Yokana 18:18 - Baibuli I Leb Kumam 2013

¹⁸ Ipasoi kede isirikalen oudo odopo mac kitie cungo di kiyo, pien piny oudo ngic. Petero da oudo tie cungo kede gi di eyo mac.

Yokana 18:18 Iomraidhean Croise

Ageini 49:6

Ango akwao be kur adony kaporo kop gi, akadi ribere kede gin, pien wangcuny gin bin oko mino kineko jo, doko kiko totongo tien twonin bala kame oudo cuny gi mito.

1 Abakai 19:9

Di bin etuno kunono, en eko donyo i abo moro eko buto iye. Di Rwot oko waco ne Elia be, “Nyo kame itie timo i kan?”

Sabuli 1:1

Kitie kede yomcuny jo kalikame gamo tam me jo areco, arabo kalikame lubo yongayo kame jodubo lubo, arabo kalikame bedo kede joacae;

Agole 13:20

Ngat kame upere kede jo ariek eda edoko riek, do ngaupa me jomingo poto i can.

Marako 14:54

Petero da oudo tie lubo gi ki cen ki kakabobor tuno i diakal me Ngatel Josaseredoti. En eko donyo bedo kede isirikalen jodar paco di eyo mac.

Marako 14:67

Kakame eneno kede Petero di tie yono mac, en eko ngine kitek di eko waco be, “Kom ida oudo itie kede Yesu me Nasaret.”

Luka 22:44

Kite kame oudo etie kede cwercuny atek, en eko lego kede cunye dedede, kwok oko make di oko donyo ton piny bala remo.)

Yokana 18:25

Simoni Petero oudo tie cungo di eyo mac. Gin kiko waco ne be, “Mam ida ngat acel kikom josiao mege?” En eko dagi di ewaco be, “Likame ango.”

Yokana 18:3

Di do Yuda oko tero ekodet me isirikalen kede jotic mogo adongodongo kuno, kame owok kibut jodongo me josaseredoti kede kibut Iparisayon. Gin kioto kunono di oudo kimako italan kede mac acal bala me rau kede jame me yi.

Yokana 21:9

Kakame kiwok kede i wi itela, kiko neno mac odop kuno di deknam tie i wie, kede mugati da oudo tie.

Tice 4:23

Kakame kogonyo kede Petero kede Yokana, gin kiko dok but jowot gi, di kiko tatamo ne gi gikame jodongo me josaseredoti, kede joadongo me piny owaco ne gi.

1 Jokorinti 15:33

Kur ngalu: “Jo aupa kame reco dubo ikiteso kame beco.”