Yokana 16:3 - Baibuli I Leb Kumam 2013

³ Kibino timo man pien likame kingeo Papa arabo ango.

Yokana 16:3 Iomraidhean Croise

Luka 10:22

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa; doko likame tie ngat kame ngeo Papa, kwanyo kenekene Wod, kede jo kame Wod yero pi nyuto ne gi Papa.”

Yokana 15:21

Do kibino timo ne wu gi nogi dedede pi ango, pien likame gin kingeo ngat kame oora.

Yokana 15:23

Ngat kame daga, udo edagi Papa na da.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 17:3

Kuo kame bedo nakanaka en ine be, wek gin kingei in Rubanga acel keni me ateni, kede Yesu Kirisito ngat kame in ioro.

Yokana 8:19

Pi mano, gin kiko waco ne Yesu be, “Ani bo Papa ni?” Yesu oko dwoko ne gi be, “Wun likame ingeanu, akadi ngeno kiton Papa na da. Koto di oudo ingeanu, oudo koto ingeunu kiton Papa na da.”

Yokana 8:55

Wun likame ingeunu en, do ango angee. Ka koto oudo awaco be likame angee, koto abedo ngat kame ngalo bala wun. Do ango angee doko alubo kop mere da.

Tice 3:17

“Do pi mano, jowota, ango angeo be wun itimunu mano pi kwina piny, bala kite kame jotel wu da otimo kede.

1 Jokorinti 2:8

Likame tie ngapug moro me piny kan kame oko niang iye: pien ka koto oudo kiniang, koto likame kiguro Rwot me deyo.

2 Jotesalonika 1:8

En ebino bino di etie i dier mac kame liel, di eko bino culo kwor i kom jo kalikame ngeo Rubanga kede jo kame dagi lubo ejiri ka Rwot wa Yesu.

1 Temeseo 1:13

akadi bed bala oudo ango ber kong acae, atidilo en, kede abedo kede gero i kome. Do Rubanga oko tima kisa pien oudo ango likame ayei, omio oudo atie timo gikame akwia.

1 Yokana 2:23

Likame tie ngatamoro kame dagi Wod di en eko mito Papa; jo dedede kame yei Wod mito Papa da.

1 Yokana 3:1

Nenunu ber epone kame Papa maro wa kede, manoni en komio kolwongo wa be idwe ka Rubanga; doko da ateteni wan idwe mege. Piny likame ngeo wa pien ekwie.

1 Yokana 4:8

Ngat kalikame nyuto amara likame obedo atin ka Rubanga, pien Rubanga en amara.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.