Yokana 14:26 - Baibuli I Leb Kumam 2013

²⁶ Do Ngakony, kame obedo Tipo Kacil kame Papa bino cwano i nyinga, bino pwonyo wu i gi dedede di eko mino wu iyutununu gi dedede kame ango atieko waco ne wu.

Yokana 14:26 Iomraidhean Croise

Sabuli 51:11

Kur iriama tenge ki nyimi, doko da kur ikwany tipo ni kacil kibuta.

Isaya 54:13

“Ango kikoma abino pwonyo jo ni di gin kiko bino bedo kede mulem me aura.

Isaya 63:10

do gin kiko jemo ne di kiko wango cuny tipo kacil mere. Pi mano, Rwot oko doko ngakwor gi, di en kikome eko yi kede gi.

Matayo 1:18

Nywalo Yesu Kirisito riki obedo iepone ni. I kare kame Maria toto mere bin Yosepu onero nyomo, oko ngere be Maria oudo oyac pi twer me Tipo Kacil di pwodi likame kiribo kabuto.

Matayo 1:20

Do bin di etie paro kop noni, malaika ka Rwot oko nyutere bute i wang lek di oko waco ne be, “In Yosepu akwar Daudi, kur ibed kede lworo pi tero Maria doko dako ni, pien en eyac pi twer me Tipo Kacil.

Matayo 28:19

Pi mano, otunu ilokunu jo me atekerin dedede dok jo kame luba, batisonu gi i nying Papa kede Wod kede Tipo Kacil,

Matayo 3:11

Ango abatiso wu kede pii pi nyuto be wun itiekunu swilaro, do ngat kame tie bino i cen ngea oyaro batiso wu kede Tipo Kacil kede mac. En etie kede twer kame loa, doko ango likame apoore pi mako amuka mere.

Marako 12:36

Daudi da kikome bin Tipo Kacil otelo di en eko waco be, “‘Rwot Rubanga owaco ne Rwot na be: Bed i bada tetu cam, tuno di ango atieko mini inyono jokwor ni piny i tieni.’

Marako 13:11

Do ka komako wu di oko tero wu pido wu i nyim kansulo, kur igeunu bedo kede par pi kop kame iyarunu waco; do kame esawa oromo, wacunu kop kame kobino keto i dogu. Pien kop kame ibinunu yamo likame bino bedo megu do kibino wok kibut Tipo Kacil.

Luka 1:15

Piento en ebino bedo dano adwong adikinicel i nyim Rwot. En likame ebino mato bwini arabo gimoro akec kame mero jo. Doko ebino pong kede Tipo Kacil, cako ki yi toto mere.

Luka 1:35

Di malaika oko dwoko ne be, “Tipo Kacil oyaro bino i komi, di twer ka Ngamalo Twal ko bino umi; pi mano, atin kacil kame koyaro nywalo nono kobino lwonge be Wot ka Rubanga.

Luka 1:41

Kakame Alisabeti owinyo kede amot ka Maria, atin kame oudo tie i yie oko tingere. Alisabeti oko pong kede Tipo Kacil,

Luka 1:67

Sakaria papa me Yokana oko pong kede Tipo Kacil, di eko murao be,

Luka 11:13

Aso, ka do ber wun jo areco ingeunu mino idwe wu giamia abeco, do kalamo mano tien adi en kame Papa wu kame tie i malo bino mino kede Tipo Kacil but jo kame kwae?”

Luka 2:25

I kare no oudo tie icuo moro Yerusalem kame nyinge Esimioni. En oudo icuo kopoore, kame keto cunye woro Rubanga, kame oudo tie kuro neno epone kame Rubanga bino kweno kede cuny jo me Isirael; en oudo epong kede Tipo Kacil.

Luka 24:49

Doko nenunu, abino cwano ne wu gikame Papa na ocikere iye. Pi mano, bedunu i bomba kan, tuno kede kame kongapo wu kede twer kame yai ki malo.”

Luka 3:22

di Tipo Kacil oko bino piny i kome bala awele. Dwan oko wok ki malo di waco be, “In en Woda kame amaro, cunya yom i komi.”

Yokana 1:33

Ango da kikoma oudo likame angee; do ngat kame oora pi batiso jo kede pii oko waco na be, ‘Ngat kame inenunu Tipo Kacil obino piny di oko dong i kome, manono en ngat kame batiso jo kede Tipo Kacil.’

Yokana 12:16

Josiao mege bin likame oko niang dwong me gigi i agege; do i kare kame oko yaruno kede Yesu i deyo ka Rubanga, gin kiko yutuno be oudo kowandiko gi nogi be bino timere i kom en, doko da di jo oko timo ne.

Yokana 14:16

Ango abino kwano Papa, di en eko mino wu ngakony ace, kame bino bedo kede wu nakanaka.

Yokana 14:25

“Ango awaco ne wu kope gi di pwodi atie kede wu.

Yokana 15:26

“Do ka Ngakony obino, kame ango abino cwano ne wu kibut Papa, en Tipo me ateni ka Rubanga, kame wok kibut Papa, en ebino jurao ango.

