Yokana 17:26 - Baibuli I Leb Kumam 2013

²⁶ Ango atieko mino gi kingeo nyingi, doko abino mino nyingi medo ngere, tetekeny amara kame in imara kede bed i gin, kede ada i gin.”

Yokana 17:26 Iomraidhean Croise

Sabuli 22:22

Ango abino sarakino nyingi but imiegu kede amiegu na; abino paki i diere me jo kocokere wori.

Yokana 14:20

Ka ceng no otuno, wun ibinunu ngeno be ango atie i Papa na, doko wuda itienu i ango, kede ango da atie i wun.

Yokana 14:23

Yesu oko dwoko ne be, “Jo kame mara bino lubo kop na. Papa na bino maro gi, di ango kede Papa oko bino but gi, di oko bedo kede gi.

Yokana 15:15

Likame abino bobo lwongo wu be ipasoi, pien epasoit likame ngeo gikame ngadwong mere tie timo; do ango atie lwongo wu be jowota, pien amio wu ingeunu gi dedede kame ango awinyo kibut Papa na.

Yokana 15:4

Dongunu i ango, ada ako dong i wun. Bala kite kame ajange likame twero nyako kede anyakini en kene, kwanyo ka edong i kom olok, kamanono da, wuda likame itwerunu nyako anyakini wun kenu, kwanyo ka idongunu i ango.

Yokana 15:9

Bala kite kame Papa omara kede, kamanono ada amaro wu; dongunu i amara na.

Yokana 17:23

ango i gin, kede in i ango, me wek kibed jo acel atwal atwala, tetekeny piny ngei be in en kame iora, doko in imaro gi bala kite kame imara kede.

Yokana 17:6

“Ango atieko mino nyingi ongere but jo kame in imia i piny. Gin oudo kibedo jo nin, in iko mino gi buta, doko gin kiko lubo kop nin.

Yokana 17:8

pien ango atieko mino gi kop kame in bin imia, doko gin kiko yei gamo. Doko nan kingeo i ateni be, ango awok ki buti, doko kitieko yei da be in en kame iora.

Yokana 6:56

Ngat kame camo ringokoma kede mato remo na bedo i ango doko ada abedo i en.

Yokana 8:50

Do di ango likame amo deyo pira kena, do tie ngat kame tie mono, doko en kame ebino bedo ngangolkop.

Joroma 8:10

Do ka Kirisito tie i kuo wu, akadi bed bala komu oto pi dub, do tipo wu kuo pien itiekunu doko jo kopoore.

1 Jokorinti 1:30

Rubanga en kame mio wu kuo i Kirisito Yesu, ngat kame en emio odoko ne wa rieko kame wok kibut Rubanga. En kame emio wa odoko jo kopoore, kolonyere, kede kame kotieko lako.

1 Jokorinti 12:12

Kirisito cal bala kom dano, en etie acel do adulion mege tot; gin dedede kitie kom acel bed bala kitot.

Jogalatia 2:20

omio likame doko ango en kame pwodi akuo, do Kirisito en kame kuo i ango. Doko kuo kame nan ango atie kede, akuo pien atie kede yei i kom Wot ka Rubanga, ngat kame omara di eko jalo kuo mere pira.

Joepeso 1:6

tetekeny wan opak kisa mere me deyo kame en emio wa abongo cul moro i Wode kame en emaro.

Joepeso 3:17

kede be wek Kirisito bed i cunyu pi yei wu. Aso, cungunu kitek di ikounu moko i amara.

Joepeso 5:30

pien wan obedunu adulion me kome.

Joepeso 5:32

Kop noni obedo mung adwong, do ango atie yame i kom Kirisito kede i kom ekodet me jokirisito.

Jokolosai 1:27

Rubanga oyei pi mino gi ngeno epone kame abar me deyo me mung noni pire dwong kede i dier jo kalikame Iyudayan. Manoni obedo Kirisito kame tie i wun, en gen me udo deyo.

Jokolosai 2:10

doko wuda itienu kede kuo kopong i en. En elo apugan kede akarunikin dedede.

Jokolosai 3:11

Pi mano, likame tie doko apokapoka moro i diere me Jogurik kede Iyudayan, jo kame kokepo kede kalikame kokepo, jogero kede wegi asonya, ipasoi kede jo kogonyere; do Kirisito en gi dedede, doko etie i gi dedede.

2 Jotesalonika 2:16

Wek Rwot wa Yesu Kirisito kikome, kede Rubanga Papa wa, ngat kame omaro wa di eko mino wa kweicuny kame bedo nakanaka kede gen aber pi kisa mere,

Iburanian 2:12

Pien ewaco ne Rubanga be, “Ango abino tuco nyingi but imiegu kede amiegu na; abino paki i dier ekodet me jo kocokere.”

1 Yokana 3:24

Jo dedede kame lubo cik mege bedo i en kede eda etie i kuo gi. Doko pi Tipo kame en emio wa, wan ongeo be en etie i kuo wa.