Yokana 14:30 - Baibuli I Leb Kumam 2013

³⁰ Ango likame doko nan abino duro kope, pien ngapug piny ni do tie bino. En eli kede twer moro i koma,

Yokana 14:30 Iomraidhean Croise

Luka 1:35

Di malaika oko dwoko ne be, “Tipo Kacil oyaro bino i komi, di twer ka Ngamalo Twal ko bino umi; pi mano, atin kacil kame koyaro nywalo nono kobino lwonge be Wot ka Rubanga.

Luka 22:53

I kare kame oudo atie kede wu i tempulo ceng dedede, cabo likame ikounu maka. Do man en esawa wu, kede esawa me twer me colo.”

Yokana 12:31

Nan do en esawa me ngolo kop ne piny kan. Rubanga oyaro riamo ngat kame lem pugo piny kan tenge.

Tice 1:3

Ingei can kede to mere, en eko nyutere but gi i yote apapat kame moko be, en oudo ekuo ateteni, di epwonyo kop kame mako Ajakanut ka Rubanga.

2 Jokorinti 4:4

Gin jo kalikame kiyei Kirisito, pien rubanga me piny kan otieko umo tam gi tetekeny kur kinen lero kame wok kiye ejiri me deyo ka Kirisito, ngat kame cal acala kede Rubanga.

2 Jokorinti 5:21

Rubanga omio Kirisito ngat kame oudo li kede dub onywako dub wa pirwa, tetekeny odokunu jo kopoore i nyim Rubanga pi Kirisito.

Joepeso 2:2

gikame oudo obedo ekite me kuo wu, di ilubunu ekite me kuo me piny kan, kede di ilubunu ngapug kame lo tipere kame tie i wi yamo, en tipo kame nataman pugo jo kame dagi winyo kop ka Rubanga.

Joepeso 6:12

Pien wan likame otienu yi kede jo, do wan otienu yi kede jopug kede akarunikin mogo apat, kede tipere kame nataman pugo wi lobo kan i kare me colo noni, kede tipere me twer kareco kame pugo i wi yamo.

Jokolosai 1:13

En etieko lako wa ki twer me colo di eko kobo wa i ajakanut ka Wode kame emaro,

Iburanian 4:15

Pien likame wan otienu kede Ngatel Josaseredoti kalikame kisa twero mako i kom wa pi goro wa, do en etie ngat kame kotamo i yote dedede bala wada, do di likame en eko dubo.

Iburanian 7:26

Pien oudo etie gikame poore, pi wan bedo kede Ngatel Josaseredoti kacal kamanoni, en ebedo ngat kacil, kame li kede raco moro arabo dub moro, kame kopoko tenge kibut jodubo di oko tinge kotere malo.

1 Petero 1:19

do kotime kede remo ka Kirisito, remo kame wel mere dwong, kame cal bala me katin romo kalikame tie kede gimoro arac arabo pwokere moro i kome.

1 Petero 2:22

En bin likame etimo dub moro; kop moro me abe da likame owok ki doge.

1 Yokana 4:4

Idwe na, wun ibedunu me ka Rubanga, doko itiekunu bwono inabin me angalo, pien ngat kame tie i kuo wu tie kede twer adwong kalamo ngat kame tie i piny.

1 Yokana 5:18

Wan ongeunu be jo kame obedo idwe ka Rubanga likame dubo, pien Wot ka Rubanga gwoko gi, di likame Ngarac ko karuno mulo gi.

1 Yokana 5:19

Wan ongeunu be wan obedunu idwe ka Rubanga, kede be, piny lung tie i twer me Ngarac.

Gianyuta 12:9

Di oko uco twon twol kiyiliyili nono piny, twol me anakacia nono, kame kolwongo be Sitani, ngat kame ngalo jo dedede me piny. Bin oko uce piny i lobo, en karacel kede imalaikan mege.