Yokana 14:27 - Baibuli I Leb Kumam 2013

²⁷ “Ango atie weko wu kede mulem, amio wu mulem na, likame bala kite kame piny mio kede. Cunyu kur poti, doko kur ibedunu kede lworo.

Yokana 14:27 Iomraidhean Croise

2 Iyutun 20:30

Di ajakanut ka Yekosapat oko bedo kede anapakin, pien Rubanga mere oudo omie wei ki bad dedede.

Yobu 34:29

Ka Rubanga obedo gire mot, ngai kame karuno waco be etimo rac? Ka Rubanga okano wange, ngai kame karuno nene? Do en etie kede loc i kom ateker amoto dano moro di rom aroma,

Sabuli 11:1

Ango aringo gwokere but Rwot. Benyo benyo kame in iwaco nango kede be, “Por bala winyo iko ot i mori,

Sabuli 112:7

Rwonge arac likame kelo ne lworo; cunye tek, en egeno Rwot.

Sabuli 27:1

Rwot en lero kede ngat kame laka; abino do lworo ngai? Rwot en kateko kame gwoko kuo na; abino lworo do ngai?

Sabuli 28:3

Kur ingola kop karacel kede jo areco, jo kame timo tim areco, gin jo kame dog gi yamo kope abeco me awotin kede jokio gi, do di cuny gi col adikinicel.

Sabuli 29:11

Akwao Rwot mi jo mege teko! Akwao Rwot mi jo mege winyo me bedo kede anapakin.

Sabuli 56:11

Ango aketo gen na but Rubanga; likame abino bedo kede lworo. Dano adana twero timo nango nyo?

Sabuli 56:3

Ka ango atie kede lworo, Okwe Rubanga Ngamalo Twal, ango aketo gen na buti.

Sabuli 72:2

Miero epug jo nin i yore kopoore, doko epug jocan i yore me ateni.

Sabuli 72:7

Mi kuo kopoore nyai i kare mere, doko mulem adwong bed tie nakanaka bala duwe.

Sabuli 85:10

Amara kalikame lokere bino riamo kede genere; poore bino motere di kinotere kede mulem.

Sabuli 91:5

Likame ibino bedo kede lworo moro iwor i kom gimoro arac, akadi lworo emal kame kogweo i dier i ceng,

Agole 3:25

Likame ibino bedo kede lworo pi can mogo angoole angola, bala kame ngoole poto i kom jo areco bala yamo me kot;

Isaya 12:2

Ateteni Rubanga en kame laka; ango abino keto gen na i kome di likame ako bedo kede lworo. Rwot en amia teko kede twer, en kame elaka.

Isaya 41:10

Kur ibedunu kede lworo, pien ango atie kede wu, kur ibedunu kede lworo moro, pien ango en Rubanga wu; ango abino mino wu teko, abino konyo wu, ango abino gwoko wu di ako lako wu kede twer na.

Isaya 41:14

Rwot waco be, “Ateker me Isirael, bed bala in ititidi doko igoro, do kur ibed kede lworo; ango abino konyi. Ango, Ngat Kacil me Isirael, en kame abedo Ngalak nin.

Isaya 54:13

“Ango kikoma abino pwonyo jo ni di gin kiko bino bedo kede mulem me aura.

Isaya 55:12

“Wun ibinunu yai ki Babilon kede kilel; ibinunu dok paco kede mulem. Mori kede imukuran bino dipo wer di wun ibeunu i nget gi, doko yen dedede bino bapo cing gi.

Isaya 57:19

Ango amio mulem but jo dedede, but jo kame tie kakiyapi kede but jo kame tie kakabor! Ango abino cango jo na.

Isaya 9:6

Konywalo ne wa atin, komio wa atin awobi! En ebino bedo ngapug wa! Kobino lwonge be, “Ngamini tam me Aura, Rubanga Won Twer, Papa kame bedo Nakanaka, Ngapug akelo Mulem.”

Yeremia 1:8

Kur ibed kede lworo but gi, do ango abino bedo tie kedi pi gwoki. Ango Rwot en awaco!”

