Yokana 15:19 - Baibuli I Leb Kumam 2013

¹⁹ Ka koto di oudo wun ibedunu jo me piny, koto piny omaro wu bala jo mege, do pien wun likame ibedunu jo me piny, do ango ayero wu ki piny, manono en komio piny ni dagi wu.

Yokana 15:19 Iomraidhean Croise

Matayo 10:22

Jo dedede bino dagi wu pira, do ngat kame bino kanyakino tuno i ajikini bino udo alako.

Matayo 24:9

“Gin kiko bino mino wu i cing jo kame bino tidilo wu, kiko bino neko wu da. Piny lung bino dagi wu pira.

Luka 6:32

“Ka wun imarunu jo kame maro wu kenekene, mano konyo wu kede nyo? Pien kiton jodubo da maro jo kame maro gi.

Yokana 13:18

“Ango likame atie waco wun dedede; ango angeo jo na kame ayero. Do iwandik kacil miero cobere kakare be, ‘Ngat kame onywako keda cam en kame bobo oloko ebela i wia.’

Yokana 15:16

Wun likame iyeranu, do ango ayero wu ako cwano wu be poore iotunu di ikounu nyako anyakini, doko da be, anyakini wu poore bedo nakanaka, tetekeny Papa mi wu gimoroni kame ikwaenu i nyinga.

Yokana 6:70

Yesu oko dwoko ne gi be, “Mam ango en kame ayero wu, wun jo tomon kiwie are? Do di ngat acel kikom wu obedo Sitani.”

Yakobo 4:4

Wun jo kalikame genere! Benyo, likame ingeunu be bedo awotin kede piny en bedo ading kede Rubanga? Pi mano, ngat kame mito bedo awotin kede piny udo edoko ngading ka Rubanga.

1 Petero 4:3

Wun itiekunu tero kare kame romo i timo gikame jo kalikame Iyudayan cuny gi mito timo. Oudo itimunu tim me caro, cobo mit me kom, amera, bedo i ebaga me yomcuny arac, bedo i akiba me amata, kede woro cal jwogi.

1 Yokana 3:12

Miero wan kur obedunu bala Kain ngat kame bin obedo atin me Ngarac, di en eko neko omin mere. Pinyo komio bin en eneko omin mere? Pien tice mege oudo reco do tice ka omin mere oudo opoore.

Gianyuta 12:17

Di cuny twol kiyiliyili nono oko wang i kom dako nono di eko ot yi kede ikwae mege, gin jo kame lubo cik ka Rubanga kede kame mio ijura i kom Yesu.

Gianyuta 12:9

Di oko uco twon twol kiyiliyili nono piny, twol me anakacia nono, kame kolwongo be Sitani, ngat kame ngalo jo dedede me piny. Bin oko uce piny i lobo, en karacel kede imalaikan mege.