Yokana 16:22 - Baibuli I Leb Kumam 2013

²² Aso nan wuda itienu kede cwercuny, do ango abino bobo neno wu di cunyu ko bino doko yom; doko likame tie ngatamoro kame bino kwanyo kilel wu kibutu.

Yokana 16:22 Iomraidhean Croise

Yobu 34:29

Ka Rubanga obedo gire mot, ngai kame karuno waco be etimo rac? Ka Rubanga okano wange, ngai kame karuno nene? Do en etie kede loc i kom ateker amoto dano moro di rom aroma,

Sabuli 146:2

Abino pako Rwot tek di pwodi ango atie akuo; abino wero were me pako Rubanga na pi kare me kuo na lung.

Sabuli 33:21

Cuny wan yom pire, piento wan ogeno nyinge kacil.

Isaya 25:9

I kare nono, jo dedede bino waco be, “En ebedo Rubanga wa! Wan oudo obedo kure kede gen pi lako wa. Manoni en Rwot kame wan oudo obedo geno, nan obedunu kede yomcuny kede kilel pien elako wa.”

Yeremia 31:12

Gin kibino bino di kiko wer i wi moru me Sion kede dwan amalo pi kilel, cuny gi bino bedo yom twatwal pi bero kame Rwot bino timo negi, cuny gi bino bedo yom pi engano, bwini, kede mo me olibeti, kede i kom romini kede doke. Kuo gi bino bedo ber bala poto kame pii oromo, likame bobo kibino bedo kede cwercuny moro.

Matayo 28:8

Gin kiko yai awakawaka ki ates kede lworo, do di kipong kede yomcuny, di kiko ringo pi ot waco ne josiao mege.

Luka 10:42

do gi acel kenekene en kame mitere; Maria otieko yero gikaber kalikame kobino kwanyo tenge kibute.”

Luka 16:25

“Do Aburaam oko waco be, ‘Woda, yutuno ber i kare kame pwodi in oudo i kuo kede, in bin iudo jamini abeco, di Lasaro da iepone nono oko udo jamini areco; do nan eda kokweo cunye ki kan, di ida iudo lito.

Luka 19:26

‘Ango awaco ne wu be, ngat kame tie kede gimoro, kobino medo ne ace; do ngat kame li kede gimoro, akadi atitidi kame etie kede da, kobino kwanyo tenge kibute.

Luka 24:41

Di pwodi yomcuny atek omio gi likame kitwero yei, doko di kitie kede ur, en eko penyo gi be, “Itienu kede gimoro kan me acama?”

Yokana 14:1

Yesu oko waco ne josiao mege be, “Cunyu kur poti, yeunu Rubanga, di ikounu yei ango da.

Yokana 14:19

Odong kare acecek di jo me piny ni likame bobo ko bino nena, do wun ibinunu nena; pi kite kame ango akuo kede, wuda ibinunu bedo kuo.

Yokana 14:27

“Ango atie weko wu kede mulem, amio wu mulem na, likame bala kite kame piny mio kede. Cunyu kur poti, doko kur ibedunu kede lworo.

Yokana 16:16

“Odong kare acecek di likame ikounu nena bobo, doko ikounu bino nena ingei kare acecek.”

Yokana 16:20

Ateteni, awaco ne wu be, ibinunu koko kede iturur, do piny bino lelo; ibinunu bedo kede cwercuny, do cwercunyu bino lokere doko kilel.

Yokana 16:6

Wun nan itienu kede cwercuny pien ango awaco ne wu kope nogi.

Yokana 21:7

Ngasiao kame Yesu maro nono oko waco ne Petero be, “Rwot kom inonono!” Kakame Simoni Petero owinyo kede be Rwot inonono, en eko ngapo igoen mege pien oudo egonyo gi pi tic, di eko somo edonyo i yi pii.

Yokana 4:14

do ngat kame mato pii kame ango abino mine, likame orio bino neke; pii kame ango abino mine bino doko ne atan me pii kame mol tuno i kuo kame bedo nakanaka.”

Tice 13:52

Josiao oko bedo kede kilel adwong, doko kiko pong kede Tipo Kacil.

Tice 16:25

Do i dier iwor me ceng nono, Paulo kede Sila oudo tie ilega kede wero were me pako Rubanga, di mabus icegun winyo.

Tice 2:46

Doko ceng dedede oudo gin kilego i tempulo karacel, di kinywako mugati karacel i miere gi. Oudo kinywako cam kede cuny ayom kilajara,

Tice 5:41

Kikano di do joor oko yai ki nyim kansulo di kilelo pien kotero gin bala jo kame poore neno can pi nying Yesu.

2 Jokorinti 6:10

akadi di cuny wa cwer, do wan olelo nakanaka; akadi di wan obedo jocan, do wan otie mino jo atot baro; akadi di wan oneeno bala oli kede gimoro, do wan otie kede gi dedede.

2 Jotesalonika 2:16

Wek Rwot wa Yesu Kirisito kikome, kede Rubanga Papa wa, ngat kame omaro wa di eko mino wa kweicuny kame bedo nakanaka kede gen aber pi kisa mere,

Iburanian 10:34

Pien wun oudo itienu kede cuny me isasir i kom jo kame oudo kotweo i otkol, doko kede yomcuny iyeunu koyako jame wu, pien wun oudo ingeunu be wun kikomu oudo itienu kede gimoro kame ber kalamo, kame bedo nakanaka.

Iburanian 6:18

tetekeny i jamini are kalikame lokere, kede kalikame Rubanga romo bedo kede angalo iye, en cikere kede ikwong mere, wek oudunu nwangcuny, wanunu jo kame otiekunu ringo bute gwokere iye.

1 Petero 1:8

Wun imarenu akadi bed bala likame itiekunu nene, doko iyeunu en akadi bed bala nan likame inenenu. Pi mano, itienu kede kilel kalikame wacere, kilel me deyo.