Yokana 16:7

Bed bala kamano da, atie waco ne wu kop me ateni be, eber ne wu ka ango aoto; pien ka likame aoto, Ngakony likame oyaro bino butu, do ka ango aoto, abino cwane butu.

Yokana 2:22

Pi mano, i kare kame koyaruno en kede kikom jo oto, josiao mege oko yutuno be oudo bin ewaco kop noni; kiko yei iwandik kacil kede kop kame oudo bin Yesu owaco.

Yokana 20:22

Di etieko waco kamano, en eko kuto wei mere i kom gi di ewaco ne gi be, “Gamunu Tipo Kacil.

Yokana 6:45

Kowandiko i itabu me inabin be, ‘Doko Rubanga bino pwonyo gin dedede.’ Ngat acelacel kame winyo kop ka Papa na di eko udo pwonyere kibute, en ebino udo alako.

Yokana 7:39

Yesu bin owaco kop noni i kom Tipo Kacil kame jo kame yei en bino udo. I kare nono oudo pwodi likame komio Tipo Kacil, pien oudo pwodi likame komio Yesu deyo.

Tice 1:2

tuno i ceng kame kotere kede malo, ingei en ciko joor mege i twer me Tipo Kacil, joor mege kame oudo en eyero.

Tice 1:4

I kare kame oudo pwodi etie kede gi karacel, en oudo eciko gi be miero kur kiyai ki Yerusalem, do kidar ki kuno gikame Papa ocikere pi mino. En ewaco ne gi be, “Wun bin iwinyunu kibuta be,

Tice 1:8

Do kame Tipo Kacil obino i komu, ibinunu udo twer di ikounu bino bedo ijurak na i Yerusalem kede i Yudea dedede, kede i Samaria da, tuno kede i ajikini me lobo.”

Tice 11:16

Ango di do ako yutuno kop kame bin Rwot owaco be, ‘Yokana bin batiso jo kede pii, do wun kobino batiso wu kede Tipo Kacil.’

Tice 13:2

Di bin gin kitie timo tic me woro Rwot kede kanyo kec, Tipo Kacil oko waco ne gi be, “Pokunu na Baranaba kede Saulo tenge pi tic kame ango alwongo gi iye.”

Tice 13:4

Kakame Tipo Kacil ooro gi kede, Baranaba kede Saulo oko ot kiko lor Selukia; ki kuno di kiko kwang kioto Sipuro.

Tice 15:28

Pien wan karacel kede Tipo kacil, otamo be miero kur bobo omed keto yec moro apek i wi wu, do kwanyo gikame mitere ige:

Tice 15:8

Rubanga ngat kame ngeo cuny jo bin oko mino ijura mere i kom gi, di emio gi Tipo Kacil bala kite kame bin emio kede wada.

Tice 16:6

Paulo gini oko ot di kibeo i adul me Purigia kede Galatia, pien Tipo Kacil oudo likame oyei ne gi tuco ejiri i Esia.

Tice 2:33

Pi kite kame kotieko kiarao en kede i bad tetu cam ka Rubanga, kede piento en etieko gamo Tipo Kacil kame bin Papa ocikere pire, en eko nan onyo gikame inenunu kede iwinyunu no.

Tice 2:4

Gin dedede kiko pong kede Tipo Kacil, di kiko cako yamo i leb kanyen, bala kame Tipo nono oudo mio gi kede.

Tice 20:28

Gwokerenu kenu kede igwokunu romini ka Rubanga, kame Tipo Kacil oketo wu pi bedo jogwok gi, pi gwoko jo koyei Rubanga, jo kame en eloko odoko mege kede remo ka mere kikome.

Tice 20:35

Ango atieko nyuto ne wu i gi dedede be, miero itimunu tic kamanoni, me wek ikonyunu jo agoro, di iyutununu kop kame bin Rwot Yesu owaco be, ‘Mino tie kede winyo kalamo gamo.’ ”

Tice 28:25

Aso kite kame tam gi oudo opokere kede, kiko sarakin ingei Paulo waco be, “Tipo Kacil oudo oyamo ne joakwari wu kop me ateni i dog enabi Isaya be,

Tice 5:3

Do Petero oko penye be, “Anania, pinyo komio iyei ne Sitani odonyo i cunyi pi mini ngalo Tipo Kacil, di iko kano dul me sente kame in oudo icato kede lobo?

Tice 7:51

“Wun jo kame wi wu tek, jo kame cunyu kwia Rubanga, doko yitu likame winyo kop mere, wun nakanaka ijemunu ne Tipo Kacil. Itienu timo bala kite kame riki papi wu otimo kede.

Tice 7:55

Do Sitepano oudo opong kede Tipo Kacil, di eko ngoloro malo di eko neno deyo ka Rubanga, di Yesu tie cungo iye i bad tetu cam ka Rubanga.

Joroma 14:17

Pien Ajakanut ka Rubanga likame obedo cam kede giamata, do en ebedo poore, kede mulem, kede yomcuny i Tipo Kacil.

