Yokana 14:18 - Baibuli I Leb Kumam 2013

¹⁸ “Ango likame abino weko wu kenu, do abino dwogo butu.

Yokana 14:18 Iomraidhean Croise

Sabuli 101:2

Abino bedo abongo raco moro i kuo na; awene en kame in ibino bino kede buta? Abino bedo kede cuny aber i oda,

Sabuli 23:4

Akadi bed bala atie beo ki aditot moro acol cucucuc, likame abino lworo gimoro arac, pien udo in itie keda. Akuta nin me kwat kede ebela ni dio cunya.

Isaya 43:1

Isirael, Rwot ngat kocwei waco be, “Kur ibed kede lworo, pien ango abino laki. Ango atieko lwongi kede nyingi, in ibedo mera.

Isaya 51:12

Rwot waco be, “Ango en kame akweo cunyu; pinyo kame mio wun ilworunu dano kame miero toi, dano adana kame cal bala lum kame ner di eko to?

Koko ka Yeremia 5:3

Wan otieko doko idwe kic, pien oli kede papi wa; toti wa odoko do bala apuserun.

Kosea 14:3

Asiria likame bino lako wa; doko asigiran me yi da likame bino konyo wa. Wan likame doko obino meede waco ne caljwogi kame cing wa ocweo be gin kibedo Rubanga wa. Okwe Rwot itie kede cuny me kisa i kom jo kame tie bala idwe kic abongo ngatamoro kame kitwero ringo bute.”

Kosea 6:3

Mito oketunu teko ngeno Rwot. En ateteni ebino bino but wa bala ru me piny kame miero timere; bino mere bino dwoko cuny wa bala kot me agege kame bino di eko bido piny.”

Matayo 18:20

Pien kakame jo are arabo adek ocokere iye i nyinga, udo ada atie i diere gi.”

Matayo 28:20

doko di ipwonyunu gi gwoko gikame aciko ne wu pi lubo. Doko nenunu, ango atie kede wu nakanaka tuno i ajikini me piny.”

Yokana 14:16

Ango abino kwano Papa, di en eko mino wu ngakony ace, kame bino bedo kede wu nakanaka.

Yokana 14:3

Ka ango aoto ako iiko ne wu kabedo, abino dwogo ako omo wu atero wu kakame ango atie iye, di wuda ikounu bedo kuno.

Yokana 16:16

“Odong kare acecek di likame ikounu nena bobo, doko ikounu bino nena ingei kare acecek.”

Yokana 16:33

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

2 Jotesalonika 2:16

Wek Rwot wa Yesu Kirisito kikome, kede Rubanga Papa wa, ngat kame omaro wa di eko mino wa kweicuny kame bedo nakanaka kede gen aber pi kisa mere,

Iburanian 2:18

Pien bala kame eda kikome eneno kede can doko ebeo i aomacuny, en ekaruno konyo jo kame beo i aomacuny.