Yokana 17:6 - Baibuli I Leb Kumam 2013

⁶ “Ango atieko mino nyingi ongere but jo kame in imia i piny. Gin oudo kibedo jo nin, in iko mino gi buta, doko gin kiko lubo kop nin.

Yokana 17:6 Iomraidhean Croise

Sabuli 119:11

Ango akano kop nin i cunya tetekeny kur atim dub buti.

Sabuli 22:22

Ango abino sarakino nyingi but imiegu kede amiegu na; abino paki i diere me jo kocokere wori.

Yai 9:16

Ango aweki ibedo kuo pi nyuto ni twer na kede pi mino nyinga bed iruo i wi lobo lung.

Agole 2:10

pien cunyi bino pong kede rieko di ngec ko kelo yomcuny i kuo ni.

Agole 23:23

Ti kede sente pi udo ateni, rieko, pwonyere kede niang atut, di likame iko uco gi.

Yokana 1:18

Likame tie dano kame otieko neno Rubanga, do kwanyo Rubanga Wod acel kenekene, kame bedo iyapiyapi kede Papa, en ngat kame omie engere.

Yokana 12:28

Papa, mi deyo bed i nyingi.” Dwan oko winyere di waco ki malo be, “Ango atieko mine deyo, doko abino medo timo kamanono.”

Yokana 15:19

Ka koto di oudo wun ibedunu jo me piny, koto piny omaro wu bala jo mege, do pien wun likame ibedunu jo me piny, do ango ayero wu ki piny, manono en komio piny ni dagi wu.

Yokana 15:3

Kope kame ango awaco ne wu otieko lonyo wu.

Yokana 15:7

Ka idongunu i ango, di kop na da oko dong i wun, ibinunu kwano gikame imitunu di ikounu udo.

Yokana 17:12

I kare kame oudo atie karacel kede gin, ango bin agwoko gin kede twer me nyingi, en nying kame imia. Ango atieko gwoko gi, doko likame tie ngatamoro kame orwenyo kikom gi, kenekene dano kame oudo poore rwenyo, me wek iwandik kacil cobere kakare.

Yokana 17:14

Ango atieko mino gi kope ni; do piny oko dagi gin, pien likame gin kibedo jo me piny, bala kite kame ango da likame abedo kede dano me piny.

Yokana 17:16

Likame gin kibedo jo me piny, bala kite kame ada likame abedo kede dano me piny.

Yokana 17:2

Pien in itieko mine akarunikin i kom jo dedede, me wek emi jo dedede kame in imio bute kuo kame bedo nakanaka.

Yokana 17:24

“Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Yokana 17:26

Ango atieko mino gi kingeo nyingi, doko abino mino nyingi medo ngere, tetekeny amara kame in imara kede bed i gin, kede ada i gin.”

Yokana 17:7

Nan gin kingeo be gi dedede kame in imia owok kibuti;

Yokana 18:9

Man otimere pi cobo kop kame oudo Yesu owaco be, “Likame tie ngatamoro korwenyo kikom jo kame oudo imia.”

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Yokana 6:39

Gikame ngat oora mito en ine be, likame apoore rwenyo ngatamoro kikom jo dedede kame en emia, do miero ayaruno gi i ceng me ajikini.

Yokana 8:51

Ateteni, ateteni awaco ne wu be, ngat kame yei kop na likame ebino bilo to atwal.”

Yokana 8:52

Iyudayan oko waco ne be, “Nan wan otieko ngeno do be, ateteni in itie kede jwogi. Aburaam oto bala bin inabin da, do doko di in itie waco be, ‘Ngat kame yei kop na likame ebino bilo to.’

Tice 13:48

Kakame jo kalikame Iyudayan owinyo kede kop noni, cuny gi oko doko yom di kiko mino kop ka Rubanga deyo. Di jo dedede kame Rubanga oudo otieko yero pi donyo i kuo kame bedo nakanaka oko yei Yesu Kirisito.

Joroma 11:2

Likame Rubanga odagi jo mege kame oudo engeo cako sek. Mam ingeunu gikame iwandik kacil waco i kom Elia, kite kame ebako kede doge but Rubanga di edadangun pi jo me Isirael?

2 Jokorinti 4:6

Pien Rubanga kame owaco be, “Wek lero rieny ki colo,” Rubanga nono en kame orieny i cuny wa pi mino wa lero me ngec be deyo mere neeno i Yesu Kirisito.

Jokolosai 3:16

Wekunu kop ka Kirisito pong i cunyu. Pwonyerenu di icorakinunu kenu kenu kede rieko me epone dedede. Werunu Sabuli kede were me ilega karacel kede were kame Tipo mio, di cunyu pwoyo Rubanga.

2 Temeseo 1:13

Mok i kom pwony me ateni kame itieko winyo kibuta, di iko dong i yei kede amara kame tie i Kirisito Yesu.

Iburanian 2:12

Pien ewaco ne Rubanga be, “Ango abino tuco nyingi but imiegu kede amiegu na; abino paki i dier ekodet me jo kocokere.”

Iburanian 3:6

Do Kirisito genere i tic me lono ot ka Rubanga bala Wode. Wan otienu ode ka omokunu kitek i kom nwangcuny kede i kom ngec aber i kom gen wa.

1 Petero 1:1

Baluwa kowok kibut Petero, ngat kame obedo ngaor ka Yesu Kirisito. But jo koringo ayela kame osasarun i adulion me Pontu, Galatia, Kapadosia, Esia kede Bisinia,

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

Gianyuta 2:13

Ango angeo kakame wun itienu bedo iye, en kakame kom me ajakanut ka Sitani tie iye. Wun imokunu i nyinga, doko likame iwekunu yei ango akadi i kare ka Antipa mujura na, dano na kame genere, kame bin koneko i diere wu, kakame Sitani bedo iye.

Gianyuta 3:10

Pi kite kame ilubunu kede kop na me dire kanyakino, ango abino gwoko wu i kare me atama kame oyaro bino i piny lung, pi tamo jo kame bedo i wi lobo.

Gianyuta 3:8

Ango angeo tice wu. Nenunu, ango atieko yabo ne wu ekeko tie twolo, kalikame tie ngatamoro kame karuno cego. Ango angeo be akadi bed bala itienu kede teko anonok, do wun ibedunu lubo kop na, doko likame ikounu daga.