Yokana 16:28 - Baibuli I Leb Kumam 2013

²⁸ Ango bin awok kibut Papa di ako bino i piny; nan bobo atie weko piny di ako dok but Papa.”

Yokana 16:28 Iomraidhean Croise

Luka 24:51

Kakame oudo etie mino gi kede winyo, en eko pokere kede gi di oko tinge kotere i malo.

Luka 9:51

Di do bin kare onoko me tere malo, Yesu oko do moko tam mere pi ot Yerusalem.

Yokana 13:1

Manoni en oudo ceng kame ru ceng me camo Ebaga me Kalamo. Yesu oudo ngeo be esawa mere do otieko tuno me yai ki piny kan pi ot but Papa. En oudo emaro jo mege kame tie i piny kan, doko da eko maro gi tuno i ajikini.

Yokana 13:3

Yesu oudo ngeo be Papa otieko mino jame dedede i cinge, kede da be en ewok kibut Rubanga doko etie dok but Rubanga.

Yokana 14:28

Pien wun itiekunu winyo di ango awaco ne wu be, ‘Ango atie ot, do abino dwogo butu.’ Ka koto oudo imaranu, koto nan wun itienu kilel pi kite kame ango atie ot kede but Papa; pien Papa dwong loa.

Yokana 16:10

i kom kop kame mako poore, pien ango atie ot but Papa, doko likame ibinunu medo nena;

Yokana 16:16

“Odong kare acecek di likame ikounu nena bobo, doko ikounu bino nena ingei kare acecek.”

Yokana 16:30

Wan nan ongeo be in do ingeo gi dedede, doko likame emitere ne ngatamoro pi penyi, man mio wan oyei be in iwok kibut Rubanga.”

Yokana 16:5

Ango nan atie ot but ngat kame bin oora, do di likame tie ngatamoro kikom wu kame penya be, ‘Itie ot tuai?’

Yokana 17:11

Do nan ango likame bobo abino meede bedo i piny; gin en kame kitie dong i piny; ango atie bino but in. Papa Kacil, gwok gin kede twer me nyingi, en nying kame in itieko mina, tetekeny kibed jo acel, bala kite kame ango kede in otie acel.

Yokana 17:13

Do nan ango atie bino buti, ango awaco kope nogi di pwodi atie i piny, tetekeny gin kibed kede kilel na di opong i cuny gi.

Yokana 17:5

Papa, nan mia deyo i nyimi; epone me deyo kame bin atie kede i nyimi di pwodi likame kocweo piny.

Yokana 8:14

Yesu oko dwoko be, “Akadi bed bala ango ajurere kena, do ijura na tie kop me ateni, pien ango angeo kakame ango awok kiye kede kakame atie ot iye. Do wun likame ingeunu kakame ango awok kiye arabo kakame atie ot iye.

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.