Yokana 14:9 - Baibuli I Leb Kumam 2013

⁹ Yesu oko dwoko ne be, “Pilipo, ango abedo kede wu kan pi kare go dedede, benyo, ida likame ingea? Ngat konenango udo eneno Papa; pinyo doko komio iwacunu be anyut ne wu Papa?

Yokana 14:9 Iomraidhean Croise

Ageini 26:9

Abimelek oko lwongo Isaka di eko waco ne be, “Mere dako ni ino! Pinyo komio oudo iwaco be en ebedo amini?” Isaka oko waco ne be, “Pien ango oudo aparo be kobino neka pire ka awaco be en dako na.”

Sabuli 11:1

Ango aringo gwokere but Rwot. Benyo benyo kame in iwaco nango kede be, “Por bala winyo iko ot i mori,

Yeremia 2:23

Epone mene kame in itwero waco kede be in likame imunaun, be likame in itieko woro Baal? Nen kong dub kame in itimo i aditot; nen gikame itimo. In ical bala atin aguragura kame taco di eringo i bad dedede;

Marako 9:19

Yesu oko waco ne gi be, “Wun lwak kame li kede yei, miero abed kede wu pi kare arom amene? Abino kanyakino kede wu tuno awene? Kelenu buta kan.”

Luka 12:56

Wun joecuke! Ingeunu gonyo dwong me gikame tie timere ka inenunu cal me malo kede me piny, do pinyo ber komio likame itwerunu neno kare noni di ikounu ngeno gonyo dwong me gikame tie timere?”

Yokana 1:14

Kop oko doko dano di eko bedo i diere wa di epong kede kisa ka Rubanga kede ateni. Wan oneno deyo mere, deyo ka Wod acel kenekene kame owok kibut Papa.

Yokana 10:30

Ango kede Papa otie acel.”

Yokana 12:45

Doko ngat kame nenango, udo eneno ngat kame oora.

Yokana 14:20

Ka ceng no otuno, wun ibinunu ngeno be ango atie i Papa na, doko wuda itienu i ango, kede ango da atie i wun.

Yokana 14:7

Koto di ingeanu, oudo koto ingeunu kiton Papa da; cako nan itiekunu do ngene, doko itiekunu nene da.”

Yokana 8:19

Pi mano, gin kiko waco ne Yesu be, “Ani bo Papa ni?” Yesu oko dwoko ne gi be, “Wun likame ingeanu, akadi ngeno kiton Papa na da. Koto di oudo ingeanu, oudo koto ingeunu kiton Papa na da.”

1 Jokorinti 15:12

Aso, ka kotatamo be koyaruno Kirisito kikom jo oto, benyo benyo kame doko mogo kikom wu waco kede be iyarun me jo oto bino bedo li?

Jopilipi 2:6

Pien akadi di bin en etie Rubanga, do likame eko paro pi porere kede Rubanga.

Jokolosai 1:15

Kirisito en cal ka Rubanga ngat kalikame neeno, en kao me cwec dedede.

Iburanian 1:3

En kame enyuto deyo ka Rubanga, doko da en kame ebedo cal me kuo ka Rubanga kikokome. Kop mere kame tie kede twer en kame mio gi dedede bedo tie iepone kame nataman kitie kede. Kakame etieko lonyo kede jo ki dub, en eko bedo i bad tetu cam ka Rubanga won Twer Adwong.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.