Yokana 17:8 - Baibuli I Leb Kumam 2013

⁸ pien ango atieko mino gi kop kame in bin imia, doko gin kiko yei gamo. Doko nan kingeo i ateni be, ango awok ki buti, doko kitieko yei da be in en kame iora.

Yokana 17:8 Iomraidhean Croise

Agole 1:23

Cikunu yitu iwinyunu epone kame abunano wu kede; abino mino wu tam na di ako nywako kede wu kop kame tie i cunya.

Agole 1:3

Doko kipwonyo dano timo gi dedede i yore me rieko, kede bedo dano kopoore, kame timo ne jo gikame poore kede kame tero jo dedede di rom aroma.

Agole 2:1

Atin na, ka iyei lubo kope na, di iko kano cik na i cunyi bala gikame pire tek,

Agole 4:10

Atin na, cik yiti iwiny kope kame awaco ni di iko yei gi, tetekeny ibed kuo pi mwakini atot.

Agole 8:10

Yerunu pwony na akaka siliba; yerunu ngec akaka saabu kame kojililo.

Matayo 13:11

En eko dwoko be, “Pien kotieko mino wun ngeno mung me Ajakanut me malo, do Rubanga likame omio jo apat ngec nono.

Yokana 12:49

Pien likame ango ayamo man kede wia kena, do Papa ngat kame oora en kociko na, di emia gikame poore atatamo kede gikame poore awaci.

Yokana 14:10

Benyo, in likame iyei be ango atie i Papa doko Papa da tie i ango? Kope kame ango awaco ne wu likame ango awaco ne wu i akarunikin nango kena, do Papa kame tie i ango en kame timo tice mege.

Yokana 15:15

Likame abino bobo lwongo wu be ipasoi, pien epasoit likame ngeo gikame ngadwong mere tie timo; do ango atie lwongo wu be jowota, pien amio wu ingeunu gi dedede kame ango awinyo kibut Papa na.

Yokana 16:27

pien Papa kikome maro wu gire, en emaro wu pien wun imaranu, doko iyeunu da be ango awok kibut Papa.

Yokana 16:30

Wan nan ongeo be in do ingeo gi dedede, doko likame emitere ne ngatamoro pi penyi, man mio wan oyei be in iwok kibut Rubanga.”

Yokana 17:14

Ango atieko mino gi kope ni; do piny oko dagi gin, pien likame gin kibedo jo me piny, bala kite kame ango da likame abedo kede dano me piny.

Yokana 17:18

Bala kite kame in iora kede bino i piny, kamanono ada aoro gi ot i piny.

Yokana 17:21

Wek gin dedede kibed jo acel, bala kite kame in Papa itie kede i ango, doko ada atie i in. Mi gida kibed i wan, en kame mi piny yei be, in en kame iora.

Yokana 17:23

ango i gin, kede in i ango, me wek kibed jo acel atwal atwala, tetekeny piny ngei be in en kame iora, doko in imaro gi bala kite kame imara kede.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 3:17

Pien Rubanga likame ocwao wode i piny pi ngolo ne piny kop, do en ecwae tetekeny piny ud alako pi en.

Yokana 3:33

Ngat kame yei kop me ijura mere, udo ngat nono otieko moko be Rubanga en ateni.

Yokana 6:68

Simoni Petero oko dwoko ne be, “Rwot, wan bobo otwero ot but ngai? In en kame itie kede kope kame mio kuo kame bedo nakanaka;

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.

1 Jokorinti 11:23

Pien ango agamo kibut Rwot pwony kame ango da ako mino wu, be iwor kame bin korupao iye Rwot, en bin ekwanyo mugati,

1 Jokorinti 15:1

Imiegu kede amiegu na, nan ango amito yutuno ne wu ejiri kame ngoce atuco ne wu, kame ikounu gamo, doko en kame yei wu cungo iye.

Iswilia 18:18

Ango abino cwano negi enabi kame cal bala in, kame bino wok ki diere me jo gin; ango abino keto kope na i dog enabi nono, di en eko bino yamo ne jo gi dedede kame ango acike iye.

1 Jotesalonika 2:13

Doko da wan opwoyo Rubanga nakanaka, pien bin di wan otuno kede kop ka Rubanga butu, wun iwinyenu di ikounu game, likame bala kop ka dano, do bala kop ka Rubanga, bala kame en etie kede ateteni. Doko da kop nono tie tic kibutun jo kame iyeunu Kirisito.

1 Jotesalonika 4:1

Me ajikini mere, imiegu kede amiegu na, wan okwao wu, doko obako dog wa butu i Rwot Yesu be, bala kame isiaonu kede kibut wan epone kame ipoorenu bedo kede di iyomunu cuny Rubanga, bala kame nan itienu timo, meedenu ameda timo kamanono.

1 Yokana 4:14

Wan otiekunu neno, doko omiunu ijura be Papa otieko cwano Wode bala Ngalak me piny.

Gianyuta 1:1

Man en gikame Yesu Kirisito onyuto, kame Rubanga omie pi nyuto ne jotic mege, en gikame miero timere i kare kiyapiyapi. Kirisito oko cwano malaika mere but ngatic mere Yokana pi mine ngeno gi noni.