Joroma 15:13

Wek Rubanga ngat kame mio gen, pong kuo wu kede yomcuny kede mulem pi yei wu i kome, tetekeny ibedunu kede gen adwong pi twer me Tipo Kacil.

Joroma 15:16

pi bedo ngatic ka Kirisito Yesu but jo kalikame Iyudayan, di atio bala ngasaseredoti kame tuco ejiri ka Rubanga, tetekeny jo kalikame Iyudayan dok giamia kame Rubanga karuno gamo, kame Tipo Kacil olonyo.

Joroma 5:5

Gen likame ngalo wa, pien kotieko onyo amara ka Rubanga i cuny wa di beo kibut Tipo Kacil kame kotieko mino wa.

1 Jokorinti 12:3

Pi mano, ango amito iniangunu be likame tie ngatamoro kame Tipo ka Rubanga telo di eko waco be, “Ilam mak Yesu!” Doko likame tie ngatamoro kame twero waco be “Yesu en Rwot” kwanyo di Tipo Kacil en kame otele.

1 Jokorinti 6:19

Mam ingeunu be komu obedo tempulo me Tipo Kacil kame tie i komu, Tipo kame Rubanga omio wu? Wun likame megu kenu.

2 Jokorinti 13:14

Kisa ka Rwot Yesu Kirisito, amara ka Rubanga kede nywak me Tipo Kacil bed kede wu dedede.

2 Jokorinti 6:6

Doko da wan onyuto bero wa bala jotic ka Rubanga i cuny wa kame ber, i ngec, i dire, i mwolo, i bedo tie kede Tipo Kacil, kede i amara me ateni,

Joepeso 1:13

Wuda i Kirisito itiekunu winyo kop me ateni, kame obedo ejiri me alako wu, di ingei wun yei Kirisito oko mino wu alama kame obedo Tipo Kacil, kame oudo kocikere pi mino.

Joepeso 1:17

Ango akwao be, Rubanga ka Rwot wa Yesu Kirisito, Papa won deyo mi wu Tipo me rieko kede me nyutere ka Rubanga, pi mino wu ngene odocon,

Joepeso 4:30

Kur imiunu Tipo Kacil ka Rubanga ud wangcuny; piento en nono kame ebedo alama kame moko be ceng me alako wu bino tuno.

1 Jotesalonika 4:8

Pi mano, ngat kame dagi kop noni udo likame edagi akarunikin me dano, do udo edagi Rubanga ngat kame mio Tipo Kacil mere butu.

2 Temeseo 1:14

Gwok jamini kabeco kame kotieko geni kede pi kony me Tipo Kacil kame wan otie kede.

Tito 3:5

en eko lako wa, likame pi tice kame wan otimo be pien wan opoore, do pi kisa mere. En etimo manoni i Tipo Kacil, ngat kame mio wa nywal me pii, en nywal me are, di okounu doko jo anyen.

Iburanian 10:15

Doko Tipo Kacil da mio wa ijura i kom kop noni, pien me agege en ewaco be,

Iburanian 2:4

Rubanga da di oko mino ijura mere ki gianena kede ki gi me isuur kede ki giaura apapat kede ki giamia me Tipo Kacil, kame bin en epopoko di lubere kede mit mere.

Iburanian 3:7

Pi mano, bala kame Tipo Kacil waco kede be, “Kame iwinyunu dwan Rubanga tin,

Iburanian 9:8

I gi nogi, Tipo Kacil nyuto kakaler be, pwodi likame koyabo yongayo kame donyo kabedo kacil, tek kame taberenakol me ooko pwodi tie cungo.

1 Petero 1:12

Oudo konyuto ne gi be likame oudo kitie timo tic pirgi ken gi do piru, di lubere kede gikame nataman jo kame tuco Kop Aber owaco ne wu pi twer me Tipo Kacil kame kocwao ki malo. Gi nogi en gikame imalaikan paro pi neno.

2 Petero 1:21

pien likame tie imurai me enabi moro kame otieko bino pi mit ka dano, do jo oudo yamo kop ka Rubanga pi twer me Tipo Kacil.

1 Yokana 2:20

Do Ngat Kacil otieko wiro wu kede Tipo Kacil, omio wun dedede itienu kede ngec.

1 Yokana 2:27

Do wun Tipo kame Kirisito omio wu tie i kuo wu, omio likame bobo emitere ne ngatamoro pi pwonyo wu. Pien Tipo mere pwonyo wun i kom gi dedede, gikame tie me ateni do weko me angalo. Bala kame en etieko pwonyo wu kede, bedunu i Kirisito.

1 Yokana 5:7

Ijurak tie adek kame mio ijura:

Yuda 1:20

Do wun, jo na kame amaro, meedenu kede dongo di icungunu i yei wu kacil. Legunu kede twer me Tipo Kacil.

Gianyuta 2:11

“Ngat kame tie kede yite, wek ewinyi gikame Tipo tie waco ne ikodeta me jokirisito. “Ngat kame lo, bino bwot ki to me are.