Yokana 16:13 - Baibuli I Leb Kumam 2013

¹³ Kame Tipo kame nyuto ateni obino, en ebino telo wu i gi dedede me ateni, pien likame ebino yamo kede akarunikin mere kene, do en ebino tuco ne wu kop me anyim.

Yokana 16:13 Iomraidhean Croise

Isaya 11:2

Tipo ka Rwot bino bedo tie kede en, en tipo amio rieko kede niang, en tipo amio tam kede teko, en tipo amio ngec kede cuny me bedo kede wor but Rubanga.

Yoweri 2:28

“Di do icen mere ango ako bino mino tipo na but jo dedede; idwe wu awobe kede anyira bino murao kop na, jo wu oti bino lek, kede jo wu atino da bino neno gianyuta.

Yokana 12:49

Pien likame ango ayamo man kede wia kena, do Papa ngat kame oora en kociko na, di emia gikame poore atatamo kede gikame poore awaci.

Yokana 14:17

En ebedo Tipo me ateni, kame jo me piny ni likame twero udo, pien likame kitwero nene arabo ngene. Do wun ingeunu en, piento en etie i diere wu.

Yokana 14:26

Do Ngakony, kame obedo Tipo Kacil kame Papa bino cwano i nyinga, bino pwonyo wu i gi dedede di eko mino wu iyutununu gi dedede kame ango atieko waco ne wu.

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 15:26

“Do ka Ngakony obino, kame ango abino cwano ne wu kibut Papa, en Tipo me ateni ka Rubanga, kame wok kibut Papa, en ebino jurao ango.

Yokana 16:12

“Ango oudo pwodi atie kede kope atot kame apoore waco ne wu, do nan likame itwerunu mako gi.

Yokana 3:32

En ejurao gikame eneno kede kame ewinyo, do likame tie ngatamoro kame yei ijura kame en emio.

Yokana 8:38

Ango awaco ne wu gikame aneno kibut Papa na, do wun itimunu gikame iwinyunu kibut papa wu.”

Tice 11:28

Ngat acel kikom gi, kame oudo nyinge Agaba oko yai malo, Tipo Kacil oko tele, di eko tuco be kec adwong bino poto i piny lung; man oko timere i kare ka Kulaudio.

Tice 20:23

Kenekene gikame Tipo Kacil otieko kwenyaro ango iye i bomba acelacel en ine be, kobino rwaka i otkol kede mina neno can adwong adikinicel.

Tice 27:24

di eko waco na be, ‘Paulo, kur ibed kede lworo; in miero icung i nyim Kaisari. Doko neni, Rubanga otimi ber, eyaro mino jo dedede kame tie kedi i emeri bwot.’

2 Jotesalonika 2:12

me wek ngol kop loi jo dedede kalikame oyei kop me ateni, do di cuny gi oko bedo yom i gikarac.

2 Jotesalonika 2:3

Kur ngatamoro ngalu iepone moroni; pien Ceng nono likame bino tuno, tuno kede kame jo ojemo ne Rubanga, di Ngarac ko neeno, ngat kame kotieko iiko ne pi rwenyo atwal.

Iburanian 1:1

I kare kasek Rubanga oyamo kede joakwari wa tien atot i yote apapat kibut inabin.

1 Yokana 2:20

Do Ngat Kacil otieko wiro wu kede Tipo Kacil, omio wun dedede itienu kede ngec.

1 Yokana 2:27

Do wun Tipo kame Kirisito omio wu tie i kuo wu, omio likame bobo emitere ne ngatamoro pi pwonyo wu. Pien Tipo mere pwonyo wun i kom gi dedede, gikame tie me ateni do weko me angalo. Bala kame en etieko pwonyo wu kede, bedunu i Kirisito.

1 Yokana 4:6

Wan owokunu kibut Rubanga. Jo dedede kame ngeo Rubanga winyo kope wa, do jo dedede kalikame owok kibut Rubanga likame winyo kope wa. Manoni en epone kame wan ongeo kede Tipo me ateni kede tipo me angalo.

1 Yokana 5:6

Yesu Kirisito en ngat kame obino kede pii kede remo. Likame ebino kede pii kenekene, do ebino kede pii kede remo. Tipo en kame mio ijura i kom kop noni, pien Tipo en ateni.

Gianyuta 1:1

Man en gikame Yesu Kirisito onyuto, kame Rubanga omie pi nyuto ne jotic mege, en gikame miero timere i kare kiyapiyapi. Kirisito oko cwano malaika mere but ngatic mere Yokana pi mine ngeno gi noni.

Gianyuta 1:19

Aso wandiko gikame ineno, gikame nataman tie timere kede gikame bino timere i cen mere.