Yokana 16:25 - Baibuli I Leb Kumam 2013

²⁵ “Ango nan atieko waco ne wu gi nogi i agole; do esawa bino tuno kalikame doko ango abino yamo kede wu i agole, do abino yamo ne wu gi dedede i kom Papa kakaler.

Yokana 16:25 Iomraidhean Croise

Sabuli 49:4

Abino ciko yita winyo kope me agole; abino gonyo dwong gi i were kame agoo kede adungu.

Sabuli 78:2

Abino yamo i agole; abino gonyo dwong me kope mogo me mung me kare kasek,

Agole 1:6

tetekeny kiko niang kope me agole kede kame dwong gi omungere, kope kame jo ariek yamo.

Esekeri 20:49

Di do ango ako waco be, “Okwe Rwot Rubanga, nen jo dedede tie yamo i koma be, ‘Mam en ngat kame maro yamo agole?’ ”

Marako 4:13

Yesu oko penyo gi be, “Wun likame iniangunu agole ni? Ibinunu do niang agole apat dedede benyo?

Marako 4:34

En bin emaro waco ne gi kope dedede i agole, do ka oudo edong kene kede josiao mege, en oudo eko donyo niango gi i gi dedede.

Marako 8:32

En ewaco kop noni kakaler. Di Petero oko kwanye otere tenge di oko donyo bunano en be koto kur di eyamo kamanono.

Yokana 10:24

Iyudayan oko cokere oluke di kiko waco ne be, “Ibino mino tam wa bedo abongo kacungo pi kare arom amene? Ka in en kame Kirisito, wac ne wa kakaler.”

Yokana 10:6

Yesu oyamo ne gi agole noni, do gin likame kiko niang gikame en oudo etie waco ne gi.

Yokana 16:12

“Ango oudo pwodi atie kede kope atot kame apoore waco ne wu, do nan likame itwerunu mako gi.

Yokana 16:2

Kibino riamo wu tenge ki sinagogan. Ateteni esawa bino tuno kame ngat kame neko wu bino paro kede be etie timo ne Rubanga tic.

Yokana 16:32

Esawa tie bino, doko etieko tuno da, kame kobino sasaro wu kede, ngat acelacel tunge kene, di ikounu weka kena. Do di likame udo ango adong kena, pien Papa udo tie keda.

2 Jokorinti 4:2

Wan otieko dagi gi dedede me lewic kame kotimo i mung; wan odagi tim me angalo arabo dwadwanyo kop ka Rubanga. Do wan opwonyo kop me ateni i lero i nyim Rubanga, di dano acelacel ko ngeno i cunye be wan jo kame beco.