Koko ka Yeremia 3:17

Etieko mina akei kuo me anapakin; wia da otieko wil kede yomcuny.

Esekeri 2:6

“Do in wot ka dano, kur ilwor gi, doko kur ilwor kope kame gin kiwaco, bed bala ebino bedo ni ineno bala okuto kede ocokocok oluki, kede bala itie i diere me ekilitona; kur ilwor kope gi, doko kur cunyi nyote pi ekite me neeno gi, pien gin kibedo jojemo.

Danieri 4:1

Abaka Nebukadunesa cwao kop noni but jo me atekerin dedede, erangi dedede, abilere dedede, kede leb dedede atie i wi lobo be, “Amoto wu!

Danieri 6:25

Di Abaka Darias oko wandiko baluwa but jo me atekerin dedede, kede but jo me leb dedede i wi lobo lung be: “Akwao ibedunu kede mulem adwong.

Sakaria 6:13

En nono kame ebino gero tempulo ka Rwot, di eko bino udo wor kame komio abaka, di eko bedo i kom mere me ajakanut di eko pug. Ebino bedo tie kede ngasaseredoti i nget kom mere me pug, di gin are nogo kiko bino tic kede mulem kede anapakin.’

Wel 6:26

Akwao Rwot etim ne wu bero eko mino wu mulem.

Matayo 10:26

“Pi mano, kur ilworunu gi, pien likame tie gimoro kame koumo kalikame kobino nyuto kakaler, doko likame tie gimoro kame kokano kalikame bino ngere.

Luka 1:79

pi mino lero but jo kame bedo kakacol kede i tipo me to, pi nyuto ne wa yote kabeco kame kelo ne wa mulem.”

Luka 10:5

Doko kame iyarunu donyo i ot moroni, cakunu kong waco be, ‘Mulem bed i ot ni.’

Luka 12:4

“Jowota, awaco ne wu be, kur ibedunu kede lworo i kom jo kame neko kom, di likame kiko twero doko timo gimoro ingei mano.

Luka 2:14

“Deyo bed but Rubanga kame tie i malo twal, kede mulem bed i lobo but jo dedede kame cunye yom i kom gi!”

Yokana 14:1

Yesu oko waco ne josiao mege be, “Cunyu kur poti, yeunu Rubanga, di ikounu yei ango da.

Yokana 16:33

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Yokana 20:19

Otieno me Ceng Sabiti nono, josiao oudo tie i ot, di kicego ikekon pi lworo Iyudayan. Yesu oko bino di eko cungo i diere gi di ewaco be, “Mulem bed butu.”

Yokana 20:21

Yesu bobo oko medo waco ne gi be, “Mulem bed butu. Bala kite kame Papa na oora kede, kamanono ada aoro wu.”

Yokana 20:26

Ingei ceng kanyauni, josiao mege oudo bobo tie i ot, Tomasi da oudo tie kede gi, ikekon oudo ocegere, do Yesu oko bino di eko cungo i diere gi, di eko waco be, “Mulem bed butu.”

Tice 10:36

Wun ingeunu kop kame riki en ecwao ne jo me Isirael, en Kop Aber me mulem, kame bin Yesu Kirisito, ngat kame obedo Rwot kame lo jo dedede en kokelo.

Tice 18:9

Di Rubanga oko yamo ne Paulo iwor acel i gianyuta be, “Kur ibed kede lworo, do yami, doko kur ilingi,

Joroma 1:7

Butun jo dedede kame Rubanga maro, wun jo kame itienu Roma, jo kame kolwongo pi bedo jokacil, wek Rubanga Papa kede Rwot wa Yesu Kirisito mi wu kisa kede mulem.

Joroma 15:13

Wek Rubanga ngat kame mio gen, pong kuo wu kede yomcuny kede mulem pi yei wu i kome, tetekeny ibedunu kede gen adwong pi twer me Tipo Kacil.

