Yokana 15:21 - Baibuli I Leb Kumam 2013

²¹ Do kibino timo ne wu gi nogi dedede pi ango, pien likame gin kingeo ngat kame oora.

Yokana 15:21 Iomraidhean Croise

Sabuli 69:7

Ango abedo kanyo ayet piri, lewic otieko pong i wia.

Isaya 66:5

Winyunu kop kame Rwot tie waco, wun jo kame ilworenu doko itimunu gikame en ewaco. En ewaco be, “Jo wu mogo cuny gi kec i komu, doko kidagi wu pira. Gin kinyero wu di kiwaco be, ‘Ber Rwot nyut twer mere adwong, tetekeny wan onen ilel wu.’ Do gin kikom gi en kame lewic bino mako gi!

Matayo 10:18

Doko kibino mako wu kiko tero wu i nyim wegi apugan kede abakai pira, pi mino ijura i koma i nyim gi kede i nyim jo kalikame Iyudayan.

Matayo 10:22

Jo dedede bino dagi wu pira, do ngat kame bino kanyakino tuno i ajikini bino udo alako.

Matayo 10:39

Ngat kame gwoko kuo mere bino kei en, kede ngat kame rwenyo kuo mere pira ebino udo.

Matayo 24:9

“Gin kiko bino mino wu i cing jo kame bino tidilo wu, kiko bino neko wu da. Piny lung bino dagi wu pira.

Matayo 5:11

“Itienu kede winyo ka jo cao wu di kitidilo wu, kede di kiwaco epone me kope areco dedede me abe i komu pira.

Marako 13:13

Jo dedede bino dagi wu pira. Do ngat kame bino kanyakino tuno i ajikini bino udo alako.

Luka 21:12

Do di pwodi likame gigi dedede otimere, kibino mako wu di kiko tidilo wu, di kiko tero wu i nyim kansulo me sinagogan kede i otkol. Kobino tero wu i nyim abakai kede i nyim wegi apugan pira.

Luka 21:17

Jo dedede bino dagi wu pira.

Luka 6:22

“Itienu kede winyo ka jo dagi wu, di kipoko wu tenge kikom gi, di kiyeyeto wu, di kidubo nying wu pi Wot ka dano.

Yokana 15:24

Koto oudo likame ango atimo i diere gi tice kalikame tie ngatamoro kotimo, koto oudo ki li kede dub; do nan kitieko neno gikame ango atimo, doko kiko daga karacel kede Papa na.

Yokana 16:3

Kibino timo man pien likame kingeo Papa arabo ango.

Yokana 17:25

Okwe Papa kopoore, piny likame ongei, do ango angei, doko jogi ngeo be in en kame iora.

Yokana 8:19

Pi mano, gin kiko waco ne Yesu be, “Ani bo Papa ni?” Yesu oko dwoko ne gi be, “Wun likame ingeanu, akadi ngeno kiton Papa na da. Koto di oudo ingeanu, oudo koto ingeunu kiton Papa na da.”

Yokana 8:54

Yesu oko dwoko be, “Ka ango amio deyo i koma kena, deyo na udo kony mere li. Ngat kame miango deyo en Papa na, en nono kame wun iwacunu be Rubanga wu.

Yokana 8:55

Wun likame ingeunu en, do ango angee. Ka koto oudo awaco be likame angee, koto abedo ngat kame ngalo bala wun. Do ango angee doko alubo kop mere da.

Tice 17:23

Pien kakame ango abedo bebeo kede di angingico jame kame wun iworunu, ako da udo alutari moro kame tie kede iwandik kame waco be, ‘But rubanga kalikame ngere.’ Pi mano, gikame wun iworunu kalikame kongeo nono en ine kame ango atie tuco ne wu kop i kome.

Tice 26:9

“Ango da kikoma oudo ayei kiber be miero atim gi dedede pi yi pi gengo nying Yesu me Nasaret.

Tice 3:17

“Do pi mano, jowota, ango angeo be wun itimunu mano pi kwina piny, bala kite kame jotel wu da otimo kede.

Tice 4:17

Do pi mino kop ni kur med sarakin, wan poore omiunu gi dwan atek kame gengo gi bobo yamo nying Yesu but ngatamoro.”

Tice 5:41

Kikano di do joor oko yai ki nyim kansulo di kilelo pien kotero gin bala jo kame poore neno can pi nying Yesu.

Tice 9:14

Doko ki kane da, en etieko udo twer kibut jodongo me josaseredoti pi tweno jo dedede kame lwongo nyingi.”

Tice 9:16

Ango ayaro nyuto ne epone kame miero enen kede can pi nyinga.”

Joroma 1:28

Do bala kite kalikame kineno kede be epoore pi keto Rubanga i tam gi, omio Rubanga oko jalo gi i tam otop kede i tim gi kalikame opoore.

1 Jokorinti 15:34

Miunu wi wu cei di ikounu jiko dubo, pien jo mogo kikom wu likame tie kede ngec i kom Rubanga. Lewic poore mako wu kame awaco kamanoni.

1 Jokorinti 2:8

Likame tie ngapug moro me piny kan kame oko niang iye: pien ka koto oudo kiniang, koto likame kiguro Rwot me deyo.

2 Jotesalonika 1:8

En ebino bino di etie i dier mac kame liel, di eko bino culo kwor i kom jo kalikame ngeo Rubanga kede jo kame dagi lubo ejiri ka Rwot wa Yesu.

1 Yokana 3:1

Nenunu ber epone kame Papa maro wa kede, manoni en komio kolwongo wa be idwe ka Rubanga; doko da ateteni wan idwe mege. Piny likame ngeo wa pien ekwie.

3 Yokana 1:7

Pien gin oudo kicako yai ot sapali gi pi tic ka Kirisito, di likame kiyei gamo kony moro kibut jo kalikame oyei.

Gianyuta 2:3

Ango bobo angeo da be wun itienu dino cunyu, itienu kanyo can pi nyinga, doko likame pwodi iolunu.