Yokana 16:23 - Baibuli I Leb Kumam 2013

²³ “Kame ceng nono otuno, likame ibinunu penya gimoro. Ateteni awaco ne wu be, ka ikwaunu gimoroni kibut Papa i nyinga, en ebino mino wu.

Yokana 16:23 Iomraidhean Croise

Isaya 65:24

Di pwodi gin likame kikwaa, ango abino gamo kwac gi, doko di pwodi gin likame kitieko waco gikame kitie kwano, ango abino winyo kwac gi.

Matayo 21:22

Doko ka ilegunu di itienu kede yei, ibinunu udo gi dedede kame ikwaunu.”

Matayo 7:7

“Kwaunu, kobino mino wu; mounu, ibinunu udo; kukungunu ekeko, kobino yabo ne wu.

Yokana 14:20

Ka ceng no otuno, wun ibinunu ngeno be ango atie i Papa na, doko wuda itienu i ango, kede ango da atie i wun.

Yokana 14:22

Yuda (weko Isikariot) oko waco ne be, “Rwot, in ibino nyutere but wan kenwa benyo benyo di likame iko nyutere ne jo me piny?”

Yokana 14:5

Tomasi oko waco ne be, “Rwot, ka do ber wan likame ongeo kakame in itie ot iye, otwero do ngeno yongayo mere benyo?”

Yokana 15:7

Ka idongunu i ango, di kop na da oko dong i wun, ibinunu kwano gikame imitunu di ikounu udo.

Yokana 16:19

Yesu oudo ngeo be gin kimito penye, omio en eko penyo gi be, “Mam itienu penyere kenu kenu pi dwong me gikame oudo ango awaco be, ‘Odong kare acecek di likame ikounu bino nena, doko ikounu bino nena ingei kare acecek’?

Yokana 16:26

I ceng nono ibinunu kwano Papa i nyinga; do likame awaco ne wu be abino kwano Papa akaka wun;

Yokana 16:30

Wan nan ongeo be in do ingeo gi dedede, doko likame emitere ne ngatamoro pi penyi, man mio wan oyei be in iwok kibut Rubanga.”

Joepeso 2:18

pien i Kirisito, wanunu dedede okarununu tuno but Papa i Tipo acel.

1 Yokana 2:1

Idwe na, ango atie wandiko ne wu kope nogi tetekeny kur ipotunu i dub. Do ka ngatamoro odubo, wan otienu kede ngat kame pido pirwa i nyim Papa, en Yesu Kirisito ngat kopoore.