11

Rwot penyere be, “Rubangan mege igonogo kame wun ilworunu, tetekeny wun iwacunu na kope me angalo di wi wu ko wil keda, arabo di likame ikounu tamo pira? Benyo, mam wun likame ilworanu pien ango abedo ling i kom dub wu pi kare kalac?

Yeremia 38:19

Abaka Esedekia oko waco na be, “Ango atie lworo jo me piny wa kame otieko lwi nataman do kitie but jo me Babilon, pien cengemogo kobino mina i cing gin di gin kiko tidilo ango.”

Amosi 4:7

Ango bin agengo kot cwei i kare kame do cam wu kame bin tie i poti oudo mito kede kot kitek. Ango bin amio kot cwei i bomba acel di eko weko bomba ocelu. Kot oudo cwei i poto acel, di eko weko poto ocelu dong di etuo baba.

Matayo 27:19

Kakame Pilato oudo tie bedo kede i kom me ngolo kop, dako mere oko cwano ne kop be, “Kur itim gimoro i kom dano no, en eli kede kop moro, pien oki iwor ango oudo abedo i peko adikinicel pi lek kame abedo tie kede i kome.”

Luka 12:5

Do ango ayaro kwenyaro wu i kom ngat kame poore ilworunu: lworunu Rubanga, ngat kame ingei neko etie kede twer me uco i mac kalikame to. Ebo, awaco ne wu be lworenu!

Yokana 19:17

En eko donyo ooko di eyeo musalaba mere, di eko ot kakame kolwongo be Kabedo me Cogowic, kame kolwongo kede leb Eburania be Gologota.

Yokana 19:20

Iyudayan atot oko somo kop noni, pien kakame koguro iye Yesu oudo tie i nget bomba; doko oudo kowandiko kop noni i leb Eburania, Latin kede Gurik.

Yokana 19:8

Kakame Pilato owinyo kede kope go, lworo oko medo make.

Yokana 5:2

Oudo bin atapar tie Yerusalem i nget Erute me Romini, kame oudo tie kede ikekon kany kame kogero wi gi. Oudo kolwongo atapar nono kede leb Eburania be Betesaida.

Tice 4:19

Do Petero kede Yokana oko dwoko ne gi be, “Wun en kame miero iyerunu, arabo epoore i nyim Rubanga pi wan winyo dwanu, amoto dwan Rubanga;