Yokana 15:4 - Baibuli I Leb Kumam 2013

⁴ Dongunu i ango, ada ako dong i wun. Bala kite kame ajange likame twero nyako kede anyakini en kene, kwanyo ka edong i kom olok, kamanono da, wuda likame itwerunu nyako anyakini wun kenu, kwanyo ka idongunu i ango.

Yokana 15:4 Iomraidhean Croise

Wer amit 8:5

Ngai ica atie wok ki wi tim, di egongere i epepet opa mere? Ango acei i dud olemo kakame toto ni oudo onywali iye, kakame ngat konywali oramere kiye.

Kosea 14:8

Jo me Isirael, bedunu li kede kop moro amakere kede caljwogi. Ango abino winyo ilega wu di ako gwoko wu. Abino bedo ne wu bala tipo me yat Saipuras kalikame pote mege ony; bero dedede kame wun itienu kede wok kibuta.”

Matayo 12:33

“Ka imito udo anyakini abeco, poore imi yat kome bed yot, do ka kom yat likame yot, en enyako anyakini areco. Pien yat ngere kede anyakini mere.

Luka 8:15

Aso, kodi kopopoto i lobo aber cungo pi jo kame ka kiwinyo kop ka Rubanga, kimako kitek i cuny gi, cuny kame tie kede ateni kede bero, doko kidio cuny gi tuno nyako nyige atot.

Yokana 14:20

Ka ceng no otuno, wun ibinunu ngeno be ango atie i Papa na, doko wuda itienu i ango, kede ango da atie i wun.

Yokana 17:23

ango i gin, kede in i ango, me wek kibed jo acel atwal atwala, tetekeny piny ngei be in en kame iora, doko in imaro gi bala kite kame imara kede.

Yokana 6:56

Ngat kame camo ringokoma kede mato remo na bedo i ango doko ada abedo i en.

Yokana 8:31

Yesu oko waco ne Iyudayan kame oyei en be, “Ka imeedenu kede lubo kop na, udo wun ibedunu jo kame luba me ateni,

Tice 11:23

Kakame bin Baranaba otuno kede kuno di eko neno epone kame Rubanga onyuto kede kisa mere but jo, cunye oko bedo yom di eko kwano cuny gi pi gin dong jo kame genere i Rwot kede tam kosipakin.

Tice 14:22

Gin oudo kimio tekcuny but jo koyei Kirisito di kikwao gi pi dong di kitek i yei. Doko di kiwaco ne gi be, “Wan miero obeunu i peko atot pi donyo i Ajakanut ka Rubanga.”

2 Jokorinti 13:5

Ngingicunu kuo wu kenu, di ikounu neno ka pwodi itienu i yei wu. Benyo, likame iromunu niang be Yesu Kirisito tie i kuo wu? Kwanyo do ka amoto ipotunu!

Jogalatia 2:20

omio likame doko ango en kame pwodi akuo, do Kirisito en kame kuo i ango. Doko kuo kame nan ango atie kede, akuo pien atie kede yei i kom Wot ka Rubanga, ngat kame omara di eko jalo kuo mere pira.

Joepeso 3:17

kede be wek Kirisito bed i cunyu pi yei wu. Aso, cungunu kitek di ikounu moko i amara.

Jopilipi 1:11

di kuo wu opong kede anyakini me kuo kopoore, kame wok kibut Yesu Kirisito, pi mino Rubanga deyo kede pi pake.

Jokolosai 1:23

Ipoorenu meede i yei, di icungunu di itekunu iye abongo yangere, abongo yai tenge ki gen kame wok ki ejiri kame wun itiekunu winyo, kame kotieko tuco ne giacwea dedede kame tie i piny. Ango Paulo atieko doko ngatic me ejiri noni.

Jokolosai 1:27

Rubanga oyei pi mino gi ngeno epone kame abar me deyo me mung noni pire dwong kede i dier jo kalikame Iyudayan. Manoni obedo Kirisito kame tie i wun, en gen me udo deyo.

Jokolosai 2:6

Pi mano, bala kite kame igamunu kede Rwot Kirisito Yesu, aso bedunu i en.

1 Jotesalonika 3:5

Pi mano, kakame aneno kede be likame doko oudo aromo kanyakino, ako cwano dano butu tetekeny aud niang i kom yei wu, pien oudo atie kede lworo be cengemogo Sitani otamo wu di eko mino tic wa obedo me nono.

Iburanian 10:39

Wan likame obedunu jo kame dok cen di kiko rwenyo atwal, do wan obedunu jo kame kotieko lako pi yei.

1 Yokana 2:6

ngat kame waco be, “Ango atie i en,” poore ebed iepone kame en oudo ebedo kede.

2 Yokana 1:9

Ngatamoro kalikame dong i pwony ka Kirisito, do en etarasar kede mere kalamo, udo likame etie kede Rubanga i cunye. Do ngat kame dong i pwony nono udo Papa kede Wod tie i cunye.