Yokana 15:16 - Baibuli I Leb Kumam 2013

¹⁶ Wun likame iyeranu, do ango ayero wu ako cwano wu be poore iotunu di ikounu nyako anyakini, doko da be, anyakini wu poore bedo nakanaka, tetekeny Papa mi wu gimoroni kame ikwaenu i nyinga.

Yokana 15:16 Iomraidhean Croise

Ageini 18:18

Aso di en Aburaam ebino doko kwaru me ateker adwong di tek, doko kobino mino atekerin dedede me wi lobo winyo pi en.

Sabuli 145:4

Lwak me kare acelacel bino pako tice kame in itimo but lwak kame lubo, doko kibino tatamo tice nin me aura.

Sabuli 71:18

Pi mano, akadi ati di do lwar omaka, Okwe Rubanga, kur ijala, tuno kede ka atieko tatamo twer nin but lwak dedede me kare me anyim.

Agole 11:30

Jo kame ekite gi opoore tie bala yat amio kuo but jo apat, do bedo me gero gero kwanyo kuo me jo.

Isaya 27:6

I kare kame tie bino, ikwae ka Yakobo bino bedo bala yat kame cibo aliasin mege, di kiko bino lot di kiko tuuro; anyakini gi bino pongo wi lobo lung.

Mika 5:7

Di do donge me jo Isirael kame osasarun i diere me atekerin apat, ko bino bedo cal bala toyo kame Rwot ocwao pi bido lobo, arabo bala kot kame cwei i kom lum, kalikame dano twero timo iye gimoro kwanyo kenekene Rubanga.

Matayo 21:22

Doko ka ilegunu di itienu kede yei, ibinunu udo gi dedede kame ikwaunu.”

Matayo 7:7

“Kwaunu, kobino mino wu; mounu, ibinunu udo; kukungunu ekeko, kobino yabo ne wu.

Luka 6:13

Odiko di piny oru, en eko lwongo josiao mege bute, di eko yero jo tomon kiwie are kikom gi, kame en eko lwongo be joor mege:

Yokana 13:18

“Ango likame atie waco wun dedede; ango angeo jo na kame ayero. Do iwandik kacil miero cobere kakare be, ‘Ngat kame onywako keda cam en kame bobo oloko ebela i wia.’

Yokana 15:19

Ka koto di oudo wun ibedunu jo me piny, koto piny omaro wu bala jo mege, do pien wun likame ibedunu jo me piny, do ango ayero wu ki piny, manono en komio piny ni dagi wu.

Yokana 15:5

“Ango en olok; wun en ajange mege. Ngat kame dong i ango di ada ako dong i en, ngat nono en kame bino nyako anyakini atot. Pien likame itwerunu timo gimoro abongo ango.

Yokana 6:70

Yesu oko dwoko ne gi be, “Mam ango en kame ayero wu, wun jo tomon kiwie are? Do di ngat acel kikom wu obedo Sitani.”

Tice 1:24

Joor oko lego di kiwaco be, “Rwot, in en kame ingeo cuny jo dedede; nyut ne wa kikom jo are gi ngat kame in iyero

Tice 1:8

Do kame Tipo Kacil obino i komu, ibinunu udo twer di ikounu bino bedo ijurak na i Yerusalem kede i Yudea dedede, kede i Samaria da, tuno kede i ajikini me lobo.”

Tice 10:41

likame but jo dedede, do but wan jo kame Rubanga oudo otieko yero pi bedo ijurak, wan jo kame bin ocamo di okounu mato kede en ingei en yaruno kikom jo oto.

Tice 22:14

Anania oko waco na be, ‘Rubanga ka joakwari wa otieko yeri pi ngeno gikame en emito, pi neno Dano Kopoore kede pi winyo kop kame wok ki doge.

Tice 9:15

Do Rwot oko waco ne be, “In oti, piento en etie ngatic nango kame ango ayero pi mino nyinga ngere but jo kalikame Iyudayan, kede abakai, karacel kede idwe me Isirael.

