Yokana 17:3 - Baibuli I Leb Kumam 2013

³ Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 17:3 Iomraidhean Croise

1 Iyutun 28:9

“Aso in woda Sulumani, poore in ingei Rubanga ka papa ni, di iko timo ne tic kede cunyi lung kede tam aber. Pien Rwot ngeo tam me jo dedede doko engeo iik gi kede par gi dedede. Ka in imoe, ibino ude; do ka in ilokere tenge ki bute, en ebino jali atwal.

2 Iyutun 15:3

Pi kare kalac Isirael oudo obedo abongo Rubanga me ateni, abongo josaseredoti kame pwonyo gi, kede abongo iswil.

Sabuli 9:10

Jo kame ngei i cuny gi bedo kede gen i komi; pien, Rwot, in likame iweko jo kame moi.

Agole 8:35

Pien ngat kame wuda, udo eudo kuo, doko cuny Rwot bino bedo yom kede;

Isaya 48:16

“Nyikinonu buta di ikounu winyo kop noni! Cako i ageini ango likame amungo kop moro, doko da nakanaka ango abedo mino kop kame ayamo cobere. Nataman Rwot Rubanga otieko ora kede twer mere.”

Isaya 53:11

En ebino neno bero kame wok ki lito kame en ebeo iye; ebino ngeno be can kame en eneno likame obedo me nono, di cunye ko bino kwei. Ngatic na kopoore bino mino jo atot doko jo kopoore, en ebino yeno dub gi.

Isaya 61:1

Tipo ka Rwot tie i koma. En etieko yera di eko oora pi kelo ne jocan kop aber, pi cango jo kame tie kede cwercuny, pi waco ne jo kame komako kede ne mabus kop kame mako gonyo gi.

Yeremia 10:10

Do Rwot, in en ibedo Rubanga me ateni; in en Rubanga akuo, kede abaka kame pugo nakanaka. Ka in idoko ger, wi lobo lung yangere; atekerin likame sobolo kanyakino lilo nin.

Kosea 6:3

Mito oketunu teko ngeno Rwot. En ateteni ebino bino but wa bala ru me piny kame miero timere; bino mere bino dwoko cuny wa bala kot me agege kame bino di eko bido piny.”

Marako 9:37

“Ngat kame gamo atin atitidi bala man i nyinga, udo egama, doko ngat kame gama, udo likame egamango, do udo egamo ngat kame oora.”

Luka 9:48

En eko waco ne gi be, “Ngat kame gamo atin atitidi kaman i nyinga, udo en egama; doko ngat kame gama, udo egamo ngat kame oora, pien ngat kalikame pire tek i diere wun dedede en kame pire dwong kalamo.”

Yokana 10:36

benyo, itwerunu waco ne ngat kame Rubanga opoko tenge di eko ooro i piny be, ‘In itie cano Rubanga,’ be pien ango awaco be, ‘Ango Wot ka Rubanga?’

Yokana 11:42

Ango oudo angeo be in nakanaka iwinya, do ango atie yamo man pi jo kame nan tie cungo kan gi, tetekeny gin kiyei be in en kame iora.”

Yokana 14:26

Do Ngakony, kame obedo Tipo Kacil kame Papa bino cwano i nyinga, bino pwonyo wu i gi dedede di eko mino wu iyutununu gi dedede kame ango atieko waco ne wu.

Yokana 17:18

Bala kite kame in iora kede bino i piny, kamanono ada aoro gi ot i piny.

Yokana 17:21

Wek gin dedede kibed jo acel, bala kite kame in Papa itie kede i ango, doko ada atie i in. Mi gida kibed i wan, en kame mi piny yei be, in en kame iora.

Yokana 17:23

ango i gin, kede in i ango, me wek kibed jo acel atwal atwala, tetekeny piny ngei be in en kame iora, doko in imaro gi bala kite kame imara kede.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 17:8

pien ango atieko mino gi kop kame in bin imia, doko gin kiko yei gamo. Doko nan kingeo i ateni be, ango awok ki buti, doko kitieko yei da be in en kame iora.

Yokana 3:17

Pien Rubanga likame ocwao wode i piny pi ngolo ne piny kop, do en ecwae tetekeny piny ud alako pi en.

