Yokana 15:2 - Baibuli I Leb Kumam 2013

² Ajange dedede kame tie i koma di likame kinyako anyakini, en elwero gi tenge; ajange dedede kame tie di kinyako anyakini, en etemuno gi, tetekeny kinyak nyige atot kalamo.

Yokana 15:2 Iomraidhean Croise

Yobu 17:9

Do ngat kopoore meede ameda kede ekite mere, doko da ngat araco moro li i cinge medo doko tek ameda i cunye.

Sabuli 92:14

kame pwodi nyak akadi i kare me tio gi; gin kilibaliba di pige tot i kom gi.

Agole 4:18

Do yongayo kame jo kopoore lubo cal bala lero kame bino owal owal, kame meede ameda tuno ceng wok.

Isaya 27:9

Do dub me Isirael kobino sasiro kenekene kame konyonyoto kide me alutarin me woro caljwogi paka doko purupuru, di alutarin me dunyo odok angwe kur kede ipirin kame kosipo pir rubanga adako anyinge Asera likame doko odong cungo.

Isaya 29:19

Jo amwol bino udo kilel anyen i Rwot, kede jocan da bino lelo pi Ngat Kacil me Isirael.

Danieri 11:35

Kobino neko jo ariek nogo mogo, di jo ko bino udo lonyere pi manono. Manono bino meede paka tuno i kare me ajikini, en kare kame Rubanga otieko moko.

Kosea 6:3

Mito oketunu teko ngeno Rwot. En ateteni ebino bino but wa bala ru me piny kame miero timere; bino mere bino dwoko cuny wa bala kot me agege kame bino di eko bido piny.”

Malaki 3:3

En ebino bedo di eko ngolo kop bala ngat kame jililo siliba. Bala kame ngatet jililo kede siliba kede saabu, kamanono da ngaor ka Rwot bino jililo josaseredoti, tetekeny gin kiko bino tero but Rwot giayala kame poore.

Matayo 13:12

Pien ngat kame tie kede gimoro kobino medo ne ace, tetekeny en eko bedo kede atot; do ngat kame li kede gimoro, akadi atitidi kame etie kede da kobino kwanyo kibute.

Matayo 13:33

Yesu bobo oko tatamo ne gi agole ace be, “Ajakanut me malo cal bala arup kame dako kwanyo di eko nyalo kede alos aromo gipim adek, tuno kede di en eko mino moko alos lung buuno.”

Matayo 15:13

Yesu oko dwoko be, “Giapita moroni kame Papa na me malo en kalikame opito kobino puto.

Matayo 21:19

En eko neno yat epigi ilak yongayo. En eko ot i dude, do likame eko udo anyakini moro iye kwanyo pote erume. Di do en eko waco ne yat nono be, “Likame ibino nyak bobo.” Esawa nono di yat nono oko tuo.

Matayo 25:29

Pien ngat acelacel kame tie kede gimoro, kobino mine ace bobo, di en eko bino bedo kede atot kalamo; do ngat kame li kede gimoro, akadi atitidi kame etie kede da kobino kwanyo tenge kibute.

Matayo 3:10

Akadi ber nan da, kotieko keto le cuto i dud yen; yat acelacel kalikame nyako anyakini abeco kobino tonge piny di oko uce i mac.

Matayo 3:12

En etie kede oderu mere i cinge cuto, doko ebino weno diakal mere me canyo, di en eko coko engano mere eonyo i dero, do cucung ebino wango i mac kalikame to.”

Matayo 7:19

Yat acelacel kalikame nyako anyakini abeco kotonge piny di oko uce i mac.

Marako 4:20

Do kodi kame kocuo i lobo aber cungo pi jo kame winyo kop ka Rubanga di kiko gamo, di kop nono ko keto wite kame tie kede nyige ot adek, mogo ot kanyape kede mogo tol acel.”

Luka 8:13

Kodi kopopoto i lobo kame obedo lela lela cungo pi jo kame ka kiwinyo kop ka Rubanga, kigamo kede kilel; do kop nono likame ko keto aliasin i kuo gi, mio gi kiyei pi kare acecek, do kame atama moro obino, kiko poto ki yei gi.

Yokana 15:1

“Ango en olok me ateni, doko Papa na en kame ngapur.

Yokana 15:16

Wun likame iyeranu, do ango ayero wu ako cwano wu be poore iotunu di ikounu nyako anyakini, doko da be, anyakini wu poore bedo nakanaka, tetekeny Papa mi wu gimoroni kame ikwaenu i nyinga.

Yokana 15:3

Kope kame ango awaco ne wu otieko lonyo wu.

Yokana 15:6

Ka dano moro likame odong i ango, kouce bala ajange di eko tuo; di oko coko ajange nogo oko uco gi i mac kiko wang.

Yokana 15:8

Papa udo deyo ka wun inyakunu anyakini atot di ikounu doko josiao na.

Yokana 17:12

I kare kame oudo atie karacel kede gin, ango bin agwoko gin kede twer me nyingi, en nying kame imia. Ango atieko gwoko gi, doko likame tie ngatamoro kame orwenyo kikom gi, kenekene dano kame oudo poore rwenyo, me wek iwandik kacil cobere kakare.

Joroma 11:17

Do ka koturo ajange mogo me yat, di in alibo me olibeti me obar oko ropi kargi pi nywako abar me aliasin mege,

Joroma 11:22

Nan do nenunu ber mwolo kede gero ka Rubanga. En eger kede jo kame opoto, do emwol kede wun ka idongunu di icungunu i mwolo mere; do ka li, wuda kobino tongo wu tenge.

Joroma 8:28

Wan ongeunu be, i gi dedede, Rubanga tio pi kelo bero ne jo kame mare, jo kame en elwongo di lubere kede iik mere.

1 Jokorinti 13:1

Akadi ka ango ayamo leb jo kede me imalaikan, do di ali kede amara, udo acal bala olang kame kok arabo tum kame kotie gono.

Tito 2:14

En nono kame ejalere pirwa, pi lako wa ki tim areco dedede, kede pi lonyo jo kame poore bedo mege, jo kame keto cuny gi timo tice kabeco.

Iburanian 12:15

Poore inenunu be likame tie ngatamoro kame okei udo kisa ka Rubanga, doko kur ngatamoro bed bala yat kame alias mere kec, kame ka edongo ekelo peko di eko munao jo atot.

1 Yokana 2:19

Jo nogo oyai tenge kibut wan, oudo likame gin kibedo jo wa; pien ka koto oudo gin kibedo jo wa, koto oudo kidong but wa. Do yai gi onyuto kakaler be likame tie ngatamoro kikom gi kame obedo dano wa.

Gianyuta 3:19

Ango abunano jo kame amaro, doko abitaro gi; pi mano, miero iketunu cunyu di ikounu swilaro.