Joroma 5:1

Pi mano, bala kite kame otiekunu doko kede jo kopoore pi yei, otienu do kede anapakin kede Rubanga pi Rwot wa Yesu Kirisito.

Joroma 5:10

Pien ka i kare kame wan oudo pwodi otienu kede jokwor ka Rubanga, en eko dwoko wa i nywak kede en pi to ka wode, do akalamo mano, bala kame nan do otiekunu dok i nywak kede en, Kirisito bino do lako wa kede kuo mere.

Joroma 8:6

Keto tam i kom gikame kom mito kelo to, do keto tam i kom gikame Tipo mito kelo kuo kede mulem.

1 Jokorinti 1:3

Kisa kede mulem kame yai kibut Rubanga Papa wa kede Rwot wa Yesu Kirisito bed kede wu.

Jogalatia 1:3

Kisa kede mulem kame wok kibut Rubanga Papa wa, kede kibut Rwot Yesu Kirisito bed butu.

Jogalatia 5:22

Do anyakini me Tipo en amara, kilel, mulem, dire, mwolo, bero, genere,

Jogalatia 6:16

Mulem kede kisa bed but jo dedede kame lubo iswil noni, kede but Isirael ka Rubanga.

Jopilipi 4:7

Di mulem ka Rubanga, kame kalamo niang dedede me dano, ko bino gwoko cunyu kede tam wu i Kirisito Yesu.

Jokolosai 1:2

But jokacil kede imiegu kede amiegu kame genere i Kirisito, kame tie Kolosai. Kisa kede mulem ka Rubanga Papa wa bed butu.

Jokolosai 1:20

doko i en Rubanga oudo cunye yom pi dwoko jame dedede bobo inywak kede en, jame kame tie i wi lobo amoto i malo, di ekelo mulem pi remo me to ka Kirisito i kom musalaba.

Jokolosai 3:15

Miunu mulem ka Kirisito pug cunyu, mulem noni en kame bin kolwongo wu iye i kom acel, doko bedunu kede pwoc.

2 Jotesalonika 1:2

Kisa kede mulem kame wok kibut Rubanga Papa kede Rwot Yesu Kirisito bed butu.

2 Jotesalonika 3:16

Akwao Rwot won mulem, en kikome emi wu mulem i kare lung kede da i yore lung. Rwot bed kede wu dedede.

2 Temeseo 1:7

Pien likame Rubanga omio wa Tipo kame mio wa lworo, do emio wa Tipo kame mio wa twer, amara, kede dino mit me kom.

Iburanian 13:20

Nan ango akwao Rubanga won mulem, ngat kame bin oyaruno Rwot wa Yesu ki to, en etie Ngakwat Adwong me romini pi remo mere kame moko isikan kame bedo nakanaka.

Iburanian 7:2

Aburaam di oko poko ne acel me tomon me jame dedede kame oudo ekelo ki yi. Me agege mere nying Melkisedeki dwong mere be “abaka kame timo gikame opoore”; doko da pi kite kame en oudo etie kede abaka me Salem, dwong me nyinge da bobo en “abaka kame kelo mulem.”

Gianyuta 1:4

Kop kowok kibut Yokana, but ikodeta kanyaare me jokirisito kame tie Esia. Kisa kede mulem bed butu, kame wok kibut ngat kame nan tie, kame oudo tie sek, kede kame bino bino, kede kibut tipere kanyaare kame tie i nyim kom mere me ajakanut,

Gianyuta 2:10

Kur ilworunu can kame iyapununu beo iye. Nenunu, Sitani oyapuno mino korwako jo mogo kikom wu i otkol, tetekeny kotamu di ikounu bedo kede peko pi ceng tomon. Bedunu jo kame genere tuno i to, di ango ako bino mino wu kuo bala giamia pi lono.

Gianyuta 21:8

Do jo kame lwor, jo kame yei gi opoto, jo kame omunaun, jonek, jocaro, jojwogi, jo kame woro cal jwogi, kede joangalo dedede, kabedo gi bino bedo nam kame liel mac kede salupa, en to me are.”