Yokana 18:4 - Baibuli I Leb Kumam 2013

⁴ Yesu oudo ngeo gi dedede kame bino timere i kome, omio en eko wokun anyim di eko penyo gi be, “Imounu ngai?”

Yokana 18:4 Iomraidhean Croise

1 Abakai 18:10

Alairo i nying Rwot Rubanga ni akuo be, likame tie ateker amoto ajakanut moro i wi lobo kame abaka likame ocwao dano iye ot moni. Tek kame abaka me ajakanut moroni owaco be in ili i lobo mere, Akab oudo mio abaka me ajakanut arabo ateker nono lairo be ateteni gin likame kineni kunono.

Nekemia 6:11

Ango ako dwoko be, “Dano bala ango likame sobolo ringo ot gwokere i tempulo pi laro kuo mere. Ango likame abino ot!”

Sabuli 27:3

Akadi di isirikalen olukaro ango, cunya likame bino bedo lwor; akadi di jo ocako yi keda, do ango abino geno Rwot.

Sabuli 3:6

Ango likame atie kede lworo i kom jo tutumia tomon, jo kame oluka pi yi keda.

Agole 28:1

Jo areco poi ringo akadi di ngatamoro likame tie wapo gi, do jo kopoore cuny gi nwang bala engu.

Matayo 16:21

Cako i kare no, Yesu oko cako niango josiao mege be, miero en eot Yerusalem di eko beo i can atot kibut joadongo me piny, jodongo me josaseredoti, kede jopwony me Iswil, di kiko neke, do di oko bino yaruno en i ceng me adek.

Matayo 26:2

“Wun ingeunu be odong ceng are tuno i Ebaga me Kalamo, di oko bino mino Wot ka dano pi gure i kom musalaba.”

Matayo 26:21

Esawa kame oudo kitie kede cam, Yesu oko waco ne gi be, “Ateteni awaco ne wu be, ngat acel kikom wu bino rupao ango.”

Matayo 26:31

Di Yesu oko waco ne gi be, “Iwor me tin wun dedede iyarunu ringo ikounu weka, pien kowandiko be, ‘Abino neko ngakwat di romini me anok ko bino sarakin.’

Luka 24:44

Di do en eko waco ne gi be, “Magi en kope nango kame bin awaco ne wu i kare kame oudo pwodi atie kede wu be, gi dedede kame kowandiko i koma i itabu ka Musa kede me inabin kede i Sabuli miero cobere kakare.”

Yokana 13:1

Manoni en oudo ceng kame ru ceng me camo Ebaga me Kalamo. Yesu oudo ngeo be esawa mere do otieko tuno me yai ki piny kan pi ot but Papa. En oudo emaro jo mege kame tie i piny kan, doko da eko maro gi tuno i ajikini.

Yokana 13:11

Yesu oudo ngeo ngat koyaro bino rupao en; kop no en komio ewaco be, “Likame wun dedede icilunu.”

Yokana 18:5

Gin kiko dwoko ne be, “Yesu me Nasaret.” Yesu oko waco ne gi be, “Ango inononi.” Yuda, ngat kame oudo orupao en, oudo tie cungo kede gi.

Yokana 18:7

Yesu oko bobo penyo gi be, “Kara ber wun imounu ngai?” Gin kiko dwoko be, “Yesu me Nasaret.”

Yokana 19:28

Ingei mano, Yesu oko waco (pi cobo kakare iwandik kacil) be, “Orio oneka,” pien oudo engeo be gi dedede do otiek.

Yokana 6:64

Do tie jo mogo ki komu kalikame yei.” Pien Yesu oudo ngeo cako ki agege jo kalikame yei kede da ngat kame oudo oyaro rupao en.

Tice 2:28

In itieko nyuto na yongayo me kuo; tie ni keda bino mina apong kede kilel.’

1 Petero 4:1

Bala kame Kirisito oneno kede can, wuda bedunu kede tam kame cal kamanono, pien ngat kame kome neno can udo ejiko timo dub,