Yokana 18:33 - Baibuli I Leb Kumam 2013

³³ Pilato oko bobo donyo i ot me ngapug, di eko lwongo Yesu, eko penye be, “In en abaka me Iyudayan?”

Yokana 18:33 Iomraidhean Croise

Yeremia 23:5

Rwot waco be, “Ateteni kare bino tuno kame ango abino yero kede dano kopoore kobedo akwar Daudi pi bedo abaka; en ebino pug kede rieko, di etimo gikame tie kakare kede me ateni i lobo mere.

Sepania 3:15

Rwot otieko jiko alola wu; en etieko riamo jokwor wu tenge. Rwot, abaka me Isirael tie kede wu; likame bobo ibinunu lworo peko moro.

Sakaria 9:9

Lelunu kitek wun jo me Sion! Lelemunu kitek wun jo me Yerusalem! Nenunu, abaka wu tie bino butu! En epoore, etie kelo alako; en ewanano punda, atin me punda.

Matayo 27:11

Yesu oko cungo i nyim ngapug me Roma, kame oko penye be, “In ibedo abaka me Iyudayan?” Yesu oko dwoko be, “In en iwaco kamanono.”

Matayo 27:27

Kikano, isirikalen me ngapug oko tero Yesu i ot me ngapug gi, di kiko coko isirikalen apat dedede me kuno i nyime.

Marako 15:2

Pilato oko penye be, “In en ibedo abaka me Iyudayan?” Yesu oko dwoko ne be, “In en iwaco kamanono.”

Luka 23:2

Kiko cako pide di kiwaco be, “Wan oudo icuo ni di tie rwenyo ateker wa, di egengo wa culo esolo but Kaisari, doko di ewaco be en kikome ebedo Kirisito abaka.”

Yokana 1:49

Natanael oko dwoko ne be, “Apwony, in en Wot ka Rubanga! In en abaka me Isirael!”

Yokana 12:13

Kikano jo oko jako jange me otit, kiko ot pi riamo kede en di kilelemo be, “Osana! Etie kede winyo ngat kame bino i nying Rwot; Rubanga mi winyo but abaka me Isirael!”

Yokana 12:15

“Kur ibedunu lwor wun jo me Sion. Nenunu, abaka wu ine tie bino, di ewanano atin me punda!”

Yokana 18:34

Yesu oko dwoko ne kede peny be, “Kop no owok kibuti, arabo jo apat en kame owaco ni i koma?”

Yokana 18:37

Pilato oko penye be, “Mam in do abaka?” Yesu oko dwoko be, “In iwaco be ango abaka, ango oudo konywala pi kop noni, doko kop noni da en komio ango abino i piny, me wek abed ijura i kom gi me ateni. Ngat acelacel kame tie i ateni winyo dwana.”

Yokana 18:38

Pilato oko penye be, “Ateni en nyo?” Di do Pilato bobo oko donyo ooko but Iyudayan, eko waco ne gi be, “Likame ango audo raco moro kame en etimo.

Yokana 19:12

Man oko mino Pilato omoo epone me gonyo Yesu, do Iyudayan oko lelemo be, “Ka in igonyo icuo ni, udo likame in ngawot Kaisari; pien ngat acelacel kame waco be en ebedo abaka udo piemo kede Kaisari.”

Yokana 19:3

Kiko donyo bino bute di kiwaco ne be, “Yoga, Abaka me Iyudayan,” di kibape.

Yokana 19:4

Pilato bobo oko dok ooko, di eko waco ne gi be, “Nenunu, ango atie kele ooko butu, wek ingeunu be ango likame audo raco moro i kome.”

Yokana 19:9

En eko bobo donyo i ot mere me ngapug, di eko penyo Yesu be, “In iwok ki tuai?” Do Yesu likame oko dwoko ne kop moro.

1 Temeseo 6:13

I nyim Rubanga ngat kame mio gi dedede kuo, kede i nyim Kirisito Yesu ngat kame riki otuco kiber kop me ateni i nyim Pontio Pilato, ango aciki be,