Yokana 16:33 - Baibuli I Leb Kumam 2013

³³ Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Yokana 16:33 Iomraidhean Croise

Sabuli 68:18

En eko ot malo i wi moru abor nono, di etero jo atot kame emako ki yi; en egamo giamia kibut jo, akadi kiton kibut jo kame dagi ne Rwot Rubanga bedo kuno.

Mika 5:5

En ebino kelo anapakin. Ka jo Asiria oko bino suro lobo wa, di gin kiko turo apama me cel wa, wan obino yero jotel kame romo di oko cwano gi ot yi kede gi.

Matayo 9:2

Kikano jo mogo oko kelo ne icuo moro kame oudo tuwo oneko kome lung, di etie buto i apien. Kakame Yesu oneno kede yei gi, en eko waco ne icuo kame tuwo oudo oneko kome lung nono be, “Dii cunyi, woda. Kotieko sasiro in ki dub ni.”

Luka 19:38

Gin oudo kipake di kiwaco be, “Etie kede winyo abaka kame bino i nying Rwot! Mulem bed i malo kede deyo bed but Rubanga i malo twal.”

Luka 2:14

“Deyo bed but Rubanga kame tie i malo twal, kede mulem bed i lobo but jo dedede kame cunye yom i kom gi!”

Yokana 12:31

Nan do en esawa me ngolo kop ne piny kan. Rubanga oyaro riamo ngat kame lem pugo piny kan tenge.

Yokana 14:1

Yesu oko waco ne josiao mege be, “Cunyu kur poti, yeunu Rubanga, di ikounu yei ango da.

Yokana 14:27

“Ango atie weko wu kede mulem, amio wu mulem na, likame bala kite kame piny mio kede. Cunyu kur poti, doko kur ibedunu kede lworo.

Yokana 16:11

i kom kop kame mako ngolo kop, pien kotieko ngolo ne ngapug me piny ni kop.

Tice 14:22

Gin oudo kimio tekcuny but jo koyei Kirisito di kikwao gi pi dong di kitek i yei. Doko di kiwaco ne gi be, “Wan miero obeunu i peko atot pi donyo i Ajakanut ka Rubanga.”

Tice 23:11

Iwor kame lubo mere Rwot oko cungo i nget Paulo di oko waco ne be, “Bed kede nwangcuny, pien bala kite kame itieko mino kede ijura i koma i Yerusalem, miero itim kamanono da i Roma.”

Tice 27:22

Do ango nan akwao wu imiunu cunyu bed nwang, pien likame tie ngatamoro kikom wa kame kuo mere bino rwenyo, kenekene emeri en koyaro kei.

Tice 27:25

Pi mano, jo na, bedunu kede nwangcuny, pien ango atie kede yei i kom Rubanga be gi dedede bino bedo bala kite kame kowaco na kede kikokome.

Tice 9:31

Pi mano, ekodet me jokirisito i Yudea, i Galilaya kede i Samaria dedede oko bedo kede mulem, di kiko doko tek. Doko kiko bedo kede wor but Rwot di kiko meede nyai pi kony me Tipo Kacil.

2 Jokorinti 1:3

Opwounu Rubanga Papa me Rwot wa Yesu Kirisito, Papa kame ngakisa, ngakwei cuny jo iepone dedede.

2 Jokorinti 13:11

Di do ajiko, imiegu kede amiegu na, asounu do; iikunu ekite wu, lubunu gikame akwao wu pi timo, winyerenu, bedunu kede mulem, di Rubanga me amara kede me mulem ko bino bedo kede wu.

2 Jokorinti 2:14

Do opwounu Rubanga ngat kame nakanaka telo wa i Kirisito di osiritunu pi nyuto be en elo. Rubanga tio kede wan pi nyano ngec i kom Kirisito kabedo dedede bala ngwece kame kur.

2 Jokorinti 4:7

Do wan jo kame otie kede abar noni, ocal bala agune kame kocweo kede elupe. Manoni nyuto be Rubanga en kame tie kede twer kame kalamo dedede, do likame wan.

