Yokana 16:11 - Baibuli I Leb Kumam 2013

¹¹ i kom kop kame mako ngolo kop, pien kotieko ngolo ne ngapug me piny ni kop.

Yokana 16:11 Iomraidhean Croise

Ageini 3:15

Abino mino ading bedo tie i diere nin kede dako, kede i diere me ikwae nin kede mege; gin kibino nyonyoto wii, ida ibino totongo atitinyo gi.”

Sabuli 68:18

En eko ot malo i wi moru abor nono, di etero jo atot kame emako ki yi; en egamo giamia kibut jo, akadi kiton kibut jo kame dagi ne Rwot Rubanga bedo kuno.

Matayo 12:18

“Man en ngatic na kame ayero, en kame cunya maro, doko cunya yom i kome. Abino mine Tipo na Kacil, di en eko bino tuco ne jo kalikame Iyudayan be ango angolo kop kede ateni.

Matayo 12:36

“Awaco ne wu be i ceng me ngolo kop ngat acelacel bino tatamo pinyo komio en oudo ebedo daco yamo kop acelacel kame bin en ewaco.

Luka 10:18

Yesu oko waco ne gi be, “Ango aneno Sitani di poto ki malo bala meny me kot.

Yokana 12:31

Nan do en esawa me ngolo kop ne piny kan. Rubanga oyaro riamo ngat kame lem pugo piny kan tenge.

Yokana 14:30

Ango likame doko nan abino duro kope, pien ngapug piny ni do tie bino. En eli kede twer moro i koma,

Yokana 16:12

“Ango oudo pwodi atie kede kope atot kame apoore waco ne wu, do nan likame itwerunu mako gi.

Tice 10:42

Doko Yesu bin oko ciko wan pi ot tuco ejiri but jo, kede mino ijura i kome be, en nono kame riki Rubanga oyere pi bedo ngangolkop me jo akuo kede jo oto.

Tice 24:25

Kakame Paulo otatamo kede kop kame mako ngolo kop me ateni, dino mit me kom, kede ngolo kop me ajikini waru, lworo oko mako Pelik di eko waco ne Paulo be, “Ber kong ot tenge, ka audo kare abino bobo lwongi.”

Tice 26:18

pi yabo wang gi, me wek kilokere tenge ki colo kiko dok i lero, kede ki twer ka Sitani kiko dok but Rubanga. Man bino mino kiudo isasir ki dub kede da kiko udo kabedo i dier jo kolonyere pien kiyei ango.’

Joroma 16:20

di do Rubanga won mulem ko bino nyonyoto Sitani di eko kete i loc wu i kare kiyapiyapi. Kisa ka Rwot wa Yesu Kirisito bed kede wu.

Joroma 2:16

Aso manoni en gikame bino timere, i ceng kame Rubanga bino ngolo kede kop i kom mung me jo di etio kibut Yesu Kirisito, di lubere kede ejiri kame ango atuco.

1 Jokorinti 4:5

Pi mano, kur ingolunu kop ne ngatamoro di pwodi likame kare otuno, di pwodi Rwot likame odwogo. En ebino woto i lero gikame nan kokano i colo, doko ebino mino iik kame tie i cuny jo ngere. Di do dano acelacel ko bino udo pwoc kibut Rubanga.

2 Jokorinti 4:4

Gin jo kalikame kiyei Kirisito, pien rubanga me piny kan otieko umo tam gi tetekeny kur kinen lero kame wok kiye ejiri me deyo ka Kirisito, ngat kame cal acala kede Rubanga.

Joepeso 2:2

gikame oudo obedo ekite me kuo wu, di ilubunu ekite me kuo me piny kan, kede di ilubunu ngapug kame lo tipere kame tie i wi yamo, en tipo kame nataman pugo jo kame dagi winyo kop ka Rubanga.

Jokolosai 2:15

En eturo twer me tipere kame pugo kede me wegi akarunikin, di eko mino gi kidoko gikame jo neno, di etelo gi i esirit bala mabus kame komako, pi en nyuto be elo.

Iburanian 2:14

Bala kame jo obedo giacwea kame tie kede remo kede ringo, Yesu da kikome oko nywako cal gi nono, tetekeny pi to mere wek eloi Sitani ngat kame tie kede twer me kelo to,

Iburanian 6:2

i kom kop kame mako batisimu, dokakino bad, iyarun me jo oto kede ngolo kop kame bedo nakanaka.

Iburanian 9:27

Doko bala kame kotieko iiko ne kede jo pi to kicel atwal, di do ngolo kop ko lubo,

2 Petero 3:7

Do kop acel nono en kame nan tie gwoko malo kede lobo kame nan tie nogi pi kuro mac. Kotie gwoko gi paka tuno i ceng me ngolo kop, en ceng kame kobino dudubo kede jo kalikame woro Rubanga.

1 Yokana 3:8

Jo dedede kame dubo obedo idwe ka Sitani; pien Sitani obedo timo dub cako ki agege. Kop komio Wot ka dano oneeno en pi dudubo tice ka Sitani.

Gianyuta 1:7

Nenunu, en etie bino kede idoun! Wang jo dedede bino nene, kiton jo kame bin ocobe; jo dedede me wi lobo bino koko pire. Ebino bedo kamanoni! Amen.