Yokana 16:20 - Baibuli I Leb Kumam 2013

²⁰ Ateteni, awaco ne wu be, ibinunu koko kede iturur, do piny bino lelo; ibinunu bedo kede cwercuny, do cwercunyu bino lokere doko kilel.

Yokana 16:20 Iomraidhean Croise

Yobu 20:5

be yomcuny me jo areco tie pi kare acecek, doko da kilel me jo kalikame paro pi Rubanga likame tero kare?

Sabuli 30:11

In itieko loko iturur na odoko miel; in igonyo egoe na me iturur iko ngapa kede kilel,

Sabuli 30:5

Pien gero mere bedo pi kare acecek kenekene; do bero mere bedo pi kare lung me kuo. Aromo kok iwor, do odiko ako bino bedo kede yomcuny.

Sabuli 97:11

Lero yabere ne jo kopoore, kilel da ne jo kame cuny gi ber.

Isaya 12:1

Ka ceng nono otuno, ibinunu waco be, “Amio pwoc buti, Okwe Rwot, pien bed bala oudo idoko ger na, do iko jiko gero ni, di iko kweno cunya.

Isaya 61:3

pi mino jo kame tururo i Sion yomcuny kede ilel akaka cwercuny, wer me pak akaka iturur. Gin kobino lwongo gi be yen oak kame Rwot en kopito. Gin dedede kibino timo gikame poore, di kiko nyuto deyo ka Rwot.

Isaya 66:5

Winyunu kop kame Rwot tie waco, wun jo kame ilworenu doko itimunu gikame en ewaco. En ewaco be, “Jo wu mogo cuny gi kec i komu, doko kidagi wu pira. Gin kinyero wu di kiwaco be, ‘Ber Rwot nyut twer mere adwong, tetekeny wan onen ilel wu.’ Do gin kikom gi en kame lewic bino mako gi!

Yeremia 31:25

Abino mino jo ool udo teko, doko abino mino jo kame kec obwono cam di gin kiko udo teko.

Matayo 21:38

Do kakame jodar poto oneno kede wode nono, kiko donyo yamo ken gi ken gi be, ‘Man en musika mere, bia onekenu, me wek jame kame en epoore sikao dok megwa.’

Matayo 5:4

Kitie kede winyo jo kame tururo, pien kobino dino cuny gi.

Marako 14:72

Cucuto di do tongweno me are kok. Petero oko yutuno kop kame Yesu oudo owaco ne be, “Di pwodi tongweno me are likame okok, in ibino daga tien adek.” Gino oko cobo cunye di en eko donyo koko.

Marako 16:10

En eko ot tatamo gikame otimere ne jo kame bin Yesu oudo bedo kede, gin oudo kitie iturur kede koko.

Luka 22:45

Kakame eyai kede kiye ilega, en eko dok but josiao mege, di eko udo gi kitie nino pien par oudo otieko teko gi.

Luka 22:62

Petero oko donyo ooko di eko koko kitek.

Luka 23:27

Ekodet me jo oko donyo lube ki cen karacel kede mon kame oudo tie paro pire di kikok kitek.

Luka 24:17

Di Yesu oko penyo gi be, “Kop nyo ino kame wun itienu yamo kenu kenu di itienu ot?” Gin kiko cungo, di kili kede yomcuny.

Luka 24:21

Do wan oudo otie kede gen be en nono kame oudo eyaro bino lako jo me Isirael. Doko medo i wi mano, tin do oromo ceng me adek cako ceng kame gino otimere kede.

Luka 6:21

Itienu kede winyo wun jo kame kec oneko wu nan; pien ibinunu yeng. Itienu kede winyo wun jo kame nan kok; pien ibinunu nyero.

Yokana 16:33

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Yokana 16:6

Wun nan itienu kede cwercuny pien ango awaco ne wu kope nogi.

Yokana 20:20

Ingei waco kamano, en eko nyuto ne gi cinge kede ngete. Di do cuny josiao oko bedo yom kakame kineno kede Rwot.

Tice 5:41

Kikano di do joor oko yai ki nyim kansulo di kilelo pien kotero gin bala jo kame poore neno can pi nying Yesu.

Joroma 5:11

Likame mano kenekene, do wan olelo da i Rubanga pi Rwot wa Yesu Kirisito, ngat kame odwoko wa i nywak kede Rubanga.

2 Jokorinti 6:10

akadi di cuny wa cwer, do wan olelo nakanaka; akadi di wan obedo jocan, do wan otie mino jo atot baro; akadi di wan oneeno bala oli kede gimoro, do wan otie kede gi dedede.

Jogalatia 5:22

Do anyakini me Tipo en amara, kilel, mulem, dire, mwolo, bero, genere,

1 Jotesalonika 1:6

Wun ikounu doko jo kame lubo ekite wa kede me ka Rwot, pien igamunu kop mere kede kilel kame Tipo Kacil omio wu, bed bala inenunu can iye.

Yakobo 1:2

Imiegu kede amiegu na, ka ibeunu i atama moroni, terenu bala gi me kilel,

Yuda 1:24

But Rubanga ngat kame karuno gwoki kur ipoti ki yei ni, doko etwero mini icungo abongo raco moro di itie kede kilel i nyim kom me deyo mere,

Gianyuta 11:10

Jo kame bedo i wi lobo bino bedo kede kilel di kitedo ibagai kede di kimio giamia but jowot gi ken gi ken gi pi to me inabin are nogi, pien gin oudo kikelo can adwong ne jo kame bedo i wi lobo.

Gianyuta 18:7

Bala kame en oudo emio kede kome deyo di etie kede kuo ajabajaba, aso wuda mienu can kede iturur kame rom kede magonogo. Bala kame en ewaco kede i cunye kene be, ‘Ango abedo abaka adako! Ango likame apuserut, likame abino bilo iturur,’