2 Jokorinti 6:4

Do bala jotic ka Rubanga, wan onyuto bero wa i yote dedede: di okanyakino can, peko, kede kuo atek.

2 Jokorinti 7:4

Ango ageno wu kitek; ango awakere piru twatwal; wun ikweunu cunya; ango atie kede yomcuny i can dedede kame wan obeo iye.

Jogalatia 1:4

Kirisito ojalere pi dub wa, pi lako wa ki kare kanataman me dub noni, di lubere kede mit ka Rubanga wa, en Papa wa.

Jogalatia 6:14

Do ewaka nono miero bed bor keda, kwanyo ango abino wakere kenekene pi musalaba ka Rwot wa Yesu Kirisito. Pi musalaba mere, ki tetu buta kotieko guro piny di eko to, doko kibut piny da kotieko guro ada di ako to.

Jopilipi 4:7

Di mulem ka Rubanga, kame kalamo niang dedede me dano, ko bino gwoko cunyu kede tam wu i Kirisito Yesu.

Jokolosai 1:20

doko i en Rubanga oudo cunye yom pi dwoko jame dedede bobo inywak kede en, jame kame tie i wi lobo amoto i malo, di ekelo mulem pi remo me to ka Kirisito i kom musalaba.

1 Jotesalonika 3:4

Pien i kare kame bin otie kede wu, wan oudo owaco ne wu sek be kobino tidilo wa, manoni oko timere da bala kame wuda ingeunu kede.

1 Jotesalonika 3:7

Imiegu kede amiegu na, man en komio i peko kede i can dedede kame wan obeo iye, otie kede kweicuny pi yei wu;

2 Jotesalonika 3:16

Akwao Rwot won mulem, en kikome emi wu mulem i kare lung kede da i yore lung. Rwot bed kede wu dedede.

2 Temeseo 3:12

Ateteni, kobino tidilo jo dedede kame mito bedo kede kuo me woro Rubanga i Kirisito Yesu.

Iburanian 11:25

En eko yei nywako itisilar karacel kede jo ka Rubanga akaka camo mulem pi kare moro acecek, mulem kame dub kelo.

Iburanian 7:2

Aburaam di oko poko ne acel me tomon me jame dedede kame oudo ekelo ki yi. Me agege mere nying Melkisedeki dwong mere be “abaka kame timo gikame opoore”; doko da pi kite kame en oudo etie kede abaka me Salem, dwong me nyinge da bobo en “abaka kame kelo mulem.”

1 Petero 5:9

Wun cerededunu ne, di icungunu kitek i yei wu, doko di ingeunu be imiegu kede amiegu wu i piny lung tie beo iepone me can nogo.

1 Yokana 2:13

Atie wandiko manoni butun joapapi, pien wun ingeunu en ngat kame oudo etie cako ki agege. Atie wandiko man butu, wun jo atino pien itiekunu lono Ngarac.

1 Yokana 4:4

Idwe na, wun ibedunu me ka Rubanga, doko itiekunu bwono inabin me angalo, pien ngat kame tie i kuo wu tie kede twer adwong kalamo ngat kame tie i piny.

1 Yokana 5:4

pien ngat kame obedo anywali ka Rubanga lo piny. Doko yei wa en kame mio wa olounu piny.

Gianyuta 12:11

Gin kibwone pi remo me Katin Romo kede pi kop me ijura kame gin kimio, pien gin oudo likame kiparo pi kuo gi akadi paka tuno i to.

Gianyuta 3:21

Ngat kame bino lono, ango abino mine ebedo keda i kom na me ajakanut, bala kame ango da alo kede di ako bedo kede Papa na i kom me ajakanut mere.

Gianyuta 7:14

Ango ako dwoko ne be, “Adwong, in en kame ingeo.” Di en eko waco na be, “Magi en jo kame owok ki can alit. Gin kilwoko ikanson gi kede remo me Katin Romo oko doko tar.

Jongolkop 3:2

En etimo manono tetekeny epwony lwak acelacel me Isirael i kom yi, twatwal mere jo kalikame pwodi obilo yi moro.