Epone mene kame dano apwodi dongo adonga karuno gwoko kede kuo mere pi bedo di cil? Ekaruno timo kamanono ka en egwoko kuo mere bala kame cik nin mito.
Aso, kodi kopopoto i lobo aber cungo pi jo kame ka kiwinyo kop ka Rubanga, kimako kitek i cuny gi, cuny kame tie kede ateni kede bero, doko kidio cuny gi tuno nyako nyige atot.
Doko wanunu dedede kame kotieko kwanyo gikame galao nyim wa, wan jo kame onyutunu deyo ka Rwot, kotie loko wa i cal mere yai ki deyo tuno i deyo kame meede ameda, man Rwot kame obedo Tipo en kame timo.
Imiegu kede amiegu na kame Rwot maro, wan miero opwoi Rubanga nakanaka piru, pien Rubanga oyero wu cako i agege pi bedo jo kolakere pi lonyere kame Tipo Kacil mio wu, kede pi bedo kede yei i kom kop me ateni.
Pi mano, gonyunu tenge tim me emuna kede tim areco kame nataman otany i diere wu, di ikounu gamo kede mwolo kop ka Rubanga kame koketo i cunyu, en kop kame karuno lako wu.
