Yokana 14:6 - Baibuli I Leb Kumam 2013

⁶ Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 14:6 Iomraidhean Croise

Matayo 11:27

“Papa na otieko mina gi dedede i cinga; likame tie ngatamoro kame ngeo Wod, kwanyo kenekene Papa, doko likame tie ngatamoro kame ngeo Papa, kwanyo kenekene Wod, kede jo kame Wod oyero pi nyuto ne gi Papa.

Yokana 1:14

Kop oko doko dano di eko bedo i diere wa di epong kede kisa ka Rubanga kede ateni. Wan oneno deyo mere, deyo ka Wod acel kenekene kame owok kibut Papa.

Yokana 1:17

Pien bin komio Iswil di beo kibut Musa, do kisa kede ateni bin obino di beo kibut Yesu Kirisito.

Yokana 1:4

Kuo oudo tie i en, doko kuo nono en kame oudo obedo lero me jo.

Yokana 10:28

Ango atieko mino gi kuo kame bedo nakanaka, doko likame kibino to. Likame tie ngat kame bino waraso gi ki cinga.

Yokana 10:7

Yesu bobo oko waco ne gi be, “Ateteni, ateteni awaco ne wu be, ango en erute kame romini donyo kiye.

Yokana 10:9

Ango en erute, ka ngatamoro odonyo ki buta ebino udo alako, doko ebino donyo kede wok ooko, di eko udo lum kolot.

Yokana 14:19

Odong kare acecek di jo me piny ni likame bobo ko bino nena, do wun ibinunu nena; pi kite kame ango akuo kede, wuda ibinunu bedo kuo.

Yokana 15:1

“Ango en olok me ateni, doko Papa na en kame ngapur.

Yokana 18:37

Pilato oko penye be, “Mam in do abaka?” Yesu oko dwoko be, “In iwaco be ango abaka, ango oudo konywala pi kop noni, doko kop noni da en komio ango abino i piny, me wek abed ijura i kom gi me ateni. Ngat acelacel kame tie i ateni winyo dwana.”

Yokana 5:21

Pien bala kite kame Papa yaruno kede jo oto di eko mino gi kuo, kamanono da Wod mio kuo but jo kame cunye mito.

Yokana 6:33

Pien mugati ka Rubanga en maca kame wok ki malo di eko mino kuo i piny.”

Yokana 6:51

Ango en mugati me kuo kame owok ki malo; ngat kame camo mugati noni bino kuo ikar kede ikar. Mugati kame ango abino mino pi kuo me piny en ringokoma.”

Yokana 6:57

Bala kame Papa kakuo oora kede, doko di ango akuo pi Papa, kamanono da ngat kame camo ringokoma bino bedo kuo pi ango.

Yokana 6:68

Simoni Petero oko dwoko ne be, “Rwot, wan bobo otwero ot but ngai? In en kame itie kede kope kame mio kuo kame bedo nakanaka;

Yokana 8:32

doko ibinunu ngeno ateni, di ateni ko bino gonyo wu.”

Yokana 8:51

Ateteni, ateteni awaco ne wu be, ngat kame yei kop na likame ebino bilo to atwal.”

Tice 3:15

ikounu mino koneko ngat kame mio kuo, kame Rubanga oko yaruno kikom jo oto. Wan en ijurak me kop noni.

Tice 4:12

Doko likame tie ngatamoro kame wan otwero udo alako kibute, pien likame tie nying moro i piny kan kame kotieko mino jo, kame mio wa alako.”

Tice 9:2

di eko penye baluwan me ot nyutere i sinagogan kame tie Damasiko, tetekeny kame eudo jo kame lubo Yongayo ka Rwot, cuo arabo mon, wek emak gi di eko kelo gi Yerusalem.

Joroma 15:16

pi bedo ngatic ka Kirisito Yesu but jo kalikame Iyudayan, di atio bala ngasaseredoti kame tuco ejiri ka Rubanga, tetekeny jo kalikame Iyudayan dok giamia kame Rubanga karuno gamo, kame Tipo Kacil olonyo.

Joroma 5:2

En etieko mino wa oudo epone me tuno i kisa ka Rubanga kame nan wan otienu iye, di olelunu pi gen wa kame otienu kede me nywako deyo ka Rubanga.

Joroma 5:21

Etie kamano tetekeny bala kame dub obedo kede loc di ebeo ki to, wek kisa da bed kede loc di ebeo ki poore, di eko kelo kuo kame bedo nakanaka pi Rwot wa Yesu Kirisito.

