Yokana 15:15 - Baibuli I Leb Kumam 2013

¹⁵ Likame abino bobo lwongo wu be ipasoi, pien epasoit likame ngeo gikame ngadwong mere tie timo; do ango atie lwongo wu be jowota, pien amio wu ingeunu gi dedede kame ango awinyo kibut Papa na.

Yokana 15:15 Iomraidhean Croise

Sabuli 25:14

Rwot mako adiereson kede jo kame tie kede wor bute, di eko mino gi kingeo isikan mere.

Agole 18:24

Tie awotino mogo kalikame tie me ateni, do adieruni me ateni moko i komi kalamo omini.

Amosi 3:7

Ateteni Rwot likame timo gimoro di likame en enyuto ne inabin jotic mege mung mere nono.

Matayo 13:11

En eko dwoko be, “Pien kotieko mino wun ngeno mung me Ajakanut me malo, do Rubanga likame omio jo apat ngec nono.

Luka 10:23

Yesu oko lokere but josiao mege, di eko waco ne gi i mung be, “Etie kede winyo ngat kame wange neno gikame wun inenunu.

Yokana 12:26

Ka ngatamoro mito tic pira, poore en eluba, tetekeny kakame ango abedo iye, en kakame ngatic na da bino bedo iye. Di do Papa na ko bino nyuto wor i kom ngat nono.

Yokana 13:16

Ateteni, ateteni awaco ne wu be, likame tie ngatic moro kame pire dwong kalamo ngadwong mere, arabo ngaor kame pire dwong kalamo ngat oore.

Yokana 15:20

Yutununu kop kame oudo awaco ne wu be, ‘Epasoit likame pire dwong kalamo ngadwong mere.’ Ka kitidilo ango, kibino tidilo wuda; ka kiwinyo kop na, kibino winyo kop wuda.

Yokana 16:12

“Ango oudo pwodi atie kede kope atot kame apoore waco ne wu, do nan likame itwerunu mako gi.

Yokana 17:26

Ango atieko mino gi kingeo nyingi, doko abino mino nyingi medo ngere, tetekeny amara kame in imara kede bed i gin, kede ada i gin.”

Yokana 20:17

Yesu oko waco ne be, “Kur imaka, pien pwodi likame aoto malo but Papa; do ot but imiegu na iko waco ne gi be ango atie ot malo but Papa na, en Papa wu da; but Rubanga na, en Rubanga wu da.”

Yokana 4:19

Dako nono oko waco ne be, “Adwong, atieko neno be in enabi.

Yokana 8:26

Atie kede kope atot me ayama i komu, kede gi atot kame apoore waco ne wu raco iye; do ngat kame oora tie kede ateni, doko ango atie waco ne jo me piny gikame ango awinyo kibute.”

Tice 20:27

pien ango likame bin alworo tuco ne wu gi dedede kame Rubanga oudo oiko pi timo.

Joroma 7:15

Ango likame aniang tim na; pien nakanaka likame atimo gikame amito, do alunyo timo gikame adagi.

1 Jokorinti 2:16

Bala kame iwandik kacil waco be, “Ngai kame ngeo tam ka Rwot? Ngai kame twero mine tam?” Do wan otie kede tam ka Kirisito.

Jogalatia 4:6

Doko pi wun ibedunu idwe mege, Rubanga otieko cwano Tipo ka Wode i cuny wa, Tipo kame kok but Rubanga be, “Aba! Papa!”

Joepeso 1:9

Rubanga otieko mino wa ongeo mung me mit mere, di lubere kede iik mere aber kame yomo cunye, kame en oudo egeo moko sek i Kirisito.

Joepeso 3:5

I kare asek, oudo likame komio jo ongeo gikame omungere noni, do nan Tipo otieko mino joor kede inabin kacil ongee.

Jokolosai 1:26

Manoni en mung kame oudo kokano pi kare alac, kede kibut lwak me kare atot, do nan etieko mino engere ne jo mege.

Epirimoni 1:16

do likame bobo bala epasoit, do di do pire dwong kalamo epasoit, bala omin wa kame omaro i Kirisito, kame pire tek singo twatwal buta, do akalamo mere buti, i kom karacel kede i Rwot.

Yakobo 1:1

Baluwa kowok kibut Yakobo ngatic ka Rubanga kede me ka Yesu Kirisito. But atekerin tomon kiwie are kame osarakin obukui. Amoto wu.

Yakobo 2:23

Man oko mino iwandik kacil ocobere, kame waco be, “Aburaam oyei Rubanga di oko tero be epoore.” Manoni oko mino kolwonge be adieru me Rubanga.

1 Petero 1:11

Gin oudo kitamo mito ngeno ngat nono, amoto kare kame Tipo ka Kirisito kame oudo gin kitie kede tie nyuto, kakame etuco kede can kame Kirisito oudo bino kanyo, kede deyo kame bino lubo.

2 Petero 1:1

Baluwa kowok kibut Simoni Petero, ngat kame obedo ngatic kede ngaor ka Yesu Kirisito. But jo kotieko udo yei arom aroma kede merwa pi poore ka Rubanga wa en Ngalak wa Yesu Kirisito.

Yuda 1:1

Baluwa kowok kibut Yuda ngatic ka Yesu Kirisito, kame obedo omin me Yakobo. But jo kame kolwongo, jo kame tie i amara ka Rubanga Papa, jo kame kotie gwoko di kodaro kede Yesu Kirisito.

Gianyuta 1:1

Man en gikame Yesu Kirisito onyuto, kame Rubanga omie pi nyuto ne jotic mege, en gikame miero timere i kare kiyapiyapi. Kirisito oko cwano malaika mere but ngatic mere Yokana pi mine ngeno gi noni.