Yokana 18:8 - Baibuli I Leb Kumam 2013

⁸ Yesu oko dwoko ne gi be, “Atieko waco ne wu be ango inononi. Pi mano ka itienu mona, wekunu jogi oti.”

Yokana 18:8 Iomraidhean Croise

Isaya 53:6

Wan dedede ocalunu bala romini kame oudo orwenyo, ngat acelacel oudo tie ot tunge kene. Do Rwot oko keto i kome can me dub wan dedede.

Matayo 26:56

Magi dedede otimere pi mino gikame bin inabin owandiko i iwandik kacil cobere kakare.” Di do josiao mege dedede oko ringo tenge oweke.

Yokana 10:28

Ango atieko mino gi kuo kame bedo nakanaka, doko likame kibino to. Likame tie ngat kame bino waraso gi ki cinga.

Yokana 13:1

Manoni en oudo ceng kame ru ceng me camo Ebaga me Kalamo. Yesu oudo ngeo be esawa mere do otieko tuno me yai ki piny kan pi ot but Papa. En oudo emaro jo mege kame tie i piny kan, doko da eko maro gi tuno i ajikini.

Yokana 13:36

Simoni Petero oko penye be, “Rwot, in itie ot tuai?” Yesu oko dwoko ne be, “Kakame ango atie ot iye in likame itwero luba iye nan, do ibino luba i cen mere.”

Yokana 16:32

Esawa tie bino, doko etieko tuno da, kame kobino sasaro wu kede, ngat acelacel tunge kene, di ikounu weka kena. Do di likame udo ango adong kena, pien Papa udo tie keda.

Yokana 18:7

Yesu oko bobo penyo gi be, “Kara ber wun imounu ngai?” Gin kiko dwoko be, “Yesu me Nasaret.”

Yokana 18:9

Man otimere pi cobo kop kame oudo Yesu owaco be, “Likame tie ngatamoro korwenyo kikom jo kame oudo imia.”

1 Jokorinti 10:13

Likame tie atama moro kame in ibeo iye kame jo apat likame pwodi obeo iye. Rubanga genere, doko likame ebino jali i atama kame bwono teko ni. Do i kare me atama en ebino mini teko me kanyakino di iko udo yongayo me bwot.

2 Jokorinti 12:9

Do en eko dwoko na be, “Kisa nango romi, pien kame in igoro, twer nango dwong kalamo.” Ango do abino meede ameda wakere kede yomcuny pi goro na, tetekeny twer ka Kirisito bed i koma.

Joepeso 5:25

Wun cuo, marunu mon wu bala kame Kirisito da omaro kede ekodet me jokirisito di eko jalo kuo mere pire.

1 Petero 5:7

Ketunu par wu dedede i kome, piento en eparo piru.