Yokana 19:11 - Baibuli I Leb Kumam 2013

¹¹ Yesu oko dwoko ne be, “Oudo likame iromo bedo tie kede akarunikin i koma, ka koto di oudo likame komii ki malo; pi mano, ngat omia i cingi en kame tie kede dub kame kalamo.”

Yokana 19:11 Iomraidhean Croise

1 Iyutun 29:11

Dwongo, twer, deyo, bwono yi, kede wor obedo meri; pien jamini dedede kame tie i malo kede i wi lobo obedo megi, doko in en abaka kame i lo jamini dedede.

Sabuli 39:9

Ango do aling; likame bobo abino ngamo doga, pien in en kame itieko timo nango kamanoni.

Sabuli 62:11

Rubanga otieko yamo kicel be, twer obedo mere. doko en etieko yamo kalamo kano be,

Koko ka Yeremia 3:37

Ngai kame twero yamo gimoro di gi nono ko cobere ka Rwot likame oyei?

Danieri 4:17

Kop me alola noni imalaikan awang gi bit en omio; tam noni komio di lubere kede cik kame imalaikan kacil omio, tetekeny jo dedede akuo ngei be Rubanga Ngamalo Twal tie kede twer i kom ajakanut me jo; en emie but ngat kame cunye omito, akadi di ebedo dano me ruom apiny adikinicel.’

Danieri 4:25

In kobino riami tenge kikom lwak di iko donyo bino bedo kede leini me obar. Ibino donyo camo lum bala twon pi mwakini kanyaare, di ibuto ooko kakame toyo bino diako kiye komi. Di do in iko bino ngeno be Rubanga Ngamalo Twal tie kede twer i kom ajakanuto dedede me jo, doko esobolo mino gi but jo kame cunye oyero.

Danieri 4:32

Kobino riami tenge kikom lwak, di iko donyo bino bedo kede leini me obar. Kobino mini idonyo camo lum bala twon pi mwakini kanyaare. Di in iko bino ngeno be Rubanga Ngamalo Twal tie kede twer i kom ajakanuto me jo, doko da en esobolo mino gi but jo kame cunye oyero.”

Danieri 4:35

Kibute jo dedede me wi lobo obedo gimoro li; imalaikan dedede me malo kede jo me wi lobo dedede tie i twer mere. Likame tie ngatamoro kame twero gengo mit mere, arabo penye gikame etie timo.

Danieri 5:21

Oko bin riame tenge kikom lwak, di oko mino tam mere odoko cal bala me le. En bin eko donyo bedo kede pundan me obar, di ecamo lum bala twon, di ebuto ooko i koyo abongo gikame galao kome ki toyo. I cen mere en eko do yei be Rubanga Ngamalo Twal tie kede twer i kom ajakanuto dedede me jo, doko en etwero mino gi but jo kame cunye oyero pi pugo gi.

Matayo 26:65

Ngatel Josaseredoti oko yeco igoen mege di ewaco be, “Etieko cano Rubanga, pinyo bobo pwodi imitunu ijurak? Wuda nan itiekunu winyo di ecao Rubanga.

Matayo 27:2

Gin kiko twene di kiko tere kikete i cing Pilato ngapug.

Matayo 6:13

Kur iwek wa opot i atama, do gwok wa ki gikarac.

Marako 14:44

Ngaerupe oudo otieko mino gi gianena di ewaco be, “Ngat kame ango abino moto di anoto, udo en inonono; makenu di ikounu tere, do di idarenu kitek.”

Luka 22:53

I kare kame oudo atie kede wu i tempulo ceng dedede, cabo likame ikounu maka. Do man en esawa wu, kede esawa me twer me colo.”

Yokana 18:13

Gin kiko ber cako tere but Anas, ngat kame oudo obedo papa me dako ka Kayapa, kame oudo obedo Ngatel Josaseredoti i mwaka nono.

Yokana 18:3

Di do Yuda oko tero ekodet me isirikalen kede jotic mogo adongodongo kuno, kame owok kibut jodongo me josaseredoti kede kibut Iparisayon. Gin kioto kunono di oudo kimako italan kede mac acal bala me rau kede jame me yi.

Yokana 19:10

Omio Pilato oko penye be, “Idagi yamo keda? Benyo, likame ingeo be ango atie kede akarunikin me gonyi kede me guri i kom musalaba da?”

Yokana 3:27

Yokana oko dwoko ne gi be, “Likame tie dano kame twero udo gimoro kwanyo di komie ki malo.

Yokana 7:30

Kikano, gin kiko mono make; do likame tie ngatamoro kame oko keto cinge i kome, pien esawa mere oudo pwodi likame otuno.

Yokana 9:41

Yesu oko waco ne gi be, “Koto oudo wangu oto, koto iliunu kede dub; do kite kame nan iyamunu kede be, ‘Wan oneno piny,’ dwong mere be raco wu pwodi odong i komu.”

Tice 2:23

Yesu noni, ngat kame bin komio i akarunikin wu di lubere kede ngec ka Rubanga kede iik mere, bin wun ikounu mine i cing jodubo kame oko gure i kom musalaba di kiko neke.

Tice 3:13

Rubanga ka Aburaam, Rubanga ka Isaka, Rubanga ka Yakobo kede Rubanga me joakwari wa bin otieko mino deyo but ngatic mere Yesu, kame wun ikounu mino i cing wegi apugan. Doko ikounu dage i nyim Pilato, do di oudo Pilato mito gonye.

Tice 4:28

Gin kitimo man pi cobo gi dedede kame cingi kede tam ni bin otieko iiko sek be bino timere.

Joroma 11:36

Pien jame dedede owok kibute, kitie pi en, doko kidok bute. Deyo bed bute ikar kede ikar. Amen.

Joroma 13:1

Poore ngat acelacel wor apugan, pien likame tie akarunikin me apugan moro kalikame owok kibut Rubanga; akarunikin me apugan kame nataman tie go, Rubanga en koketo.

Yakobo 1:17

Gi dedede abeco kame komio wa, kede giamia dedede kopoore, wok ki malo kibut Papa won lero, ngat kalikame tie kede alokaloka arabo colo moro kame timere pi lokere mere.

Yakobo 4:17

Pi mano, ngat kame ngeo gikaber kame poore atima do di likame en eko timo, udo edubo.