Yokana 14:19 - Baibuli I Leb Kumam 2013

¹⁹ Odong kare acecek di jo me piny ni likame bobo ko bino nena, do wun ibinunu nena; pi kite kame ango akuo kede, wuda ibinunu bedo kuo.

Yokana 14:19 Iomraidhean Croise

Yokana 11:25

Do Yesu oko waco ne be, “Ango en iyarun kede kuo, ngat kame yei ango bino kuo akadi di eto;

Yokana 12:35

Kikano Yesu oko waco negi be, “Lero pwodi tie kede wu pi kare moro acecek, miero iotunu di pwodi lero tie kede wu, tetekeny kur colo nguk wu; pien dano kame tie ot i colo likame ngeo kakame etie ot iye.

Yokana 13:33

Idwe na, ango likame abino bedo kede wu pi kare alac. Ibinunu mona, do bala kite kame oudo awaco ne kede Iyudayan, iepone nono da, nan ango awaco ne wuda be, ‘Wun likame itwerunu bino kakame ango ayaro ot iye.’

Yokana 14:6

Yesu oko dwoko ne gi be, “Ango en yongayo, ateni kede kuo; likame tie ngatamoro kame bino but Papa di likame ebeo kibuta.

Yokana 16:16

“Odong kare acecek di likame ikounu nena bobo, doko ikounu bino nena ingei kare acecek.”

Yokana 16:22

Aso nan wuda itienu kede cwercuny, do ango abino bobo neno wu di cunyu ko bino doko yom; doko likame tie ngatamoro kame bino kwanyo kilel wu kibutu.

Yokana 6:40

Pien gikame Papa na mito en ine be, ngat acelacel kame neno Wod di ko yei en poore udo kuo kame bedo nakanaka; doko ango ako bino yaruno en i ceng me ajikini.”

Yokana 7:33

Yesu oko waco be, “Abino medo bedo kede wu pi kare moro acecek, di do ako ot but ngat kame oora.

Yokana 8:21

Yesu bobo oko waco ne gi be, “Ango ayaro ot tenge di wun ikounu donyo mona, do ibinunu to i dub wu, pien kakame ango atie ot iye wun likame itwerunu bino iye.”

Tice 10:41

likame but jo dedede, do but wan jo kame Rubanga oudo otieko yero pi bedo ijurak, wan jo kame bin ocamo di okounu mato kede en ingei en yaruno kikom jo oto.

Joroma 5:10

Pien ka i kare kame wan oudo pwodi otienu kede jokwor ka Rubanga, en eko dwoko wa i nywak kede en pi to ka wode, do akalamo mano, bala kame nan do otiekunu dok i nywak kede en, Kirisito bino do lako wa kede kuo mere.

Joroma 8:34

Ngai kame bino ngolo kop i wi gi? Kirisito Yesu en kame bino timo, en bin eto, ebo, oko yaruno en kikom jo oto, nan etie i bad tetu cam ka Rubanga, ateteni en kame nan ebako doge pirwa.

1 Jokorinti 15:20

Do ateteni koyaruno Kirisito kikom jo oto, en ebedo bala anyakini me agege me jo oto.

1 Jokorinti 15:45

En komio kowandiko be, “Adamu, dano me agege, odoko gikame kuo”; do Adamu me ajikini oko doko Tipo kame mio kuo.

Iburanian 7:25

Pi mano, i kare dedede en etwero lako jo kame nyiko bedo iyapiyapi kede Rubanga di kibeo kibute, piento en ekuo nakanaka pi ngangao Rubanga pirgin.

Gianyuta 20:4

Di ako neno komini me ajakanuto; jo kame bedo i wi gi oudo komio gi twer me ngolo kop. Di ako neno tipere me jo kame oudo kongolo ngut gi pi mino ijura i kom Yesu kede pi kop ka Rubanga. Oudo gin likame kiworo le akadi cal mere, doko da oudo gin likame kiyei keto alama i tur nyim gi amoto i cing gi. Gin kiko dwogo i kuo di kiko pug karacel kede Kirisito pi mwakini tutumia acel.