Yokana 17:11 - Baibuli I Leb Kumam 2013

¹¹ Do nan ango likame bobo abino meede bedo i piny; gin en kame kitie dong i piny; ango atie bino but in. Papa Kacil, gwok gin kede twer me nyingi, en nying kame in itieko mina, tetekeny kibed jo acel, bala kite kame ango kede in otie acel.

Yokana 17:11 Iomraidhean Croise

Sabuli 79:9

Kony wa, Okwe Rubanga ngalak wa, pi kelo deyo i nyingi; lak wa iko sasiro dub wa pi kelo bero i nyingi.

Agole 18:10

Rwot cal bala gedo abor malo di etek, dano kopoore ringo iye di eko bwot.

Isaya 27:3

Ango Rwot en kame agwoke; abwongo ne pii nakanaka. Adare iwor kede iceng tetekeny kur ngatamoro dub gimoro kiye.

Isaya 64:2

Gin koto kiyayangun bala pii kame gugunyo i mac kodop. Bia imi jokwor ni ngei, tetekeny kineni di kiko bedo kede mielkom!

Yeremia 14:21

Pi gwoko nyingi, kur ibed kede acae i kom wa; kur ikel lewic i kabedo me dwongo, kakame in ipugo kiye, kur itur isikan kame itimo kede wa.

Yeremia 14:7

Jo na kok buta be, ‘Bed bala dub wa nyuto raco wa, kony wa, Okwe Rwot, pi nyingi. Wan otieko lokere tenge kibuti tien atot, wan odubo buti.

Esekeri 20:22

Do ango likame ako timo kamanono pi nyinga, tetekeny kur akel lewic i nyinga i nyim atekerin, jo kame bin oneno di ango akwanyo jo me Isirael ki Misiri.

Esekeri 20:44

Wun ibinunu ngeno be ango en Rwot Rubanga, i kare kame ango abino tic kede wu di likame aparo pi yote wu areco, arabo tim wu kodubere, do pi mino nyinga wor.” Rwot Rubanga en owaco.

Esekeri 20:9

Do ango likame ako timo kamanono pi nyinga, tetekeny kur akel acae i nyinga i nyim atekerin kame gin bin kibedo i diere gi; pien ango oudo atieko waco ne jo Isirael i nyim gin be abino kwanyo gi ki Misiri.

Matayo 10:16

“Nenunu, ango atie cwano wu bala romini i dier ipeon. Pi mano, bedunu di iriekunu bala twole, doko di imwolunu bala aweleko.

Matayo 5:48

Pi mano, poore ibedunu jo kopoore bala kite kame Papa wu me i malo opoore kede.

Matayo 6:9

Pi mano, ka iyarunu ilega, kwaunu kaman: “Papa wa kame tie i malo, nyingi bed me awora.

Yokana 13:1

Manoni en oudo ceng kame ru ceng me camo Ebaga me Kalamo. Yesu oudo ngeo be esawa mere do otieko tuno me yai ki piny kan pi ot but Papa. En oudo emaro jo mege kame tie i piny kan, doko da eko maro gi tuno i ajikini.

Yokana 13:3

Yesu oudo ngeo be Papa otieko mino jame dedede i cinge, kede da be en ewok kibut Rubanga doko etie dok but Rubanga.

Yokana 14:20

Ka ceng no otuno, wun ibinunu ngeno be ango atie i Papa na, doko wuda itienu i ango, kede ango da atie i wun.

Yokana 16:28

Ango bin awok kibut Papa di ako bino i piny; nan bobo atie weko piny di ako dok but Papa.”

Yokana 16:33

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Yokana 17:23

ango i gin, kede in i ango, me wek kibed jo acel atwal atwala, tetekeny piny ngei be in en kame iora, doko in imaro gi bala kite kame imara kede.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 17:6

“Ango atieko mino nyingi ongere but jo kame in imia i piny. Gin oudo kibedo jo nin, in iko mino gi buta, doko gin kiko lubo kop nin.

Yokana 7:33

Yesu oko waco be, “Abino medo bedo kede wu pi kare moro acecek, di do ako ot but ngat kame oora.

