Yokana 14:24 - Baibuli I Leb Kumam 2013

²⁴ Ngat kalikame mara, udo likame elubo kope na; doko kope kame wun iwinyunu go likame gin mega, do gin kiwok kibut Papa ngat kame oora.

Yokana 14:24 Iomraidhean Croise

Matayo 19:21

Yesu oko waco ne be, “Ka imito bedo ngat kame ber, ot iko cato jame kame itie kede, di iko mino jocan sente kame iudo di iko bino bedo kede abar i malo, di do iko bino luba.”

Yokana 14:10

Benyo, in likame iyei be ango atie i Papa doko Papa da tie i ango? Kope kame ango awaco ne wu likame ango awaco ne wu i akarunikin nango kena, do Papa kame tie i ango en kame timo tice mege.

Yokana 14:15

“Ka imaranu, ibinunu gwoko cik na.

Yokana 14:25

“Ango awaco ne wu kope gi di pwodi atie kede wu.

Yokana 3:11

Ateteni, ateteni awaco ni be, wan oyamo kop i kom gikame ongeo, kede gikame oneno; do in idagi yei ijura kame wan omio.

Yokana 3:34

Pien ngat kame Rubanga ocwao, en eyamo kop ka Rubanga, pien likame Rubanga mio Tipo Kacil di epimo apima;

Yokana 5:19

Yesu oko waco ne gi be, “Ateteni, ateteni ango awaco ne wu be, Wod likame timo gimoro kede mit mere kene, do etimo gikame eneno di Papa mere timo kenekene; pien gikame Papa timo dedede, etimo tetekeny Wode da tim kamanono.

Yokana 5:38

Doko likame kop mere odong i cunyu, pien likame iyeunu ngat kame en eoro.

Yokana 7:16

Yesu oko dwoko ne gi be, “Pwony na likame mega kikoma, do me ka ngat kame oora.

Yokana 7:28

Yesu oko waco ne gi bala kite kame oudo epwonyo gi kede i tempulo be, “Benyo, ateteni iparunu be ingeanu, doko ingeunu kakame ango awok kiye? Do ango likame abino pi mit na kena; ngat kame oora tie kede ateni, doko wun likame ingeenu.

Yokana 8:26

Atie kede kope atot me ayama i komu, kede gi atot kame apoore waco ne wu raco iye; do ngat kame oora tie kede ateni, doko ango atie waco ne jo me piny gikame ango awinyo kibute.”

Yokana 8:28

Di do Yesu oko waco ne gi be, “Ka itiekunu kiarao Wot ka dano i kom musalaba, ibinunu ngeno be ango inononi, kede be likame ango atimo gimoro i akarunikin nango kena, do ayamo gikame Papa opwonya iye.

Yokana 8:38

Ango awaco ne wu gikame aneno kibut Papa na, do wun itimunu gikame iwinyunu kibut papa wu.”

Yokana 8:42

Yesu oko waco ne gi be, “Koto Rubanga en Papa wu, oudo koto imaranu, pien ango awok kibut Rubanga; likame ango abino i mit na kena, do en kame eora.