Yokana 16:14 - Baibuli I Leb Kumam 2013

¹⁴ En ebino mina deyo, pien ebino kwanyo kop na di eko waco ne wu.

Yokana 16:14 Iomraidhean Croise

Sakaria 12:10

“Abino cibo i kom ikwae ka Daudi kede i kom jo ace me Yerusalem, tipo me cuny me kisa kede me ilega. Gin kibino neno ngat kame kicobo paka neko di kiko bino koke bala koko atin acel kenekene, arabo bala koko atin awobi kao.

Yokana 14:21

“Ngat kame mako cik na di eko lubo, en ngat kame mara. Ngat kame mara, Papa na da bino mare, ango da kikoma abino mare di ako bino nyutere bute.”

Yokana 15:26

“Do ka Ngakony obino, kame ango abino cwano ne wu kibut Papa, en Tipo me ateni ka Rubanga, kame wok kibut Papa, en ebino jurao ango.

Yokana 7:39

Yesu bin owaco kop noni i kom Tipo Kacil kame jo kame yei en bino udo. I kare nono oudo pwodi likame komio Tipo Kacil, pien oudo pwodi likame komio Yesu deyo.

1 Jokorinti 12:3

Pi mano, ango amito iniangunu be likame tie ngatamoro kame Tipo ka Rubanga telo di eko waco be, “Ilam mak Yesu!” Doko likame tie ngatamoro kame twero waco be “Yesu en Rwot” kwanyo di Tipo Kacil en kame otele.

2 Jokorinti 4:6

Pien Rubanga kame owaco be, “Wek lero rieny ki colo,” Rubanga nono en kame orieny i cuny wa pi mino wa lero me ngec be deyo mere neeno i Yesu Kirisito.

Jogalatia 5:5

Pien pi twer me Tipo, kame tio i yei wa, wan otienu daro kede gen bedo jo kopoore.

1 Petero 2:7

Kibutun jo kame yei, en ebedo gi me wel; do kibut jo kalikame yei, ebino timere bala kame kowandiko be, “Kidi kame jogedo odagi olokere odoko kidi kame pire tek me esonda,”

1 Yokana 3:23

Cik mere en ine be, wan poore oyeunu nying Wode Yesu Kirisito di okounu marere wan kenwa kenwa, bala kame en eciko wa kede.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

1 Yokana 5:6

Yesu Kirisito en ngat kame obino kede pii kede remo. Likame ebino kede pii kenekene, do ebino kede pii kede remo. Tipo en kame mio ijura i kom kop noni, pien Tipo en ateni.

Gianyuta 19:10

Di ango ako riebere piny i tiene pi wore, do en eko waco na be, “Kur itim kamano! Ango atie ngatic bala in karacel kede imiegu kede amiegu kame lubo ijura kame Yesu omio. Wor Rubanga.” Pien ijura kame Yesu omio en mio inabin murao.