Tice 3:21

en ngat kame miero edong malo ebed iye tuno kede i kare kame kobino mino kede gi dedede doko nyen, gikame Rubanga bin owaco i dog inabin mege kacil.

Joroma 12:5

wada otienu kamanono, bed bala ototunu, otienu kom acel i Kirisito, do di ngat acelacel bedo bala adul me kom ngat ocelu.

Joroma 9:17

Pien iwandik kacil bin owaco ne Parao be, “Ango atingi malo pi nyuto twer na di beo kibuti, tetekeny bin tatamo nyinga i wi lobo lung.”

1 Jokorinti 1:10

Imiegu kede amiegu na, ango abako doga butu i nying Rwot wa Yesu Kirisito be, wun dedede bedunu kede winyere i kope wu, kede kur apokapoka bed i diere wu. Do riberenu i cuny acel kede i tam acel.

Jogalatia 3:28

Likame bobo tie Ngayudaya amoto Ngagurik, likame bobo tie epasoit arabo ngat kogonyere, likame bobo tie icuo arabo dako; pien wun dedede itienu acel i Kirisito Yesu.

Joepeso 4:4

Kom tie acel doko Tipo da tie acel, bala kame gen kame Rubanga olwongo wu iye da tie acel.

Jopilipi 2:9

Pi mano, Rubanga otinge malo twal di oko mine nying kame kato nying dedede.

Iburanian 1:3

En kame enyuto deyo ka Rubanga, doko da en kame ebedo cal me kuo ka Rubanga kikokome. Kop mere kame tie kede twer en kame mio gi dedede bedo tie iepone kame nataman kitie kede. Kakame etieko lonyo kede jo ki dub, en eko bedo i bad tetu cam ka Rubanga won Twer Adwong.

Iburanian 9:24

Pien likame Kirisito otieko donyo i Kabedo Kacil kame cing dano en kotimo, kame obedo cal me maca me ateni, do en edonyo malo kikokome, kakame nataman etie iye i nyim Rubanga pirwa.

Yakobo 4:4

Wun jo kalikame genere! Benyo, likame ingeunu be bedo awotin kede piny en bedo ading kede Rubanga? Pi mano, ngat kame mito bedo awotin kede piny udo edoko ngading ka Rubanga.

1 Petero 1:5

wun jo kame Rubanga tie gwoko kede twer mere pi yei wu, tetekeny iudunu alako kame Rubanga otieko iikere pi nyuto i kare me ajikini.

1 Yokana 3:12

Miero wan kur obedunu bala Kain ngat kame bin obedo atin me Ngarac, di en eko neko omin mere. Pinyo komio bin en eneko omin mere? Pien tice mege oudo reco do tice ka omin mere oudo opoore.

1 Yokana 5:19

Wan ongeunu be wan obedunu idwe ka Rubanga, kede be, piny lung tie i twer me Ngarac.

Yuda 1:1

Baluwa kowok kibut Yuda ngatic ka Yesu Kirisito, kame obedo omin me Yakobo. But jo kame kolwongo, jo kame tie i amara ka Rubanga Papa, jo kame kotie gwoko di kodaro kede Yesu Kirisito.

Yuda 1:24

But Rubanga ngat kame karuno gwoki kur ipoti ki yei ni, doko etwero mini icungo abongo raco moro di itie kede kilel i nyim kom me deyo mere,

Gianyuta 15:4

Rwot, ngai kalikame bino lworo nyingi kede mine deyo? Pien in keni en ngat kacil. Atekerin dedede bino bino di kiko wori, pien tice ni me ateni otieko nyutere.”

Gianyuta 19:12

Wange cal bala leb mac, di etie kede icoron atot me angosibib i wie. Doko oudo etie kede nying kame kowandiko i kome, kalikame ngatamoro ngeo do kwanyo en kenekene.

Gianyuta 4:8

Giacwea ongwon kame kuo nogo, acelacel kikom gi oudo tie kede bwome kanyape, di wang gi opong rimaro kom gi lung, i ooko kede i yie. Iceng kede iwor gin likame kiweko wer be, “En cil, en cil, en cil Rwot Rubanga Won Twer, en kame oudo etie sek, nataman etie, doko ebino bino.”