1 Jokorinti 15:45

En komio kowandiko be, “Adamu, dano me agege, odoko gikame kuo”; do Adamu me ajikini oko doko Tipo kame mio kuo.

Joepeso 2:18

pien i Kirisito, wanunu dedede okarununu tuno but Papa i Tipo acel.

Jokolosai 2:17

Magi dedede obedo bala cal kenekene me gikame oyaro bino; do Kirisito en cuny kop kikokome.

Jokolosai 2:9

Pien Rubanga i tie mere lung bedo i en i cal me kom,

Jokolosai 3:4

Ka Kirisito ngat kame obedo kuo wu bino neeno, wuda ibinunu neeno karacel kede en i deyo.

Iburanian 7:25

Pi mano, i kare dedede en etwero lako jo kame nyiko bedo iyapiyapi kede Rubanga di kibeo kibute, piento en ekuo nakanaka pi ngangao Rubanga pirgin.

Iburanian 9:8

I gi nogi, Tipo Kacil nyuto kakaler be, pwodi likame koyabo yongayo kame donyo kabedo kacil, tek kame taberenakol me ooko pwodi tie cungo.

1 Petero 1:21

En emio wu idokunu jo kame geno Rubanga, ngat koyaruno en kikom jo oto, di oko mine deyo tetekeny wun ibedunu kede yei kede gen i kom Rubanga.

1 Petero 2:4

Bianu bute, en kidi kakuo, kame jo odagi, do i nyim Rubanga ebedo kidi me wel kame en eyero.

1 Petero 3:18

Pien Kirisito da bin oneno can pi dub tien acel pi kare lung, ngat kopoore oneno can pi jo kalikame opoore, me wek ekel wa but Rubanga. En bin koneko kome do oko mine ebedo kuo i tipo.

1 Yokana 1:8

Ka wan owacunu be oliunu kede dub, udo wan ongalerenu kenwa, doko udo oliunu kede ateni.

1 Yokana 2:23

Likame tie ngatamoro kame dagi Wod di en eko mito Papa; jo dedede kame yei Wod mito Papa da.

1 Yokana 5:20

Wan ongeunu be Wot ka Rubanga otieko bino, doko etieko mino wa niang, tetekeny ongeunu en ngat kame etie me ateni; doko wan otienu i en ngat kame tie me ateni, en Wode Yesu Kirisito. En ebedo Rubanga me ateni, doko en ebedo kuo kame bedo nakanaka.

1 Yokana 5:6

Yesu Kirisito en ngat kame obino kede pii kede remo. Likame ebino kede pii kenekene, do ebino kede pii kede remo. Tipo en kame mio ijura i kom kop noni, pien Tipo en ateni.

2 Yokana 1:9

Ngatamoro kalikame dong i pwony ka Kirisito, do en etarasar kede mere kalamo, udo likame etie kede Rubanga i cunye. Do ngat kame dong i pwony nono udo Papa kede Wod tie i cunye.

Gianyuta 1:5

kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan. En emaro wa, doko remo mere otieko gonyo wa ki dub wa

Gianyuta 19:11

Di ako neno malo oyabere, ako neno asigira atar di tie iye. Ngat kame oudo tie wanano asigira nono oudo kolwongo be Egenere, kede Ateni; en engolo kop doko eyi i yore kopoore.

Gianyuta 20:15

Ngatamoro kalikame bin koudo be kowandiko nyinge i itabu me kuo, oudo kouce i nam me mac.

Gianyuta 22:1

Di malaika nono oko nyuto na ecilet me pi me kuo, kame milimili bala akako, di etie mol wok ki kom me Ajakanut ka Rubanga, kede ki me Katin Romo,

Gianyuta 22:17

Tipo kede Ateran waco be, “Bia.” Jo dedede kame winyo kop noni miero wac be, “Bia.” Ngat kame orio oneko, ebin; wek ngat kame cunye mito, egam pii me kuo abongo cul.

Gianyuta 3:14

“Wandiko but malaika me ekodet me jokirisito kame tie Laodikia be: “Magi en kop kowok kibut Amen, mujura me ateni kame genere, ngat kame gi dedede kame Rubanga ocweo ocakere kibute.

Gianyuta 3:7

“Wandiko but malaika me ekodet me jokirisito kame tie Piladelpia be: “Magi kop me ngat kacil, ngat kame tie kede ateni, kame tie kede sumilito ka Daudi. Ka en eyabo ekeko, likame tie ngatamoro kame karuno cego; doko ka en ecego, likame tie ngatamoro kame karuno yabo.