Yokana 16:7 - Baibuli I Leb Kumam 2013

⁷ Bed bala kamano da, atie waco ne wu kop me ateni be, eber ne wu ka ango aoto; pien ka likame aoto, Ngakony likame oyaro bino butu, do ka ango aoto, abino cwane butu.

Yokana 16:7 Iomraidhean Croise

Sabuli 68:18

En eko ot malo i wi moru abor nono, di etero jo atot kame emako ki yi; en egamo giamia kibut jo, akadi kiton kibut jo kame dagi ne Rwot Rubanga bedo kuno.

Luka 24:49

Doko nenunu, abino cwano ne wu gikame Papa na ocikere iye. Pi mano, bedunu i bomba kan, tuno kede kame kongapo wu kede twer kame yai ki malo.”

Luka 4:25

“Doko i ateni, awaco ne wu be, apuserun oudo bin tot i piny me Isirael i kare ka Elia, kakame kot bin likame oko cwei kede pi mwakini adek kede dwete kanyape, di kec atek oko mako piny nono dedede.

Luka 9:27

Ateteni ango awaco ne wu be, tie jo mogo kame nan tie kan, kalikame bino bilo to tuno di kineno Ajakanut ka Rubanga.”

Yokana 14:26

Do Ngakony, kame obedo Tipo Kacil kame Papa bino cwano i nyinga, bino pwonyo wu i gi dedede di eko mino wu iyutununu gi dedede kame ango atieko waco ne wu.

Yokana 14:28

Pien wun itiekunu winyo di ango awaco ne wu be, ‘Ango atie ot, do abino dwogo butu.’ Ka koto oudo imaranu, koto nan wun itienu kilel pi kite kame ango atie ot kede but Papa; pien Papa dwong loa.

Yokana 14:3

Ka ango aoto ako iiko ne wu kabedo, abino dwogo ako omo wu atero wu kakame ango atie iye, di wuda ikounu bedo kuno.

Yokana 15:26

“Do ka Ngakony obino, kame ango abino cwano ne wu kibut Papa, en Tipo me ateni ka Rubanga, kame wok kibut Papa, en ebino jurao ango.

Yokana 16:8

Kame etuno, en ebino mino jo me piny kan bedo kede niang aber i kom kop kame mako dub kede poore kede ngolo kop:

Yokana 7:39

Yesu bin owaco kop noni i kom Tipo Kacil kame jo kame yei en bino udo. I kare nono oudo pwodi likame komio Tipo Kacil, pien oudo pwodi likame komio Yesu deyo.

Tice 10:34

Petero oko cako yamo di ewaco be, “Atieko do nan niang kiber ateteni be Rubanga li kede apokapoka but jo.

Tice 2:33

Pi kite kame kotieko kiarao en kede i bad tetu cam ka Rubanga, kede piento en etieko gamo Tipo Kacil kame bin Papa ocikere pire, en eko nan onyo gikame inenunu kede iwinyunu no.

Joroma 8:28

Wan ongeunu be, i gi dedede, Rubanga tio pi kelo bero ne jo kame mare, jo kame en elwongo di lubere kede iik mere.

2 Jokorinti 4:17

Pien can kame nataman wan otie neno tunutunu noni, tie iiko ne wa deyo adwong kalikame wacere, kame bedo nakanaka.