Yokana 15:11 - Baibuli I Leb Kumam 2013

¹¹ “Ango awaco ne wu gi nogi tetekeny kilel na bed i wun, kede tetekeny ibedunu kede kilel kame romo.

Yokana 15:11 Iomraidhean Croise

Isaya 53:11

En ebino neno bero kame wok ki lito kame en ebeo iye; ebino ngeno be can kame en eneno likame obedo me nono, di cunye ko bino kwei. Ngatic na kopoore bino mino jo atot doko jo kopoore, en ebino yeno dub gi.

Isaya 62:4

Likame bobo kobino lwongi be “Bomba kame Koweko,” doko lobo ni da likame bobo kobino lwongo be “Dako kame Koweko,” do kobino lwonge be “Cuny Rubanga Yom i kome.” Lobo ni kobino lwongo be, “Konyome,” pien cuny Rwot yom i komi, doko en ebino bedo cal bala cwar lobo ni.

Yeremia 32:41

Cunya bino bedo yom pi timo ne gin bero, doko ateteni abino keto gin i lobo noni kibedo iye atwal, abino timo kamanono kede cunya dedede.

Yeremia 33:9

Di bomba noni ko bino bedo gikame kelo nango kilel, pak kede dwongo i nyim atekerin me wi lobo ka gin kiwinyo kop i kom jamini abeco dedede kame ango atimo ne jo mege; gin kibino winyo di lworo ko mako gi pi jamini dedede abeco kede mulem kame ango amie.”

Sepania 3:17

Rwot Rubanga wu tie kede wu; ibinunu bwono jokwor wu pi teko mere. Cunye bino bedo yom kede wu, en ebino mino wu kuo anyen pi amara mere; ebino wer di elelo piru

Luka 15:23

Di ikounu kelo etobait kame mio ingolunu, me wek ocamunu kede kilel;

Luka 15:32

Oudo epoore ne wan tedo ebaga kede kilel, pien omini ni oudo oto, do nan ekuo; oudo erwenyo, do nan eudere.’ ”

Luka 15:5

Kame eude, en erionge i ngute kede kilel.

Luka 15:9

Aso, kame etieko ude, elwongo jowote kede jokio mege dedede karacel, di en eko waco ne gi be, ‘Lelunu karacel keda, pien audo ogap na kame oudo orwenyo ca.’

Yokana 16:24

Tuno nan pwodi likame ikwaunu gimoro i nyinga; kwaunu, ibinunu udo, me wek ibedunu kede kilel kame romo.

Yokana 16:33

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Yokana 17:13

Do nan ango atie bino buti, ango awaco kope nogi di pwodi atie i piny, tetekeny gin kibed kede kilel na di opong i cuny gi.

Yokana 3:29

Icuo eteran en kame won ateran; do adieru me eteran, kame cungo i ngete di ewinyo yamo mere lelo twatwal pi winyo dwan eteran. Pi mano, ango nan atie kede yomcuny adwong.

Joroma 15:13

Wek Rubanga ngat kame mio gen, pong kuo wu kede yomcuny kede mulem pi yei wu i kome, tetekeny ibedunu kede gen adwong pi twer me Tipo Kacil.

2 Jokorinti 1:24

Likame pien wan otie dino wu i gikame poore iyeunu; do wan otio karacel kede wu pi yomo cunyu, pien wun icungunu itek i yei wu.

Joepeso 5:18

Kur idonyunu mer kede bwini, pien mano bino dubo kuo wu; do akaka manono, miunu Tipo pong i cunyu,

Jopilipi 1:25

Bala kame angeo kede kiber, ango angeo be abino dong kuo di ako meede kede wu dedede, pi wun meede anyim kede pi kilel i yei.

1 Jotesalonika 5:16

Lelunu nakanaka.

1 Petero 1:8

Wun imarenu akadi bed bala likame itiekunu nene, doko iyeunu en akadi bed bala nan likame inenenu. Pi mano, itienu kede kilel kalikame wacere, kilel me deyo.

1 Yokana 1:4

Wan otie wandiko gi nogi tetekeny obedunu kede kilel kopong.

2 Yokana 1:12

Bed bala ango atie kede kope atot kame apoore wandiko ne wu, do aparo be miero kur doko awandiko gi awandik, do ango atie kede gen me bino neno wu wang i wang di ako yamo kede wu, tetekeny opongunu kede kilel.