Yokana 14:28 - Baibuli I Leb Kumam 2013

²⁸ Pien wun itiekunu winyo di ango awaco ne wu be, ‘Ango atie ot, do abino dwogo butu.’ Ka koto oudo imaranu, koto nan wun itienu kilel pi kite kame ango atie ot kede but Papa; pien Papa dwong loa.

Yokana 14:28 Iomraidhean Croise

Sabuli 68:18

En eko ot malo i wi moru abor nono, di etero jo atot kame emako ki yi; en egamo giamia kibut jo, akadi kiton kibut jo kame dagi ne Rwot Rubanga bedo kuno.

Sabuli 68:9

Okwe Rubanga, in bin imio kot ocwei di tot; di iko temuno lobo nin kame oudo otieko ti;

Isaya 42:1

Rwot waco be, “Ngatic na kame ango akonyo ine, en ngat kame ango atieko yero kame cunya yom i kome. Ango atieko keto tipo na i kome; en ebino kelo tim kame poore but atekerin dedede.

Isaya 53:11

En ebino neno bero kame wok ki lito kame en ebeo iye; ebino ngeno be can kame en eneno likame obedo me nono, di cunye ko bino kwei. Ngatic na kopoore bino mino jo atot doko jo kopoore, en ebino yeno dub gi.

Matayo 12:18

“Man en ngatic na kame ayero, en kame cunya maro, doko cunya yom i kome. Abino mine Tipo na Kacil, di en eko bino tuco ne jo kalikame Iyudayan be ango angolo kop kede ateni.

Yokana 10:38

Do ka atimo gi, akadi bed bala idagunu yei ango, yeunu do tice nogo, tetekeny ingeunu di ikounu niang be Papa tie i ango, doko ada atie i en.”

Yokana 13:16

Ateteni, ateteni awaco ne wu be, likame tie ngatic moro kame pire dwong kalamo ngadwong mere, arabo ngaor kame pire dwong kalamo ngat oore.

Yokana 14:12

“Ateteni, ateteni awaco ne wu be, ngat kame yei ango ebino eda timo tice kame ango atimo; doko en ebino timo tice kame dongodongo kalamo mago, piento ango ayaro ot but Papa na.

Yokana 14:18

“Ango likame abino weko wu kenu, do abino dwogo butu.

Yokana 16:7

Bed bala kamano da, atie waco ne wu kop me ateni be, eber ne wu ka ango aoto; pien ka likame aoto, Ngakony likame oyaro bino butu, do ka ango aoto, abino cwane butu.

Yokana 20:17

Yesu oko waco ne be, “Kur imaka, pien pwodi likame aoto malo but Papa; do ot but imiegu na iko waco ne gi be ango atie ot malo but Papa na, en Papa wu da; but Rubanga na, en Rubanga wu da.”

Yokana 20:21

Yesu bobo oko medo waco ne gi be, “Mulem bed butu. Bala kite kame Papa na oora kede, kamanono ada aoro wu.”

Yokana 5:18

Man en gikame omio Iyudayan oko meede mono neke, pien likame eturo Iswil me Sabato kenekene, do doko da elwongo Rubanga be Papa mere kikokome, iepone noni en udo eporere kede Rubanga.

Yokana 7:33

Yesu oko waco be, “Abino medo bedo kede wu pi kare moro acecek, di do ako ot but ngat kame oora.

1 Jokorinti 11:3

Do ango amito ingeunu be, wi icuo acelacel en Kirisito, doko da wi dako en cware, wi Kirisito en Rubanga.

1 Petero 1:8

Wun imarenu akadi bed bala likame itiekunu nene, doko iyeunu en akadi bed bala nan likame inenenu. Pi mano, itienu kede kilel kalikame wacere, kilel me deyo.

Gianyuta 1:11

En ewaco be, “Wandiko i itabu gikame ineno di iko cwano ne ikodeta kanyaare me jokirisito kame tie Epeso, Simuna, Peregamu, Tuatira, Saradisi, Piladelpia kede Laodikia.”