Yokana 14:20 - Baibuli I Leb Kumam 2013

²⁰ Ka ceng no otuno, wun ibinunu ngeno be ango atie i Papa na, doko wuda itienu i ango, kede ango da atie i wun.

Yokana 14:20 Iomraidhean Croise

Yokana 10:38

Do ka atimo gi, akadi bed bala idagunu yei ango, yeunu do tice nogo, tetekeny ingeunu di ikounu niang be Papa tie i ango, doko ada atie i en.”

Yokana 14:10

Benyo, in likame iyei be ango atie i Papa doko Papa da tie i ango? Kope kame ango awaco ne wu likame ango awaco ne wu i akarunikin nango kena, do Papa kame tie i ango en kame timo tice mege.

Yokana 14:11

Wun poore iyeunu kop kame ango awaco ne wu be, ango atie i Papa, doko Papa da tie i ango; aso ka li, yeunu ango pi tice kame ango atie timo.

Yokana 16:23

“Kame ceng nono otuno, likame ibinunu penya gimoro. Ateteni awaco ne wu be, ka ikwaunu gimoroni kibut Papa i nyinga, en ebino mino wu.

Yokana 16:26

I ceng nono ibinunu kwano Papa i nyinga; do likame awaco ne wu be abino kwano Papa akaka wun;

Yokana 17:11

Do nan ango likame bobo abino meede bedo i piny; gin en kame kitie dong i piny; ango atie bino but in. Papa Kacil, gwok gin kede twer me nyingi, en nying kame in itieko mina, tetekeny kibed jo acel, bala kite kame ango kede in otie acel.

Yokana 17:26

Ango atieko mino gi kingeo nyingi, doko abino mino nyingi medo ngere, tetekeny amara kame in imara kede bed i gin, kede ada i gin.”

Yokana 17:7

Nan gin kingeo be gi dedede kame in imia owok kibuti;

Yokana 6:56

Ngat kame camo ringokoma kede mato remo na bedo i ango doko ada abedo i en.

Joroma 16:7

Motanu Anduroniko kede Yunia, kame obedo joawade na kame bin kotwea kede gi i otkol. Gin kitie jo angere kikom joor, doko gin kigeo nango doko jokirisito.

Joroma 8:1

Pi mano, nan do likame kobino ngolo kop i wi jo kame tie i Kirisito Yesu.

1 Jokorinti 1:30

Rubanga en kame mio wu kuo i Kirisito Yesu, ngat kame en emio odoko ne wa rieko kame wok kibut Rubanga. En kame emio wa odoko jo kopoore, kolonyere, kede kame kotieko lako.

2 Jokorinti 12:2

Ango angeo icuo moro kame tie i Kirisito, kame oudo kotingo oko tero i malo me adek, mwakini tomon kiwie ongwon cen, ango likame angeo arabo etimere i kome amoto likame i kome, Rubanga en kame ngeo.

2 Jokorinti 13:5

Ngingicunu kuo wu kenu, di ikounu neno ka pwodi itienu i yei wu. Benyo, likame iromunu niang be Yesu Kirisito tie i kuo wu? Kwanyo do ka amoto ipotunu!

2 Jokorinti 5:17

Aso, ka ngatamoro tie i Kirisito, udo en etie giacwea anyen; gikacon okato, nan do gikame nyen otieko bino.

2 Jokorinti 5:19

Dwong mere be, i Kirisito, Rubanga oudo tie dwoko nywak mere kede jo dedede me piny di likame emaro dub gi i wi gi, kede di emio wa kop kame nyuto epone kame jo romo dok bobo i nywak kede en.

Jogalatia 2:20

omio likame doko ango en kame pwodi akuo, do Kirisito en kame kuo i ango. Doko kuo kame nan ango atie kede, akuo pien atie kede yei i kom Wot ka Rubanga, ngat kame omara di eko jalo kuo mere pira.

Joepeso 2:10

Kite kame nataman wan otienu iye noni obedo tic me cing Rubanga. En ecweo wa kamanoni i Kirisito Yesu pi timo tice kabeco kame en oudo egeo iiko sek pi wan timo.

Jokolosai 1:19

Pien Rubanga i tie mere lung oudo mito bedo i en,

Jokolosai 1:27

Rubanga oyei pi mino gi ngeno epone kame abar me deyo me mung noni pire dwong kede i dier jo kalikame Iyudayan. Manoni obedo Kirisito kame tie i wun, en gen me udo deyo.

Jokolosai 2:9

Pien Rubanga i tie mere lung bedo i en i cal me kom,

1 Yokana 4:12

Likame pwodi tie ngatamoro kotieko neno Rubanga, do ka wan omarerenu kenwa kenwa, Rubanga bedo i kuo wa, doko amara mere ko tuno kakare kibut wa.