Joroma 1:13

Imiegu kede amiegu na, amito ingeunu be, tien atot cunya obedo mito bino butu tetekeny alok cuny jo i diere wu bala kame atimo kede i dier jo icegun kalikame Iyudayan (do tuno nan tie gikame genga).

Joroma 1:5

Ango atieko udo kisa kede or ka Rubanga di beo kibute, pi mino atekerin dedede bedo kede wor pi yei nyinge.

Joroma 15:4

Pien gi dedede kame oudo kowandiko i kare okato, oudo kowandiko pi pwonyo wa, tetekeny obedunu kede gen pi ikanyakin kede nwangcuny kame iwandik kacil mio wa.

Joroma 9:21

Mam ngacwei agune tie kede akarunikin i kom elupe, pi cweno tabo acel kame cil kede doko cweno acel ararac kede atukit acel me elupe kame onyongo nono?

1 Jokorinti 10:11

Aso, gigi otimere ne gi pi kwenyaro wa, do oko wandiko gi pi pwonyo wa, wan jo kame otienu i kare me ajikini.

Jogalatia 1:15

Do Rubanga ngat kame bin opoka di pwodi likame konywala, di en eko lwonga pi kisa mere,

Joepeso 2:10

Kite kame nataman wan otienu iye noni obedo tic me cing Rubanga. En ecweo wa kamanoni i Kirisito Yesu pi timo tice kabeco kame en oudo egeo iiko sek pi wan timo.

Jokolosai 1:23

Ipoorenu meede i yei, di icungunu di itekunu iye abongo yangere, abongo yai tenge ki gen kame wok ki ejiri kame wun itiekunu winyo, kame kotieko tuco ne giacwea dedede kame tie i piny. Ango Paulo atieko doko ngatic me ejiri noni.

Jokolosai 1:6

kame otieko tuno butu. Ateteni kop noni tie nyako anyakini di enyai i piny lung; etie timere kamanono da i diere wu cako i ceng kame iwinyenu kede di ikounu niang i kom kisa ka Rubanga i ateni.

1 Temeseo 2:7

Kop noni en komio oudo koyera pi bedo ngatuc ejiri kede ngaor, ngapwony me jo kalikame Iyudayan i yei kede i ateni (ango atie yamo kop me ateni, likame atie ngalo).

2 Temeseo 1:11

Rubanga oyera pi bedo ngat kame tuco kop mere, ngaor kede ngapwony me ejiri noni;

2 Temeseo 2:2

Doko gikame iwinyo kibuta i nyim ijurak atot, mi but jo kame genere, kame bino gida karuno pwonyo jo icegun.

Tito 1:5

Ango oudo aweki i cula me Kurete tetekeny itemuno gikame pwodi mito aika, di iko yero joadongo i bomba acelacel bala kame oudo atieko waco ni.

Iburanian 11:4

Yei en kame bin omio Abel omio Rubanga giayala kame ber kalamo me ka Kain. Manono oko mino kopwoye be epoore, pien Rubanga kikome opwoyo giamia mere. Bed bala en eto, do nan pwodi en eyamo pi yei.

Yakobo 3:18

Kame jo kame kelo mulem ocuo kodi me mulem, gin kibino udo anyakini me kite kopoore.

1 Petero 3:15

Do worunu Kirisito i cunyu bala Rwot. Bedunu di itiekunu iikere i kare dedede pi dwoko kop ne ngatamoroni kame penyo wu pi tatamo i yore i yore gen kame itienu kede;

1 Petero 3:2

pien gin kibino neno iponeso wu acil kede kuo wu me wor.

1 Yokana 4:10

Amara en ine: likame be wan omarunu Rubanga, do be en emaro wa di eko cwano Wode pi bedo giayala kame kwanyo dub wa.

1 Yokana 4:19

Wan otienu kede amara pien Rubanga en kogeo maro wa.