Yokana 3:34

Pien ngat kame Rubanga ocwao, en eyamo kop ka Rubanga, pien likame Rubanga mio Tipo Kacil di epimo apima;

Yokana 5:44

Itwerunu yei benyo benyo wun jo kame iudunu deyo kibut jo icegun, do di likame imounu deyo kame wok kibut Rubanga acel kenekene?

Yokana 6:57

Bala kame Papa kakuo oora kede, doko di ango akuo pi Papa, kamanono da ngat kame camo ringokoma bino bedo kuo pi ango.

Yokana 7:29

Ango angee, pien awok kibute, doko en kame eora.”

Yokana 8:19

Pi mano, gin kiko waco ne Yesu be, “Ani bo Papa ni?” Yesu oko dwoko ne gi be, “Wun likame ingeanu, akadi ngeno kiton Papa na da. Koto di oudo ingeanu, oudo koto ingeunu kiton Papa na da.”

1 Jokorinti 15:34

Miunu wi wu cei di ikounu jiko dubo, pien jo mogo kikom wu likame tie kede ngec i kom Rubanga. Lewic poore mako wu kame awaco kamanoni.

1 Jokorinti 8:4

Aso i kom kop kame mako camo cam kame koyalo ne cal jwogi, wan ongeunu be “cal jwogi cungo pi gikame li,” kede be “likame tie Rubanga moro ace kwanyo Rubanga acel kenekene.”

2 Jokorinti 4:6

Pien Rubanga kame owaco be, “Wek lero rieny ki colo,” Rubanga nono en kame orieny i cuny wa pi mino wa lero me ngec be deyo mere neeno i Yesu Kirisito.

Jopilipi 3:10

Ango amito ngeno Kirisito kede twer me iyarun mere, di ako nywako kede en can mere, ako doko cal kede en i to mere,

Jopilipi 3:8

Ateteni atero be gi dedede kony gi li pi bero kame kalamo, en ngeno Kirisito Yesu Rwot na. Ango akei gi dedede pire, doko atero gi bala yugi, me wek aud Kirisito,

1 Jotesalonika 1:9

Pien gin ikom gi kiwaco kop i kom epone kame igamunu wa kede, kede epone kame ilokerenu kede but Rubanga di ikounu weko woro cal jwogi, pi tic ne Rubanga kakuo kede me ateni,

2 Jotesalonika 1:8

En ebino bino di etie i dier mac kame liel, di eko bino culo kwor i kom jo kalikame ngeo Rubanga kede jo kame dagi lubo ejiri ka Rwot wa Yesu.

Iburanian 3:1

Pi mano, imiegu kede amiegu na, wun jokacil kame nywako lwongo ka Rubanga, tamunu ber kong i kom Yesu, ngaor kede Ngatel Josaseredoti me yei kame wan otuco.

2 Petero 1:2

Ango akwao be, Rubanga med ne wu kisa kede mulem mere pi ngec kame itienu kede i kome kede i kom Rwot wa Yesu Kirisito.

2 Petero 1:3

Rubanga i twer mere otieko mino wa gi dedede kame wan omito pi bedo kede kuo, kede pi bedo jo kame wore, pien wan otie kede ngec i kome, en ngat kame elwongo wa i deyo kede i bero mere.

2 Petero 1:8

Pien kame itienu kede gigi dedede, di kitie nyai i kuo wu, kibino gengo wu bedo abongo teko, arabo bedo jo kame li kede kony moro i kom kop kame mako ngeno Rwot wa Yesu Kirisito.

1 Yokana 1:2

Konyuto kuo noni di wan oko nene, nataman wan omio ijura i kome, di owaco ne wu kop i kom kuo kame bedo nakanaka kame oudo tie kede Papa di oko nyute but wan.

1 Yokana 1:3

Gikame wan oneno kede kame owinyo wada otuco ne wu tetekeny ibedunu i nywak kede wa; doko i nywak noni, wan onywako karacel kede Papa kede Wode Yesu Kirisito.

1 Yokana 2:23

Likame tie ngatamoro kame dagi Wod di en eko mito Papa; jo dedede kame yei Wod mito Papa da.

1 Yokana 4:6

Wan owokunu kibut Rubanga. Jo dedede kame ngeo Rubanga winyo kope wa, do jo dedede kalikame owok kibut Rubanga likame winyo kope wa. Manoni en epone kame wan ongeo kede Tipo me ateni kede tipo me angalo.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.