Yokana 14:2 - Baibuli I Leb Kumam 2013

² I ot ka Papa na, tie iye agolai atot; ka koto di oudo likame kamanono, koto likame awaco ne wu be atie ot iiko ne wu kabedo.

Yokana 14:2 Iomraidhean Croise

Luka 14:22

Ngatic nono oko dwoko be, ‘Adwong, gi dedede kame iwaco kotieko timo, do pwodi kabedo tie.’

Yokana 13:33

Idwe na, ango likame abino bedo kede wu pi kare alac. Ibinunu mona, do bala kite kame oudo awaco ne kede Iyudayan, iepone nono da, nan ango awaco ne wuda be, ‘Wun likame itwerunu bino kakame ango ayaro ot iye.’

Yokana 13:36

Simoni Petero oko penye be, “Rwot, in itie ot tuai?” Yesu oko dwoko ne be, “Kakame ango atie ot iye in likame itwero luba iye nan, do ibino luba i cen mere.”

Yokana 14:28

Pien wun itiekunu winyo di ango awaco ne wu be, ‘Ango atie ot, do abino dwogo butu.’ Ka koto oudo imaranu, koto nan wun itienu kilel pi kite kame ango atie ot kede but Papa; pien Papa dwong loa.

Yokana 16:4

Do ango atieko waco ne wu gi nogi, tetekeny kame esawa gin otuno, wek iyutununu gikame atieko waco ne wu i kom gi. “Likame oudo awaco ne wu gi nogi cako ki agege, pien oudo ango atie kede wu.

Yokana 17:24

“Papa, cunya mito be jo kame imia bed keda kakame ango ayaro bedo iye, pi neno deyo na kame imia, pien in imara cako di likame pwodi koketo acakini me piny.

Tice 9:16

Ango ayaro nyuto ne epone kame miero enen kede can pi nyinga.”

2 Jokorinti 5:1

Pien wan ongeo be, kame kima kame wan obedo iye i lobo kan odubere, otie kede ot kame Rubanga ogero, ot kalikame kogero kede cing, en ot kame bedo nakanaka i malo.

1 Jotesalonika 5:9

Do likame Rubanga oiko be lilo mere poti i kom wan, do eiko pi wan udo alako pi Rwot wa Yesu Kirisito,

Tito 1:2

kede pi mino gi gen me kuo kame bedo nakanaka. Rubanga, ngat kalikame ngalo, riki sek ocikere pire,

Iburanian 11:10

Pien Aburaam oudo tie kuro bomba kame oudo tie kede acakini atek me gedo mere, kame Rubanga en opimo di eko gero.

Iburanian 13:14

Pien wan likame otienu kede bomba kame bedo nakanaka i lobo kan, do wan otienu mono bomba kame tie bino.

Iburanian 6:20

kakame Yesu otieko ot iye bala ngat kame otelo ne wa yongayo, di en eko doko Ngatel Josaseredoti me ikar kede ikar, kame lunyo wang Melkisedeki i tic mere me ngasaseredoti.

Iburanian 9:8

I gi nogi, Tipo Kacil nyuto kakaler be, pwodi likame koyabo yongayo kame donyo kabedo kacil, tek kame taberenakol me ooko pwodi tie cungo.

Gianyuta 1:5

kede kibut Yesu Kirisito mujura kame genere, atin kao me iyarun kikom jo oto, doko ngat kame pugo abakai me lobo kan. En emaro wa, doko remo mere otieko gonyo wa ki dub wa

Gianyuta 21:2

Ako neno bomba kacil, Yerusalem anyen, di tie wok ki malo but Rubanga bino piny, di kotubuso en bala ateran kame kotubuso pi riamo kede cware.

Gianyuta 3:12

Ngat kame bino lono, ango abino mine ebedo epir i tempulo ka Rubanga na, doko likame ebino yai kiye. Ango abino wandiko nying Rubanga na i kome, kede da nying bomba ka Rubanga na, en Yerusalem kanyen kame bino bino piny yai ki malo kibut Rubanga na. Doko abino da wandiko nyinga anyen i kome.

Gianyuta 3:21

Ngat kame bino lono, ango abino mine ebedo keda i kom na me ajakanut, bala kame ango da alo kede di ako bedo kede Papa na i kom me ajakanut mere.