Yokana 17:24 - Baibuli I Leb Kumam 2013

²⁴ “Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Yokana 17:24 Iomraidhean Croise

Ageini 45:13

Poore iwacenu papa na dwongo kame ango atie kede i Misiri, kede da gi dedede kame wun itiekunu neno. Sunyunu ot ikelenu kan.”

Matayo 25:21

Ngadwong mere oko waco ne be, ‘Itimo kiber, in ngatic aber, doko igenere. Itieko bedo ngat kame genere kede gi atitidi, abino do keto gi atot i cingi, pi mano dony do i kilel na.’

Matayo 25:23

Ngadwong mere oko waco ne be, ‘Itimo kiber, in ngatic aber, doko igenere. Itieko bedo ngat kame genere kede gi atitidi, abino do keto atot i cingi, pi mano dony do i kilel na.’

Matayo 25:34

Di do Abaka ko bino waco ne jo kame tie i bade tetu cam be, ‘Bianu wun jo kame Papa na omio wu winyo, bia igamunu winyo me ajakanut kame Rubanga oiko ne wu cako ki agege me cweno piny;

Matayo 26:29

Awaco ne wu be, likame abino bobo mato pige me anyakini noni tuno i ceng kame abino mato kede wu bwini anyen i Ajakanut ka Papa na.”

Luka 12:37

Kitie kede winyo jotic kame ngadwong gi bino dwogo di eko udo gi di kineeno; ateteni awaco ne wu be, en ebino dolo egoe mere etweo i piere di eko mino gi kibedo piny kacam, di eko poko ne gi cam.

Luka 23:43

Yesu oko waco ne be, “Ateteni awaco ni be, tin noni iyaro bedo keda i paradis.”

Yokana 1:14

Kop oko doko dano di eko bedo i diere wa di epong kede kisa ka Rubanga kede ateni. Wan oneno deyo mere, deyo ka Wod acel kenekene kame owok kibut Papa.

Yokana 12:26

Ka ngatamoro mito tic pira, poore en eluba, tetekeny kakame ango abedo iye, en kakame ngatic na da bino bedo iye. Di do Papa na ko bino nyuto wor i kom ngat nono.

Yokana 14:3

Ka ango aoto ako iiko ne wu kabedo, abino dwogo ako omo wu atero wu kakame ango atie iye, di wuda ikounu bedo kuno.

Yokana 15:9

Bala kite kame Papa omara kede, kamanono ada amaro wu; dongunu i amara na.

Yokana 17:2

Pien in itieko mine akarunikin i kom jo dedede, me wek emi jo dedede kame in imio bute kuo kame bedo nakanaka.

Yokana 17:22

Deyo kame itieko mina, ada atieko mino gin, me wek kibed jo acel, bala kite kame wada otie kede acel;

Yokana 17:5

Papa, nan mia deyo i nyimi; epone me deyo kame bin atie kede i nyimi di pwodi likame kocweo piny.

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Yokana 6:39

Gikame ngat oora mito en ine be, likame apoore rwenyo ngatamoro kikom jo dedede kame en emia, do miero ayaruno gi i ceng me ajikini.

Yokana 8:58

Yesu oko waco ne gi be, “Ateteni, ateteni awaco ne wu be, di pwodi Aburaam oudo li, ango oudo atie.”

1 Jokorinti 13:12

Pien nataman wan onenunu cal kame warawara i ilabura, do obinunu neeno wang kede wang. Gikame nan ango angeo tie dul kenekene; do abino ngeno odocon, bala kame Rubanga ngea kede odocon.

2 Jokorinti 3:18

Doko wanunu dedede kame kotieko kwanyo gikame galao nyim wa, wan jo kame onyutunu deyo ka Rwot, kotie loko wa i cal mere yai ki deyo tuno i deyo kame meede ameda, man Rwot kame obedo Tipo en kame timo.

2 Jokorinti 4:6

Pien Rubanga kame owaco be, “Wek lero rieny ki colo,” Rubanga nono en kame orieny i cuny wa pi mino wa lero me ngec be deyo mere neeno i Yesu Kirisito.

2 Jokorinti 5:8

Wan odio cuny wa kitek di otamo be, tikatika oyai owek kom wa noni di oko ot bedo i paco wa kede Rwot.

Jopilipi 1:23

Kope are gi dia twatwal. Mit nango tie be koto atoi di ako ot bedo kede Kirisito, pien mano ber kalamo.

1 Jotesalonika 4:17

di oko bino gwaro wanunu jo kame odongunu di okuounu karacel kede gin i idoun pi riamo kede Rwot i dier yamo; di okounu bino bedo kede Rwot nakanaka.

1 Petero 1:21

En emio wu idokunu jo kame geno Rubanga, ngat koyaruno en kikom jo oto, di oko mine deyo tetekeny wun ibedunu kede yei kede gen i kom Rubanga.

1 Yokana 3:2

Jo na kame amaro, wan nan otienu idwe ka Rubanga, do likame pwodi ngere epone kame wan oyarunu bedo cal kede. Gikame wan ongeo kenekene en ine be, kame Kirisito oneeno, wan obinunu nene i ekite kame en etie kede kikokome.

Gianyuta 21:22

Likame aneno tempulo moro i bomba nono, pien tempulo mere en Rwot Rubanga Won Twer kede Katin Romo.

Gianyuta 3:21

Ngat kame bino lono, ango abino mine ebedo keda i kom na me ajakanut, bala kame ango da alo kede di ako bedo kede Papa na i kom me ajakanut mere.