Yokana 18:37 - Baibuli I Leb Kumam 2013

³⁷ Pilato oko penye be, “Mam in do abaka?” Yesu oko dwoko be, “In iwaco be ango abaka, ango oudo konywala pi kop noni, doko kop noni da en komio ango abino i piny, me wek abed ijura i kom gi me ateni. Ngat acelacel kame tie i ateni winyo dwana.”

Yokana 18:37 Iomraidhean Croise

Isaya 55:4

Nenunu, ango bin akete pi bedo ngatel kede ngapug me atekerin; en oudo ebedo mujura na but gi.

Matayo 26:64

Yesu oko dwoko ne be, “In en iwaco kamanono. Do awaco ne wu be, cako tin ibinunu neno Wot ka dano di bedo i bad tetu cam me Twer, kede di ebino kede idoun me malo.”

Matayo 27:11

Yesu oko cungo i nyim ngapug me Roma, kame oko penye be, “In ibedo abaka me Iyudayan?” Yesu oko dwoko be, “In en iwaco kamanono.”

Marako 14:62

Yesu oko dwoko be, “Ango inononi, doko ibinunu neno Wot ka dano di tie bedo i bad tetu cam me twer ka Rubanga, di etie bino kede idoun me i malo.”

Marako 15:2

Pilato oko penye be, “In en ibedo abaka me Iyudayan?” Yesu oko dwoko ne be, “In en iwaco kamanono.”

Luka 22:70

Gin lung kiko do penye karacel be, “Mam in do en kame Wot ka Rubanga?” En eko dwoko ne gi be, “Wun iwacunu be ango inonono.”

Luka 23:3

Pilato oko penye be, “In en ibedo abaka me Iyudayan?” Yesu oko dwoko ne be, “In en iwaco kamanono.”

Yokana 1:14

Kop oko doko dano di eko bedo i diere wa di epong kede kisa ka Rubanga kede ateni. Wan oneno deyo mere, deyo ka Wod acel kenekene kame owok kibut Papa.

Yokana 1:17

Pien bin komio Iswil di beo kibut Musa, do kisa kede ateni bin obino di beo kibut Yesu Kirisito.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 3:32

En ejurao gikame eneno kede kame ewinyo, do likame tie ngatamoro kame yei ijura kame en emio.

Yokana 7:17

Ka ngatamoro tie kede mit me timo gikame Rubanga mito, ebino ngeno ka pwony na owok kibut Rubanga arabo ka ango atie yamo i akarunikin nango kena.

Yokana 8:14

Yesu oko dwoko be, “Akadi bed bala ango ajurere kena, do ijura na tie kop me ateni, pien ango angeo kakame ango awok kiye kede kakame atie ot iye. Do wun likame ingeunu kakame ango awok kiye arabo kakame atie ot iye.

Yokana 8:45

Do wun idagunu yei ango, pien ango atie waco ne wu gi me ateni.

Yokana 8:46

Ngai kikom wu kame karuno nyuto dub kame ango atimo? Do pinyo komio ka ango awaco ne wu kop me ateni likame iromunu yei ango?

Yokana 8:47

Ngat kowok kibut Rubanga winyo kope ka Rubanga; wun likame iwinyunu kope kame ango awaco ne wu, pien wun likame iwokunu kibut Rubanga.”

1 Temeseo 6:13

I nyim Rubanga ngat kame mio gi dedede kuo, kede i nyim Kirisito Yesu ngat kame riki otuco kiber kop me ateni i nyim Pontio Pilato, ango aciki be,

1 Petero 1:22

Bala kame pi wun bedo kede wor i kop me ateni, omio nataman ilonyunu cunyu ikounu bedo kede amara but imiegu kede amiegu wu i Kirisito, mito do imarerenu kenu kenu kede cunyu lung.

1 Yokana 2:21

Ango awandiko man butu, likame pien wun ikwianu ateni, do pien wun ingeunu ateni, doko ingeunu be likame tie angalo moro kame wok ki ateni.

1 Yokana 3:14

Wan ongeunu be wan otiekunu yai ki to di okounu dokaro i kuo, pien wan omarerenu wan kenwa kenwa. Ngat kalikame tie kede amara udo etie i twer me to.

1 Yokana 3:19

Manoni bino mino wan ongeunu be wan obedunu jo me ateni, di okounu bino jingo cuny wa i nyim Rubanga

1 Yokana 4:6

Wan owokunu kibut Rubanga. Jo dedede kame ngeo Rubanga winyo kope wa, do jo dedede kalikame owok kibut Rubanga likame winyo kope wa. Manoni en epone kame wan ongeo kede Tipo me ateni kede tipo me angalo.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

Gianyuta 1:4

Kop kowok kibut Yokana, but ikodeta kanyaare me jokirisito kame tie Esia. Kisa kede mulem bed butu, kame wok kibut ngat kame nan tie, kame oudo tie sek, kede kame bino bino, kede kibut tipere kanyaare kame tie i nyim kom mere me ajakanut,

Gianyuta 3:14

“Wandiko but malaika me ekodet me jokirisito kame tie Laodikia be: “Magi en kop kowok kibut Amen, mujura me ateni kame genere, ngat kame gi dedede kame Rubanga ocweo ocakere kibute.