Yokana 16:19 - Baibuli I Leb Kumam 2013

¹⁹ Yesu oudo ngeo be gin kimito penye, omio en eko penyo gi be, “Mam itienu penyere kenu kenu pi dwong me gikame oudo ango awaco be, ‘Odong kare acecek di likame ikounu bino nena, doko ikounu bino nena ingei kare acecek’?

Yokana 16:19 Iomraidhean Croise

Matayo 6:8

Kur ibedunu bala gin, pien Papa wu ngeo cuto gikame wun imitunu di pwodi likame ikwaenu.

Matayo 9:4

Do Yesu oko ngeno gikame gin oudo kitie paro, en eko waco ne gi be, “Pinyo komio ibedunu kede par areco i cunyu?

Marako 9:32

Do gin likame kiko niang kop mere nono, doko oudo kilworo penye.

Yokana 13:33

Idwe na, ango likame abino bedo kede wu pi kare alac. Ibinunu mona, do bala kite kame oudo awaco ne kede Iyudayan, iepone nono da, nan ango awaco ne wuda be, ‘Wun likame itwerunu bino kakame ango ayaro ot iye.’

Yokana 14:19

Odong kare acecek di jo me piny ni likame bobo ko bino nena, do wun ibinunu nena; pi kite kame ango akuo kede, wuda ibinunu bedo kuo.

Yokana 16:16

“Odong kare acecek di likame ikounu nena bobo, doko ikounu bino nena ingei kare acecek.”

Yokana 16:18

Gin kiko penyere be, “Dwong me ‘Ingei kare acecek’ en nyo? Wan likame ongeo dwong kop kame en etie waco.”

Yokana 16:23

“Kame ceng nono otuno, likame ibinunu penya gimoro. Ateteni awaco ne wu be, ka ikwaunu gimoroni kibut Papa i nyinga, en ebino mino wu.

Yokana 16:26

I ceng nono ibinunu kwano Papa i nyinga; do likame awaco ne wu be abino kwano Papa akaka wun;

Yokana 16:30

Wan nan ongeo be in do ingeo gi dedede, doko likame emitere ne ngatamoro pi penyi, man mio wan oyei be in iwok kibut Rubanga.”

Yokana 21:17

Yesu bobo oko penye tien me adek be, “Simoni wot ka Yokana, in imara?” Petero likame oko bedo kede yomcuny, pien Yesu openye tien me adek be, “In imara?” En eko dwoko ne Yesu be, “Rwot, in ingeo gi dedede; in ingeo be ango amari.” Yesu oko waco ne be, “Pit romini na.

Yokana 6:61

Do Yesu oko ngeno i cunye kene be josiao mege oudo tie ngunguro pi gikame en ewaco, omio en eko penyo gi be, “Mam kop noni owango cunyu?

Yokana 7:33

Yesu oko waco be, “Abino medo bedo kede wu pi kare moro acecek, di do ako ot but ngat kame oora.

Iburanian 4:13

Doko likame tie giacwea moro kame okanere ki nyim Rubanga, do en eneno gi dedede di tie ilererei i nyime. En nono en kame miero wan dedede onyut tice wa i nyime.

Gianyuta 2:23

Ango abino neko idwe mege, gin en jo kame lube, di ikodeta dedede me jokirisito ko bino ngeno be ango en ngat kame angeo tam me jo kede gikame tie i cuny jo, doko abino mino ngat acelacel gikame poore kede tice mege.