Yokana 16:17 - Baibuli I Leb Kumam 2013

¹⁷ Mogo kikom josiao mege oko donyo waco ken gi ken gi be, “Dwong me kop ni en nyo, kame en ewaco ne wa be, ‘Odong kare acecek di likame ikounu bino nena, di bobo ikounu bino nena ingei kare acecek’; kede bobo be, ‘Pien ango atie ot but Papa’?”

Yokana 16:17 Iomraidhean Croise

Marako 9:10

Gin kiko yei mungo kop nono di kipenyere ken gi ken gi dwong me kop me yaruno kikom jo oto.

Marako 9:32

Do gin likame kiko niang kop mere nono, doko oudo kilworo penye.

Luka 18:34

Do josiao mege likame oko niang gikame en ewaco akadi acel; pien oudo kokano dwong me kope nogi kibut gi, omio gin likame kiko niang gikame en ewaco.

Luka 9:45

Do josiao mege likame oko niang kop noni; pien oudo kokano dwong mere kibut gi tetekeny kur kingei; doko da lworo oudo omako gi penyo Yesu kop noni.

Yokana 12:16

Josiao mege bin likame oko niang dwong me gigi i agege; do i kare kame oko yaruno kede Yesu i deyo ka Rubanga, gin kiko yutuno be oudo kowandiko gi nogi be bino timere i kom en, doko da di jo oko timo ne.

Yokana 14:22

Yuda (weko Isikariot) oko waco ne be, “Rwot, in ibino nyutere but wan kenwa benyo benyo di likame iko nyutere ne jo me piny?”

Yokana 14:5

Tomasi oko waco ne be, “Rwot, ka do ber wan likame ongeo kakame in itie ot iye, otwero do ngeno yongayo mere benyo?”

Yokana 16:1

“Ango atieko waco ne wu gi nogi dedede pi mino kur ipotunu ki yei wu.

Yokana 16:16

“Odong kare acecek di likame ikounu nena bobo, doko ikounu bino nena ingei kare acecek.”

Yokana 16:18

Gin kiko penyere be, “Dwong me ‘Ingei kare acecek’ en nyo? Wan likame ongeo dwong kop kame en etie waco.”

Yokana 16:19

Yesu oudo ngeo be gin kimito penye, omio en eko penyo gi be, “Mam itienu penyere kenu kenu pi dwong me gikame oudo ango awaco be, ‘Odong kare acecek di likame ikounu bino nena, doko ikounu bino nena ingei kare acecek’?

Yokana 16:5

Ango nan atie ot but ngat kame bin oora, do di likame tie ngatamoro kikom wu kame penya be, ‘Itie ot tuai?’