Yokana 17:2 - Baibuli I Leb Kumam 2013

² Pien in itieko mine akarunikin i kom jo dedede, me wek emi jo dedede kame in imio bute kuo kame bedo nakanaka.

Yokana 17:2 Iomraidhean Croise

Sabuli 110:1

Rwot Rubanga owaco ne rwot na be, “Bedi i bada tetu cam tuno di ango atieko mini inyono jokwor ni piny i tieni.”

Danieri 7:14

Oko mine twer me pug, deyo, kede ruom me abaka, tetekeny jo me atekerin dedede kede leb dedede tim nen tic. Loc mere tie pi kare lung, ajakanut mere likame kobino dudubo.

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Matayo 25:46

Di do gin kiko bino ot i alola me nakanaka, do jo kopoore ko bino ot i kuo kame bedo nakanaka.”

Matayo 28:18

Yesu oko ot but gi di en eko waco ne gi be, “Kotieko mina akarunikin dedede me i malo kede me lobo.

Yokana 17:24

“Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Yokana 17:6

“Ango atieko mino nyingi ongere but jo kame in imia i piny. Gin oudo kibedo jo nin, in iko mino gi buta, doko gin kiko lubo kop nin.

Yokana 17:9

“Ango nan atie lego ne gi; likame atie lego ne piny, do atie lego ne jo kame in imia; pien gin kibedo megi.

Yokana 3:35

Papa maro Wod, doko etieko mino jame dedede i cinge.

Yokana 4:14

do ngat kame mato pii kame ango abino mine, likame orio bino neke; pii kame ango abino mine bino doko ne atan me pii kame mol tuno i kuo kame bedo nakanaka.”

Yokana 6:27

Kur icanenu pi cam kame dubere, do canenu pi cam kame kanyakino tuno i kuo kame bedo nakanaka, kame Wot ka dano bino mino wu, pien Rubanga Papa otieko keto alama mere i kome.”

Yokana 6:37

Jo dedede kame Papa mia oyaro bino buta; doko ngat kame bino buta, likame abino riame tenge.

Yokana 6:39

Gikame ngat oora mito en ine be, likame apoore rwenyo ngatamoro kikom jo dedede kame en emia, do miero ayaruno gi i ceng me ajikini.

Joroma 6:23

Pien egelit me dub en to; do giamia ka Rubanga me nono en kuo kame bedo nakanaka i Kirisito Yesu Rwot wa.

1 Jokorinti 15:25

Pien miero epug tuno en nyono jokwor mege dedede i tiene.

Joepeso 1:20

Rubanga bin oketo twer noni i tic i Kirisito, kakame eyaruno en kede kikom jo oto, di eko mine ebedo i bade tetu cam i kabedo kame tie i malo.

Jopilipi 2:10

Man en omio cong dedede kame tie i malo kede i piny kede i dud lobo kukakino pi woro nying Yesu,

1 Temeseo 1:16

do Rubanga oko tima kisa tetekeny kibut ango ngat kame adubo kalamo, wek Kirisito Yesu nyut dire mere adwong, pi mino ango bedo anyut ne jo kame bino yei en di kiko udo kuo kame bedo nakanaka.

Iburanian 1:2

Do i kare kanataman me ajikini, en eko yamo kede wa kibut Wode, ngat kame en eyero pi jame dedede doko mege, doko en nono da kame bin Rubanga ocweo gi dedede di beo kibute.

1 Petero 3:22

ngat kame otieko ot i malo, nan etie i bad tetu cam ka Rubanga, di imalaikan, kede akarunikin, kede twer dedede tie i loc mere.

1 Yokana 1:2

Konyuto kuo noni di wan oko nene, nataman wan omio ijura i kome, di owaco ne wu kop i kom kuo kame bedo nakanaka kame oudo tie kede Papa di oko nyute but wan.

1 Yokana 2:25

Gikame en ecikere pi mino wa en kuo kame bedo nakanaka.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

Yuda 1:21

Meedenu maro Rubanga; bedunu di idarunu cuny me kisa ka Rwot wa Yesu Kirisito kame mio wu i udunu kuo kame bedo nakanaka.